Yesaya 32:6 - Emakhuwa Bible

⁶ Vano mulolo onuuluma sa ololo, uupuwelaka paahi soonanara: owo ompaka itthu soohitteela amwaraxelaka soowootha mwaha wa Yave. Owo onimuhiya oovoliwa etala woohikhalano yooca ni ommwiimana maahi nantthona.

Yesaya 32:6 Iomraidhean Croise

Icipo 141:4

Muhitthunihere weera murimaaka ohokoleele wa yoonanara, hata miyo kihivitikeleleye mwa soopaka sa ooriheya ni atakhali. Miyo kihirwe kipakela mpatta wa ifestasaya.

Masu a Miruku 19:3

Ti ololo wa mutthu onghela nthala okumaawe, vaheera murimaawe onimunyoonyeriwa Yave.

Masu a Miruku 24:7

Miruku sinimulemelelaxa mulolo; owo khansuwela wuuluma mmuthukumanoni.

Yesaya 10:2

weera eriirihele soophwanela sa oohaawa ni sa ekhaikhai sa oohasuliwa variyari wa mulokwaaka. Atthweene yaale anaakhaliha asinaamukhweli yoolupatthaaya ni angwiiyera akwaasuni.

Yesaya 10:6

Miyo kinrumihela muloko woomurakamela Muluku, wa muloko onkinyoonyiha, weera ohuhule ni waakhe sooreela ni weeratho ovotte ntoko ittoko sa mmiseweni.

Yesaya 26:10

Naari mutakhali amoreliwaka ikharari, owo khanxuttera ekhaikhai. Mulaponi mwa oowookoleleya owo oneetta mooriheyani ni khanoona ovuwa wa Yave.

Yesaya 3:15

Enoohaaxihani eheeni mulokwaaka, muupuruxelaka vathi ikhove sa oothoiwa?” onkoha Yave, Yave a ikuru sootheene.

Yesaya 31:2

Wa soothesene, Yave ti a mirukutho ni ongwera oruuhela erisa; Owo khanceendya maswaawe. Owo onoovenyera impa sa anamariheya, aawananakano yaale anaakhavihera anamapaka a soonanara.

Yesaya 59:13

Noomurukunuwela ni noomulokottha Yave; noomuhiya omutthara Mulukwaahu, wuulumawahu ti wa nihasu ni ovaanya ni noolokolola soowootha mirimasahu siyanraaya.

Yesaya 59:7

Inaawosaya sintthimakela yoonanara; awosa khaampisa oyeeha ephome yoohinthowa. Soowuupuwelasaya ti soonanara; ophwata ni ohonona ti ineneero sa iphirosaya.

Yesaya 9:17

Tivawo Yave ohinaahakalalelaawe amiravo hata ohinaamorelaawe ikharari akwaasuni naari asinaamukhweli, niwoko ootheene aamurakamela Muluku ni a murima woonanara, anuuluma moota woohiloka. Sirookhalaru sootheene iye, isara sa Muluku khasihapungwe ni ntatanawe nri etheteeliwo.

Yeremiya 13:23

Apaale muKuxe onoowera oceendya oriipawawe? Apaale havara onoowera oceendya malepaawe? Mooteene yoowo nyuwosa khamungweratho opaka yooreera niwoko mookhovelela opaka soonanara.

Ezekiyeli 34:18

Khawookwanneni oca mooreera? Onootthuneyatho onyikalasa mooca ohanle? Khayookwanneni owura maahi ooreera? Onootthuneyatho wuutuwanyera ni inaawo maahi ahanle?

Daniyeli 12:10

Ancipale anootteelihiwa, anoopakiwa moota wookwanela ni anoototoxiwa, vaheera atakhali anoopwaherera okhala oonanara. Khawoworu mutakhali aneera iiwexexe yeeyo, mene yaawo ari a miruku animwiiwexexa.

Amosi 8:6

nimuthumaka oohaawa ni eparatha* ni oothoiwa ni ikwakwaatta piili, nithumihaka mpaka ikokhola ni etrigu.

Matheyo 15:19

Vano, wa mmurimani sinkhumelelaaya soowuupuwela soonanara, wiiva, oraruwa, olavilavi, wiiya, wootha ni waapa.

Matheyo 23:13

Ii! Munoohaawa nyuwo, anamawera a nlamulo*, aFarisi*, anamwiixeera! Nyuwo mungwala nsele na omwene wa wiirimu ohoolo wa atthu. Nyuwo muneenaanyu khamumvolowa, hata khamunaahiya evolowaka yaawo antthuna.

Yakobe 1:27

Vano, ediini Muluku Atithihu onaakhulelaawe ntoko yootteela ni yoohikhala malepa, ti ela: waakosoopa akwaasuni ni asinaamukhweli mohaawanimwaya ni wiisusiha wa soovaliha sa mweelaponi.

1 Samuweli 24:13

Yoohimmwa ya khalayi eneera: ‘Wa atakhali anoona sootakhalaru.’ Tivawo kihingweraaka owiivani.