Yesaya 38:3 - Emakhuwa Bible

³ “Ii! Yave, muupuwelele moota koorumeenlaakani ni ororomeleya ni murima wootheene. Koopaka yeeyo eri yooreera vamaithoniwanyu.” Ni Hizekiya aahiinla vancipalexa.

Yesaya 38:3 Iomraidhean Croise

Epacerero 17:1

Abraamu arinweene iyaakha miloko mithannamixexe niithanniixexe, Yave aahiixoonihera wa yoowo, anamweerela: “Miyo ti Muluku a ikuru sootheene, mweette vamoha ni Miyo ni mukhaleke ookwaneleene.

Epacerero 6:9

Ola ori mwaha wa Nowe: Nowe aari mulopwana mmoha oororomeleya ni oohikhalano milattu variyari wa muloko wa ehuhuwaawe. Vano owo anneetta vamoha ni Muluku.

1 Mamwene 15:14

Yaaroohimalamalihiwaru mapuro ootteela a miluku sikina mmattumuxani, murimaawe Asa waaroromeleya wa Yave mookumunimwawe wootheene.

1 Mamwene 2:4

Mwapaka yeeyo, Yave onookwanihera yeeyo aakiroromelinghaawe eeraka: ‘Ekhapiraanyu yeetta mootthunanimwaka ni yakhala oororomeleya vamaithoniwaka ni murima ni okumi wootheene, nyuwo munoomukhalano namarandela vahiceni ya emwene oYixrayeli wa mahuku ootheene.’

2 Mamwene 18:3

Aapaka yeeyo eri yooreera vamaithoni wa Yave ntoko naapankaaya nikholonawe Davide.

1 Nyaha 28:9

Vano weyo mwanaka Salomoni, omusuwele Muluku a atithawo, ni omurumeele ni murima wootheene, ohinyesereriwaka, niwoko Yave ongwehaweha mirima sootheene ni onsuwela wiixera wa soowuupuwela sootheene. Weyo wamwaasaasa, onoomphwanya, vaheera wamuhiya, Owo onimookhootta wa mahuku ootheene.

1 Nyaha 29:19

Mumvahe mwanaka mulopwana Salomoni murima wookwanela weera iiwelele malamulowaanyu, mahusihowaanyu ni ikanosanyu, weera ateke Empa ya Yave ela, mwa yeeyo kirehererenlaaka seiyo sintthuneya.”

1 Nyaha 29:9

Muloko waahakalalela mapakelo a ahoolelaaya, niwoko yaamvaha Yave iyo ni otthunawaya, ni murima wootheene. Vano mwene Davide aahakalalaxatho.

2 Nyaha 16:9

Vano, maitho a Yave angweha elapo yootheene weera aalipihere ootheene yaawo animukhalela nthiti ni murima wootheene. Wa yeeyo, nyuwo moopaka ya ololo. Okhuma vaanaano va woorowa ohoolo, mmweereke owana ikhotto.”

2 Nyaha 25:2

Owo aapaka onaakhulelaawe Muluku, mene khoohiyono ni murima wootheene.

Ezera 10:1

Ezera avekelaka ni alapaka akokhonreene iinlaka ohoolo wa Empa ya Muluku, atthu ancipale a aYixrayeli – asilopwana, asithiyana ni amiravo – yaathukumana emurukureenreene. Awosatho yaahiinlaxa.

Nehemiya 1:4

Kiiwakaru itthusene seiye kaathanana, kiinlaka. Wa mahuku makina kaalalamika, kitthukaka ni kivekelaka vamaithoni wa Muluku a wiirimu.

Nehemiya 13:14

Mukuupuwelele miyo Mulukwaaka ni muhittiwale yeeyo kipakenlaaka Empa ya Mulukwaaka ni soorumeelasaya moota woororomeleyaxa.

Nehemiya 13:22

Vano kaahaalamulela aLeevi weera yiitteelihase ni erowe yawehawehase milako weera nihuku na eSaabadu nittittimihiwe ntoko nootteela. Mukuupuweleletho mwa yeeyo Mulukwaaka, mukimorele ikharari moosivelanimwanyu otokotoko.

Nehemiya 13:31

Kookhalihatho moota woovara miteko sa ikhuuni ni wooruuha soowiima soopacera kithalihaka ehuhuwaaya. Ii! Mulukwaaka, mukuupuwelele miyo mooreeranimwanyu murima!

Nehemiya 5:19

Mukuupuwelele ni murima wooreera, Yave, niwoko na sootheene seiye kipakenlaaka muloko ola.

Icipo 101:2

Kinimwiikosoopa weera keette moota wookwaneleya. Mmwikikumanane yaakhani? Kinookhala vaatewaka ni murima woohikhalano nthowa.

Icipo 102:9

Vano kinca ettuura ntoko yoocaaka ni yoowuraaka entakansereya ni maithori,

Icipo 119:80

Murimaaka okhaleke wookwanela wa ikanosanyu weera kihuulihiheye muru.

Icipo 16:8

Mahuku ootheene kiningweha Yave ohoolowaka. Ti Yoowo onkookolela – nkirwa kittikinyeya.

Icipo 26:3

niwoko osivelawanyu ori ohoolowaka mahuku ootheene ni kinneetta mweekhaikhaiyinimwanyu.

Icipo 32:2

Ooreelihiwa mutthu Yave ohimmoonanaawe soottheka ni mwa yoowo ohinimphwanyanaawe wiixeera.

Icipo 6:6

Kookhulumuwa wiixinlelaxa; ohiyu wootheene kinniinlaxa vakaamaniwaka kinaanihaka yoophiteeraaka.

Icipo 6:8

Mususeke wa miyo ootheene nyuwo mumpaka sootakhala, niwoko Yave ohiiwa wiinlawaka.

Yesaya 38:2

Hizekiya aahuluwela oxirini, anamvekela Yave:

Yesaya 38:4

Vano Yave aamulamulela Yesaya:

Hoxeya 12:4

Owo aawana ni ndyelo, anavenya oowineene; aahiinla adyoonttelelaka nreeliho na Muluku. oBeteli aamukumanano Muluku, anamutthekulanowo.

Yohaane 1:47

Amoonaka Nataneyeli akhuveelaka, Yeesu aaheera: “Mmoone – muYixrayeli a ekhakhai ni oohilokottheya.”

2 aKorinto 1:12

Vano, ovuwawahu ti wu: Mirimasahu sinkhalela onamoona weera hiyo nanneetta mweelaponimu, vancipalexa variyariwanyu, moota wa murima woowookowa, mwa ekhaikhai enrweela wa Muluku, mwa mahala a Muluku, ni khanneetta mwa miruku sa elapo ya vathi.

Deuteronomiyo 6:18

Mpake yeeyo eri ya ekhaikhai ni yooreera wa Yave weera sootheene siweetteleni nnenesene. Hiiho munoovolowa mukuxaka elapo yooreera Yave aaroromelinghaawe ni nlipelo makholowaanyu,

aHeberi 5:7

Wa mahuku ootheene a okumaawe a mweelaponi, Yeesu annamvekela ni annamdyoonttelela, akhuwelaka ni maithori Yoowo aawera omvuluxa mookhwaani, ni iiwiwe niwoko na wiiwelelawawe otokotoko.

aHeberi 6:10

Muluku khahiyono oohiroromeleya, Owo kharwa attiwala mitekosanyu, naari osivelawanyu mmoonihenraanyu, niwoko mohaakhavihera ootteela ni nlelo mumpwaherera waakhavihera yaawo.