Yesaya 27:3 - Emakhuwa Bible

³ Miyo, Yave, ti namakosoopaaya; kinghelela maahi khula nihuku; kinlipelela ohiyu ni othana weera ahikhale anaananarihe ematta eyo.

Yesaya 27:3 Iomraidhean Croise

Epacerero 6:17

Miyo kinoorupiha mirupi sincipale mweelaponi yootheene ya vathi weera kiphwate soopattuxiwa sootheene siri ni okumi. Sootheene siri mweelaponi yootheene sinimookhwa.

Epacerero 9:9

“Kinookhaliha wiiraanawaka ni nyuwo ni ekhapiraanyutho ya muhoolo.

1 Mamwene 8:59

Masu ala kivekenlaaka vamaithoni wa Yave ekhaleke vakhiviru wa Yave Mulukwaahu ohiyu ni othana weera alipihere mulattu wa murumeiyaawe ni mulokwaawe aYixrayeli ntoko sootthuneya sa khula nihuku.

Icipo 46:11

Yave a ikuru sootheene ori ni hiyo; Muluku a Yakobe ti Nipuronahu Noolipaxa. Sela*

Icipo 46:5

Muluku ori mwemmo. Kheerwa ettikinyeya. Muluku onimoowa weera akhavihere waaxaaka.

Yesaya 31:5

Hiiho ntoko ipalame sinaakhapelelaaya axaanaaya ni mapuphaaya, Yave a anakhotto onimwaakiha oYerusaleemu; Owo onimwaakiha ni onoovuluxa; Owo onoovira osuluwaya, amoopoleke yoowo.”

Yesaya 42:6

“Miyo, Yave, koowiitthanani moororomeleyani; kinimoovarelani oolipeene. Kinimoothokororani kookhalihakani ntoko namwiiraanyiha a miloko ni waara wa amalapo,

Yesaya 44:3

Niwoko kinooyeehera maahi mulaponi mwa ntthona ni nyooloko vatthayani yoowuumaxa. Kinooyeehera Munepaaka mukhapiranimwanyu ni mareelihowaaka mwa anamwaniinyu.

Yesaya 46:4

Mpaka muuluvanleene mukhumaleene ipwi, ti Miyo kineera kookhavihereni. Kohoopakani ni kinimookuxani; Miyo kinimookhaviherani ni kinimoovuluxani.

Yesaya 46:9

Muupuwelele itthu sa khalayi, seiye sa ihuhu sivinre; Miyo Muluku ni khawowo mukina; Miyo Muluku ni khawowo mukina onlikana ni Miyo.

Yesaya 49:8

Yave oneera ha: “Mweehuhuni yoothanliwa Miyo kinoowaakhulani ni vanihukuni na ovuluxa kinimookhaviherani. Miyo kinimoothokororani ni kinoopakiha weera mukhale wiiraana wa muloko, weera mureherere elapo mukawaka soohiyeriwasaya soothaamiwa.

Yesaya 5:6

Kinootatuxa nthala; khaniseekeliwa naari khoolimmwamo; onimunnuwamo rupulula ni nyiiwa. Kinoolamulela mahutte weera ehirupihelemo epula.”

Yesaya 58:11

Yave onimoohoolelani mahuku ootheene; onoohakalaliha sohaawelasanyu mweelaponi moowuumelelihiwa ni nsuwa ni onoolipihera erutthwaanyu. Munookhala ntoko nttimbe noohelelaxiwa ni naattuuttu oohimala maahi.

Yesaya 60:16

Munoowura mukaka wa miloko ni munimwaamwihiwa ni asithiyana a maneethi. Vano nyuwo munoosuwela weera Miyo, Yave, ti Mvuluxaanyu ni Namoopolaanyu, Namaweraxa a Yakobe.

Ezekiyeli 34:11

Vano, Yave onlamula sootheene, oneera ha: Yoomeene kinimwaasaasa ikhondoolosaka kikosoopeke.

Ezekiyeli 34:24

Miyo Yave, kinookhala Mulukwaaya, ni murumeiyaaka Davide anaakhale mwaana a mwene eriyari ya seiyo. Miyo Yave, kohuuluma.

Ezekiyeli 37:14

Kinoohela Munepaaka mwa nyuwosa, ni munookhala ni okumi ni Miyo kinimootekihasani mulaponimwanyusa. Hiiho, nyuwosa munoosuwela weera Miyo, Yave, kaahuuluma, kinapaka, onghima Yave onlamula sootheene.”

Ezekiyeli 37:28

Vano, Nipuronaka Nootteela* naakhalaka eriyaraayasa mahuku ootheene, miloko nsisuwele weera ti Miyo Yave, kinaatteeliha aYixrayeli.”

1 Samuweli 2:9

Owo onnathokorora inaawo sa ootteela, vaheera atakhali anoomaalihiwa mweepiphini. Mutthu khangwina niwoko na ikuruxa;