Yesaya 39:2 - Emakhuwa Bible

² Hizekiya aawaakhela anamitthenga ni ohakalala, anawoonihera sootheene saari mmapuroni a osunga – eparatha*, eyuuma yoorikaxa, itthu sootakansiwasa ni makhura ooreera – mpakatho ekwartu ya ikapwitthisawe ni mihakhusawe sootheene. Hizekiya aawoonihera sootheene saari mpaanimwawe ya emwene ni omwenaawe.

Yesaya 39:2 Iomraidhean Croise

1 Mamwene 10:10

Owo aamvaha mwene ikiilu* macira miloko mixexe sa eyuuma yoorikaxa, itthu sooreerela sincipale ni maluku oowaaraxa. Khasinaruuhiwetho itthu sooreerela sincipale ntoko seiye pwiyamwene a oXeba aamvanghaawe mwene Salomoni.

1 Mamwene 10:15

ohiya misoko aakhelaawe wa ananakoso oohiyanahiyana sa mamwene a wArabiya ni maguvernadori a elapwaawe.

1 Mamwene 10:2

Aaphiya oYerusaleemu ahooliweene ni mukuttula mutokotoko wa ikamelu* sikuxaleene itthu sooreerela, eyuuma yoorikaxa ni maluku oowaaraxa. Aarowa wa Salomoni, anamukoha mwaha wa sootheene saari mmurimanimwawe.

1 Mamwene 10:25

Eyaakha ti eyaakha khula mutthu aarwa omuxekura annamuruuhela soovaha– itthu sa eparatha*, eyuuma yoorikaxa, mikaandyo, ikapwitthi, itthu sooreerela, ikavalu* ni abuuru.

2 Mamwene 20:13

Hizekiya aawaakhela anamitthenga, anawoonihera sootheene saari mmapuroni oolipelela – eparatha*, eyuuma yoorikaxa, itthu sootakansiwasa ni makhura ooreera – mpakatho ekwartu ya ikapwitthisawe ni mihakhusawe sootheene. Hizekiya aawoonihera sootheene saari mpaanimwawe ya emwene ni omwenaawe.

2 Nyaha 32:25

Vaheera Hezekiya aathatuwa oowiixoona, ohicelanaka onnene aapakeliwaawe; tivawo isara sa Yave saammorenlaaya owo, oYuda ni oYerusaleemu.

2 Nyaha 32:27

Hezekiya aathadyireyaxa ni aavuwa; aapaka moosungamo eparatha*, eyuuma yoorikaxa, maluku oowaaraxa, itthu sooreerela, ixikudu* ni moota wootheene wa itthu sooreerela.

2 Nyaha 32:31

Vaheera alamuli a oBabiloniya yaarumihalaaya anamitthenga weera yamukohe mwaha wa eneneero yootikhiniha yeereiye mulaponi, Muluku aamuhiya weera amoote murima ni asuwele sootheene saari vamurimaniwawe.

2 Nyaha 9:1

Pwiyamwene a oXeba, asuwelaka epili ya Salomoni, aarowa oYerusaleemu weera amoote murima ni sookoha soorika. Aphiyakaruwo, ahooliweene ni anakhotto ancipale, ni ahaaci ekuxaleene soosivasiva, eyuuma yoorikaxa yincipale, ni maluku oowaaraxa, aarowa wa Salomoni, anamukohakoha sootheene uupuwelaawe.

2 Nyaha 9:9

Owo aamvaha mwene ikiilu* 4 200 sa eyuuma yoorikaxa ni itthu sooreerela sincipale ni maluku oowaaraxa. Khasinooniweru soosivasiva sooreeraxa ntoko pwiyamwene a oXeba aamvanghaawe mwene Salomoni.

Yobi 31:25

Nkiikuxerenreno mihakhusaka, sooreela sootheene seiyo matataaka yaawinnaaya.

Masu a Miruku 4:23

Yoontthuneyaxa ti othokorora murimaawo, niwoko owo onlamulela ephiro ya okumaawo.

Namalaleiya 7:20

Vanonto, khawoworu naari mmoha mulaponimu oororomeleya ompaka yooreera, ahinatthekaru.

Yeremiya 17:9

Murima ti woolokotthaxa opwaha itthu sootheene ni erettaaya ti yoohilameya. Khaawo anaawere wiiwexexa.

2 aKorinto 12:7

Koovahiwa mwiiwa mweerutthunimwaka, aani murummwa a Satana, weera okihasule, nitho okooceelihe wiivuwihaxa niwoko na wunnuwa wa soothupulula iye.

1 Yohaane 1:8

Hiyo neera weera khaninono soottheka, nnimwiilokottha ni ekhaikhai kheekhanle mwa hiyo.