Yesaya 34:1 - Emakhuwa Bible

¹ Murweeke, nyuwosa miloko ni mwiiwe, mwiiwe nnenesene miloko nyuwosa! Elapo yiiwe ni sootheene sirimo; elapo ya vathi ni sooruwerasaya!

Yesaya 34:1 Iomraidhean Croise

Epacerero 6:13

Tivawo Muluku aamweerenlaawe Nowe: “Koolakela waaphwata atthu ootheene, niwoko elapo ya vathi yootheene yoosareya nipuheronaya. Vekhaikhai, kinimwaaphwata vamoha ni elapo yootheene.

Icipo 24:1

Elapo ya vathi ti ya Yave vamoha ni sootheene sirimo; hiihotho elapo ni ootheene ankhalamo,

Icipo 50:1

Yave, Muluku ooweraxa, onuuluma alattulaka elapo ya vathi okhuma ninkhuma nsuwa mpaka ninkelaayawo.

Icipo 96:10

Mweere eriyari ya miloko: “Yave onlamula.” Elapo ya vathi eri yoolipeene ni kheenttikinyeya. Owo onoothoriha miloko mweekhaikhaiyini.

Yesaya 1:2

Mwiiwe wiirimu; ngwiriyane elapo ya vathi, niwoko Yave eenre: “Miyo kohaapattuxa anamwane kinawunnuwiha, mene awosa aakirukunuwela.

Yesaya 18:3

Miloko sootheene nyuwo sa elapo ya vathi; ootheene nyuwo mummaka mulaponimu, eneneero yeemexiwaka mmanyaakoni, munimoona, ni nipalapatta naarumaka, munimwiiwa.

Yesaya 33:13

Nyuwosa muri ottai, mwiiwe yeeyo kipankaaka; nyuwosa muri vakhiviru, mwaakhele ikurusaka!

Yesaya 41:1

Nyuwosa icirumba, mmaaleke vamaithoniwaka! Miloko siphwanyetho ikurusaya! Seiyo sirweeke weera siixaakihe; nathukumaneke weera nuulume mulattu.

Yesaya 43:9

Miloko sootheene sa elapo ya vathi sinthukumana. Taani a seiyo yaahimme, elaleiyaka itthusene seiye sivinre? Awosa yaaruuheke anamoonaaya, yooniheraka weera khayootha, ni akina yiiwa, yeere: “Ettiitthu.”

Yesaya 48:16

Mukaattamele ni mwiiwe yeeyo: Okhuma maswaaka oopacera nkuulumme muxiirini; mweehuhuni sineeraaya sikhumelele Miyo kinookhalawo. Vano Yave onlamula sootheene ookirumiha ni Munepaawe.”

Yesaya 49:1

Mukiiwe nyuwosa icirumba, mwiiwe yeeyo nyuwosa miloko sinkhala ottai: Miyo kihinaaye oyariwa, Yave aakiitthana; okhuma oyariwawaka Owo iitthana nsinanaka.

Yesaya 63:1

Taani ole onrweela wEdomi, oBozera, soowarasawe sittikittheliweene yooxeera? Taani ole owanre mukaandyo woovuwaxa, aanulaka malipa mukurunimwawe sitokotoko? “Ti Yoomi kinuuluma mweekhaikhaiyini, oowera ovuluxa.”

Yeremiya 22:29

Ii! Elapo, elapo, elapo, mwiiwe masu a Yave!

Yeremiya 49:7

Mwaha wa wEdomi: Yave a ikuru sootheene oneera ha: “Weeraka miruku soomala oTema? Weeraka olaka wa anamiruku woolakaseya? Mirukusaya soothowa?

Ezekiyeli 38:17

Yave onlamula sootheene, oneera ha: ‘Weeraka nyuwo khamuhiyono yoole kaamuhimaaka mmahukuni avinre, mwa arumeiyaaka, maprofeeti a oYixrayeli? Ehuhuweene yeele, awosa yaathalihera otthuna wa Muluku iyaakha sincipale weera Miyo kaamooruuhani weera mwaawaneno aYixrayeli.

Obadiya 1:1

Moonelo wa Obadiya: Yave Onlamula Sootheene oneerela ha wEdomi: Nohiiwa mutthenga wa Yave – namutthenga orumiheliwe miloko sa elapo ya vathi eeraka: “Mvenyeke ni niroweke nawaneno wEdomi!

1 aKorinto 10:26

niwoko elapo ya vathi ni waattawaya wootheene ti wa Apwiya.

Deuteronomiyo 32:1

Mwiiwe wiirimu, ni nkuulume, aani mwiiwe, elapo ya vathi, masu a eyanowaaka.

Deuteronomiyo 4:26

vanonto, wiirimu ni vathi ti anamoonaaka olelo weera nyuwosa munoophwatiwa woowaakuveya mweelaponi mwa yeeyo munkuxaanyu woomulapuwa Yordanu. Nyuwo khamukhalaxawo, mene munoophwatiwa woomalela.

Ethupululo 2:7

Yaawo arino maaru, yiiwe yeeyo Munepa onleelaaya ikerexa! Wa namawina nkimutthunihere oca sa mwiri wa okumi ori mParadisu* wa Muluku.

Ahooleli 5:3

Mwiiwe nyuwosa mamwene ni nyuwosa alamuli ngwiriyane! “Kinimwiipela Yave, kinimutthapela Yave, Muluku a aYixrayeli, ni icipo.

Ahooleli 5:31

Ii! Yave, amwiittanaanyu ootheene ephwatiwe hiiho! Vaheera yaawo anoosivelani ekhaleke ntoko nsuwa naakhumaka ni ikurusaya.” Vahoolowaya elapo yaakhalano murettele wookwana iyaakha miloko mixexe.