Yesaya 39:7 - Emakhuwa Bible

⁷ Akina a ekhapiraanyu, emusaanyu xaxaxa, anookuxiwa ni anootatuxiwa inoko* mpaani mwa mwene a oBabiloniya.”

Yesaya 39:7 Iomraidhean Croise

2 Mamwene 24:10

Ehuhuweene yeele, anakhotto a Nebukadenezari, mwene a oBabiloniya, yaarowa mpaka oYerusaleemu, enaricawo,

2 Mamwene 24:12

Yehoyakini, amayawe, arumeiyaawe, maneethaawe ni asitokweenaawe ootheene yaahiixinnyerera wa Nebukadenezari. Vayaakhani yanaathannatthaaru ya olamula wa mwene a oBabiloniya, Nebukadenezari aakuxa oYerusaleemu, anamutthuka Yehoyakini.

2 Mamwene 24:15

Nebukadenezari aamukuxa Yehoyakini ntoko ootthukiwa amuronghaka oBabiloniya. Aahaakuxatho oYerusaleemu amayaya amwene, axaaraya, asitokweenaaya ni asilopwana oottittimiheyaxa a mulaponi.

2 Nyaha 33:11

Tivawo Yave aarumihenlaawe asitokweene a anakhotto a mwene a wAsiriya, mwa yaawosa yaamvanre Manaxe, enamuhomano mphulani eyuuma yoongweyano, enamutthuka ni onyooro wa ebronze, enamuronghasa oBabiloniya.

2 Nyaha 36:10

Mweehuhuni ya ottuva, mwene Nebukadenezari aalamulela Yehoyakini oronghiwa oBabiloniya, vamoha ni ikaruma saakhumihiwe Mpaani mwa Yave, anamvara omwene Zedekiya, atatawe Yehoyakini, weera alamule oYuda ni oYerusaleemu.

2 Nyaha 36:20

Nebukadenezari aahaarongha wootthukiwani oBabiloniya yaawo yaahalahanle yoopowaka ekatana, weera ekhale ipotthasawe ni sa ekhapiraawe, mpaka mweehuhuni ya olamula wa aPersiya.

Yeremiya 39:7

Aalamulela okhoroboliwa maitho a Zedekiya ni omutthuka ni onyooro wa ebronze* weera emuronghe oBabiloniya.