Yesaya 3:5 - Emakhuwa Bible

⁵ Muloko onoohooxana – asilopwana asilopwanaru, khula mutthu ni mwaattamanaawe. Amiravo animwaahasula anamuuluvala, ooveihereya ni maneethi.

Yesaya 3:5 Iomraidhean Croise

2 Mamwene 2:23

Okhuma vaavaale, Elixa aarowa oBeteli. Eettaka hiihaale mphironi, amiravo akina yaarweela osidade yaamwaattamela, enapacera omutheya emweerelaka: “Owele nantari! Owele!”

Yesaya 1:4

Ii!, muloko woottheka, ekhapira elemelingwe sootakhala, nakupa a anyali; anamwane avaheriwe ohitteela! Awosa aamuhiya Yave; aamuramusa Ootteela a oYixrayeli, emukhoottaka Yoowo.

Yesaya 11:13

Ehace ya Efrayimi enkoongora ni amwiittana a oYuda anoomalamalihiwa. wEfrayimi khookhalela ehace oYuda, hata oYuda khawiitta wEfrayimi.

Yesaya 19:2

Kinoongwanawaniha ngwExipitu ni ngwExipitu: khula mutthu onoongwanano munneiye, mwaattamana ni mwaattamanaawe, esidade ni esidade, omwene ni omwene.

Yesaya 9:18

Vekhaikhai sootakhala singhisa ntoko mooro; seiyo sinimuhisa rupulula ni nyiiwa. Simpattiha maphuwa a moothakoni sitthuwiheraka mwiixi wiirimu.

Yeremiya 22:17

“Mene nyuwo munghaawela makhwankwa paahi, mutthunaka owiiva oohinthowa, mwaasaka ohasula ni ewinelo yoohiroromeleya.”

Ezekiyeli 22:12

Mpuwamwanyu, aakhala atthu anaakhulela makhwankwa weera eyeehe ephome; nyuwo munkoongoriha mweerelaka oliviwa iphura, ophwanya ewinelo, ni mungwina moota woohiroromeleya munnyesererihaka ni mmwiiyeraka mukhwiinyu. Nyuwo mookittiwala, onghima Yave onlamula sootheene.

Levitiku 19:32

Ngweemelele anamuuluvala ni mwaattittimihe asitokweene a muloko; mmoove Mulukwaanyu. Miyo ti Yave.

Amosi 4:1

Mwiiwe masu ala nyuwosa imombe ithiyana sa oBaxani muri vamwaako wa oSamariya, nyuwosa asithiyana munaahasula oohaawa, munaattikittha oothoiwa, ngweerelaka asiiyinyu: “Muniruuheleke soowura weera niwure!”

Mikeyasi 3:11

Ahoolelaaya anlakela yeerelaka makhwankwa, asaserdotaaya anxuttiha yeerelaka owina, ni maprofeetaaya antthoma yeerelaka musurukhu. Eyo eri hiiho, aniikhaviherano Yave, yeeraka: “Yave ori eriyaraahu. Kheenikhumelelaru erisa.”

Mikeyasi 7:2

Yaawo a murima woororomeleya aalakaseya mulaponi; khawoworu oororomeleya. Ootheene aniipithela weera eyeehe ephome; khula mutthu onimulupattha munneiye ni ntapha.

Zakariya 11:6

Miyo nkirwatho kaamorela ikharari amaki a elapo,” onghima Yave. “Khula mutthu kinoomwinnyerera wa mwaattamanaawe ni wa mwenaawe. Awosa anoohasula elapo ni Miyo khaawo kineeraaka kimutapuxe mmatatanimwaya.”

Malekiya 3:5

“Miyo kinimoorwa wa nyuwosa ntoko Mphuki. Woohipisa, kinookhalela onamoona mwaha wa akhwiri, anamararuwa, anlipela vasiiyoniwene ni wa yaale angwiiyera anamiteko ngwaalivani, anaahasula akwaasuni ni asinaamukhweli, ehooniheraka soophwanela wa anamarwa, ni ahinkittittimiha Miyo,” oneera Yave a ikuru sootheene.

Matheyo 26:67

Vano akina yaamusenyela owiitho, emmanaka ni icipakhira; akina yaammana ni ilatuma

Marku 14:65

Vano akina yaapacera omusenyela, yaamutthuka maitho ni emmanaka Yoowo, yaamweerela: “Otthome!” Ni anamalipelela yaamwaakhela Yoowo, emmanaka.

Luuka 22:64

Yaamukhuneela maitho ni yaamukoha: “Otthome, taani yoomanne?”

Yakobe 2:6

Nyuwotho munaaramusa oohaawa. Khaahiyono oopuha yaawo anoohasulani? Khaahiyono yaawo anooronghani nyuwo wa atthu anuuluma milattu?

Yakobe 5:4

Moone, nlivo na anamiteko ahemphe mmattamwanyu nyuwo muhaalimvaanyu ninniitthanaxa. Olalamika wa anamahepha wohiiwiwa ni Apwiya a ikuru sootheene.