Yesaya 28:1 - Emakhuwa Bible

¹ Ii! Wa ecireemba eri wiixoona wa anamuhapaliwa a wEfrayimi! Ii! Wa wiiphwanelihawaya, mwa iwo onlikana ni ethutu yoonyaala. Ii! Wa yaale yaacorweenle eviinyu.

Yesaya 28:1 Iomraidhean Croise

2 Mamwene 15:29

Mweehuhuni ya olamula wa Peka, mwene a oYixrayeli, Tigelati-Pileseri, mwene a wAsiriya, aavolowa, anakuxa wIyoni, wAbeli-Beti-Mahaka, oYanowa, oKedexi ni oHazori. Aakuxatho oGiliyadi ni oGalileya vamoha ni elapo yootheene ya oNafitali, anaavara atthu aaronghaka wAsiriya.

2 Nyaha 28:6

Munihukuni nimoha, Peka mwaana mulopwana a Remaliya, aawiiva anakhotto 120 000 oolipaxa murima a oYuda, niwoko aYuda yaamuhiya Yave, Muluku a makholowaaya.

Masu a Miruku 23:29

Taani aniithananihera? Taani ariipiwe murima? Taani aniikhupanyera? Taani avulanle makhwatta oohitthuneya? Taani yaaxeenre maitho?

Yesaya 28:7

Vano yaale amveveleyaxa niwoko na eviinyu ni soowura ti ala: asaserdoti* ni maprofeeti amveveleya niwoko na soowura ni anrukureereya nyuru niwoko na eviinyu. Awosa khaangwera weemela niwoko na owura yoohapala, mmoonelonimwaya anoona soopupuruma ni khaangwera othoriha ekhaikhai.

Yesaya 5:11

Ii! Munoohaawa nyuwosa mumpeherera ovenya weera muhapaliwe, nyuwosa mumpwaherera owura mpaka ohiyu.

Yesaya 5:22

Ii! Anoohaawa yaale ari asimwaneene owura eviinyu ni anamawera ophuka soowura;

Yesaya 8:4

Mwaana ola ahinaaye osuwela weera ‘tiithi naari’ maayi, mwene a wAsiriya onookuxa mihakhu sa oDamasku ni soohuhula sa oSamariya.”

Yesaya 9:11

Vaheera Yave aahaalipiha amwiittana a Rezini weera yaawaneno anakhottwaawe ni aahaatannya amwiittanaaya.

Yesaya 9:8

Yave oorumihela mutthenga emusi ya Yakobe, mutthenga owo woophiya oYixrayeli.

Yesaya 9:9

Atthu ootheene anoosuwela yeeyo – awErayimi ni amaki a oSamariya, mwa yaawo aneera ni murima woowiixoona ni woowiikuxa:

Hoxeya 4:11

mooraruwani, mviinyuni ya khalayi ni yiiyeraka iseru sa mulokwaaka.

Hoxeya 5:5

Wiixoona wa oYixrayeli onkhalela onamoona; aYixrayeli ni awEfrayimi ankwattuliwa mootthekanimwaya; aYuda ankwattuliwatho vamoha ni yaawo.

Hoxeya 5:9

Efrayimi onooheleya nthala vanihukuni na nttaruxo. Yeeyo Miyo kinlaleiyaaka eniikhumelele eriyari ya ipuumba sa aYixrayeli.

Hoxeya 6:10

Kohoona etthu yoowuumiha owanoni mulaponi mwa oYixrayeli. Mmo Efrayimi ooraruwa, ni Yixrayeli oovaliheya.

Hoxeya 7:5

Vanihukuni na efesta ya mwenaahu, anamwanaawe anghapaliwa eviinyu, ni mwene onaavara matata anamatthebwa.

Levitiku 26:19

Kinoophwata wiixoonawanyu woolipaxa kitatuxaka erimu ya osuluwanyu ntoko eyuuma ni etthaya ya vathiwanyu ntoko ebronze*.

Amosi 2:12

“Vaheera nyuwosa moopakiha weera aNaziri* ewure eviinyu, munaalamulela maprofeeti weera ehithalihere otthuna wa Muluku.

Amosi 2:8

Anuuramela ohoolo wa yakhalaru altaari* ewanreene ikuwo sooweemexeriwa. Ereene mpaani mwa mulukwaaya, angwura eviinyu yoothummwa ni musurukhu wooliviwa mmulattuni.

Amosi 4:1

Mwiiwe masu ala nyuwosa imombe ithiyana sa oBaxani muri vamwaako wa oSamariya, nyuwosa asithiyana munaahasula oohaawa, munaattikittha oothoiwa, ngweerelaka asiiyinyu: “Muniruuheleke soowura weera niwure!”

Amosi 6:1

Ii! Nyuwosa munkhala muhipwatthaka etthu oSiyoni, ni muniixoona okhala oolipeene vamwaakoni wa oSamariya; nyuwosa atthu oosuwanyeyaxa mwiixuupuwelaka weera muri ooreerela eriyari ya miloko, mwa seiyo ontthimakelaayawo muloko wa oYixrayeli!

Amosi 6:4

Nyuwosa muniixaatalela mbeettini soophwanelihiwa ni maino a etthepo muniixookola muhicenimwanyu sa nsawu. Munkhuura iputtiputthi sooreerela ni aximombe oonenevaxa.

Amosi 6:6

Nyuwosa mungwurera eviinyu mukoomixini sitokotoko, mwiixoottihaka makhura ooreeraxa, mene khamunthananela oheleya nthala wa Yoseefe.

Amosi 6:8

Yave onlamula sootheene ohiilipela! Yave, Muluku a ikuru sootheene, oneera ha: “Onkihiira wiixoona wa Yakobe, ni kinthanya impasawe sa emwene; kinimwinnyerera esidade ni sootheene sirimo.”