Yesaya 3:10 - Emakhuwa Bible

¹⁰ Mwaaleele oororomeleya weera sootheene sinooweettela nnene, niwoko animooca soowiima sa mitekosaya soororomeleya.

Yesaya 3:10 Iomraidhean Croise

Epacerero 18:25

Khoongwereya wa Nyuwo opaka etthweene yeeyo omuthorihela okhwa mutthu oohikhalano nthowa vamoha ni mutthu orino nthowa. Mooteene yoowo khoongwereya wa Nyuwo waapakela moota mmoha atthu oohikhalano nthowa ni ookhalano nthowa. Nyuwo muri Mphuki a elapo ya vathi yootheene, ontthuneya othoriha nnene.”

Icipo 58:11

Vano atthu eniyeere: “Vekhaikhai oororomeleya nlelo anaakhela ntthuvelonaya; vekhaikhai ookhala Muluku onthoriha elapo ya vathi.”

Okhuma 1:20

Vano Muluku aahoonihera murima wooreera wa anamayariha ni muloko wannatepa waandyerereya ni waalipa vancipalexa.

Masu a Miruku 10:6

Mareeliho ti ecireemba mmuru mwa oororomeleya, vaheera masu a atakhali aniipithiha nipuhero.

Masu a Miruku 12:14

Mutthu onaakhela mureerelo mwa soowiima sa eyanowaawe, ni miteko sa matataawe onootthuveliwano.

Masu a Miruku 13:21

Erisa enimuttharatthara namattheka, vaheera weetteleya nnene ti ntthuvelo na oororomeleya.

Masu a Miruku 18:21

Nlumi nrino ikuru soolamulelano okumi ni okhwa; yaawo onaasivela ovarela muteko animooca yoowiima ya eyanowaaya.

Namalaleiya 8:12

Mutakhali onoowera opaka sootakhala soohaalikeleya, ni orookhalaru hiiho, onkhalano okumi woowaatta, mene koosuwela nnenesene weera itthu sinooweettela nnene yaawo ammova Muluku, aani yaawo anoonihera nttittimiho ohoolowawe.

Yesaya 54:17

Khawoworu kapwitthi mpakeliwaanyu woonanarihani anaaweereeni etthu ni nyuwo munoomuvaanya khula anawoothereni. Eyo ti yoohiyeriwa wa arumeiyi a Yave, ni wu ti waakiha kimpakelaaka mwaha wa yaawo,” onghima Yave.

Yeremiya 15:11

Yave aaheera: “Vekhaikhai, Miyo kinimoolipiherani mpuha, Yeremiya ni kinimookhaviherani. Vekhaikhai mweehuhuni ya erisa ni ya makacamiho kinoopakiha weera amwiittanaanyu yoodyoontteleleni.

Yeremiya 21:14

Miyo kinimoottaruxani kittharihaka mitekosanyu, onghima Yave. Miyo kinoopattiha mooro moothakonimwanyu oneera ohise sootheene siri mukhwipimwaya.’ ”

Yeremiya 22:15

Apaale munuupuwela weera waattano itthaabwa sa esidari* onimookhalihani mwene? Atithinyu yaakhalano sooca ni soowura, ni awo yaapaka yeeyo eri ya ekhaikhai, tivawo sootheene saaweettelaaya nnene.

Yeremiya 7:23

Ohiyanawaya, nlamulo kaavanghaaka ti nna: mukiiwelele ni kinookhala Mulukwaanyu ni nyuwosa munookhala mulokwaaka. Mweette mphironi kinoolamulelaakani weera itthu siweetteleni nnene.

Ezekiyeli 18:20

Yoowo anaattheke ti anaakhwe. Mwaana khakuxa nthowa na atithawe, hata tiithi khakuxa nthowa na mwanawe. Oororomeleya, onimwaakhuleliwa ngwookoleleyanimwawe, ni sootakhala sa mutakhali onookokoceriwa.

Ezekiyeli 9:4

anamweerela: “Mviravire musidade ya oYerusaleemu ni mwawiikaathere vayuuci eneneero yaale anlalamika, yiipulelaka niwoko na miteko soohiira simpakiwa mwemmo.”

Mikeyasi 7:13

Elapo enoohala ttewu niwoko na yeeyo amakaaya apankaaya.

Zefaniya 2:3

Mmwaase Yave, ootheene nyuwo oowiiyeviha a mulaponi, nyuwosa mumpaka yeeyo Owo olamulenlaawe. Mwaasaase ekhaikhai; mwaasaase wiiyeviha; apaale nyuwosa mmwikhaleno wootthawela vanihukuni na isara sa Yave.

Malekiya 3:18

Hiiho, nyuwosa munimoonatho ovirikana eriyai ya oororomeleya ni mutakhali, eriyari ya yaawo animurumeela Muluku, ni ahinimurumeela.”

Luuka 19:19

Apwiyaawe yaamwaakhula: ‘Weyotho, olamuleke isidade ithanu.’

Deuteronomiyo 12:25

Muhikhuure weera sootheene siweetteleni nnene nyuwosa ni anamwaniinyu woopaka yeeyo eri yoowaakhuleleya vamaithoni wa Yave.

aHeberi 6:10

Muluku khahiyono oohiroromeleya, Owo kharwa attiwala mitekosanyu, naari osivelawanyu mmoonihenraanyu, niwoko mohaakhavihera ootteela ni nlelo mumpwaherera waakhavihera yaawo.