Yesaya 27:11 - Emakhuwa Bible

¹¹ Iphandisaya suumaka ni saavasuwaka, asithiyana anootetheera. Vano muloko owo ti woohiiwexexa; tivawo Yoole aapanke ohinaamorelaawe ikharari; Mpattuxaaya khanoonihera murima wooreera.

Yesaya 27:11 Iomraidhean Croise

Icipo 106:40

Tivawo Yave aanyoonyeringwaawe mulokwaawe, athanyaka yoohiyeraawe.

Yesaya 1:3

Emombe elopwana yoomusuwela pwiiyaaya ni buuru oosuwela nikhoola na pwiiyaawe, vaheera aYixrayeli khaasuwenle etthu; mulokwaaka khooniiwexexa.”

Yesaya 18:5

Vano ohinaaye ohepha, emalaka ephovo ni ithutu sithatuwaka soowiima owo onooseekela soophuwa; avenxaka iphandi soorakama.

Yesaya 43:1

Vano Yave mwa Yoowo oopattunxeni nyuwo Yakobe ni oopankeni nyuwo Yixrayeli, oneera ha: “Muhoove, niwoko koowoopolani; koowiitthanani ni nsinananyu; nyuwo ti awaka.

Yesaya 43:7

ootheene aniitthaneliwa Nsinanaka, mwa yaawo kaapattuxenraaka ovuwawaka, yaawo kiwoopalaaka, kinaapaka.”

Yesaya 44:2

Yave mwa Yoowo oopattunxeni ni oopankeni mmirimani mwa amayinyu, Yoowo onookhaviherani, oneera ha: Ii! Yakobe, murumeiyaaka, muhoove, Yexuruni kimuthanlalaaka.

Yesaya 44:24

Vano Yave Mvuluxaanyu oopankeni mmirimani mwa amayinyu oneera ha: “Miyo ti Yave kipanke itthu sootheene; Miyo paahi kikunge erimu ni kiitapuruxenle elapo.

Yesaya 5:13

Tivawo mulokwaaka onroihiwaaya wootthukiwani niwoko na ohiiwexexawaya; maneethaaya animookhwa etala ni ancipalaaya anoovolaxiwa ntthona.

Yesaya 9:17

Tivawo Yave ohinaahakalalelaawe amiravo hata ohinaamorelaawe ikharari akwaasuni naari asinaamukhweli, niwoko ootheene aamurakamela Muluku ni a murima woonanara, anuuluma moota woohiloka. Sirookhalaru sootheene iye, isara sa Muluku khasihapungwe ni ntatanawe nri etheteeliwo.

Yeremiya 11:16

Yave oowiitthanani mwiri wa sooliveira* woopombaxa orino soowiima sooreeraxa. Vaheera Owo onoohisa mwiri ola ni oruma wa ettheku etokotoko, ni iphandisaya sinoovonyoliwa.”

Yeremiya 13:14

Kinimwaanyaanya kaathataanyeraka mpaka asitiithi ni anamwanaaya asilopwana, onghima Yave. Hata ikharari hata murima wooreera naari osivela khookikhoottiha waaphwata.’”

Yeremiya 16:5

Vano Yave oneera ha: “Muhivoloweru mpaani oraawemo nookhwa, muhirowe olalamika hata woonihera ikharari, niwoko Miyo koovenxa nreelihonaka, osivelawaka, murimaaka wooreera mwa muloko ola,” onghima Yave.

Yeremiya 25:37

Soociha soomaaleleya soohuhuliwa niwoko na mooro wa isara sa Yave.

Yeremiya 4:22

“Mulokwaaka ti mulolo; awosa khaakisuwenle Miyo, ehiiwexexaka etthu. Ankhovelela opaka soonanara, mene khaangwera opaka yooreera.”

Yeremiya 8:7

Mpaka ntiki onsuwela ihuhu ovaheriwaawe; hiihotho ekhunda, meenkesa ni malooya annoona ihuhu sa othaamawaya, mene mulokwaaka khoosuwenle soonyesereriha sa Yave.

Ezekiyeli 19:12

Vaheera moonyoonyiwani yaapheliwa, enamoroxeliwa vathi. Epheyo ya mpatta ninkhuma nsuwa yaanyaaliha. Soowiimasaya saavuruliwa; iphandisaya soolipa saahuuma, sinalalihiwa ni mooro.

Ezekiyeli 20:47

Mweerele othako wa oNegeba: ‘Mwiiwe masu aYave. Vano Yave onlamula sootheene oneera ha: Kihanle vakhaani woohisani. Hiiho, kinoolaliha nyirisanyu sootheene, okhuma ikithi mpaka soowuuma. Ovarela wa malumi a mooro khoocipihiwa, ni ikhove sootheene, okhuma oNegeba mpaka mpatta wa ottuttuwani onuurusuliwe ni malumi awo.

Ezekiyeli 9:10

Vano wa mpattaaka Miyo nkaawehasa ni ikharari hata nkiwuurelaru, vaheera kinimwaamoroxela mmurumwaya yeeyo apakansaaya.”

Hoxeya 4:14

Nkaattaruxa anamwaniinyu asithiyana niwoko na opuuta, hata asipwiyamwaaniinyu mwaha wa oraruwa, niwoko asilopwanaanyu aniitakansano mapuuta ni ampakano sooveleela simpakiwa ni mapuuta mpaani mwa miluku sikina. Muloko ohinono wiiwexexa, onoophwatiwa.

Hoxeya 4:6

Mulokwaaka woophwatiwa niwoko na ohikisuwela Miyo. Mweenre mukhoottaka esuwelo, Miyotho kinimookhoottani okhala asaserdotaaka; mweenre mukhoottaka Nlamulo na Mulukwaanyu, Miyotho nkaapwattha anamwaniinyu.

Matheyo 13:15

Vano mirima sa muloko ola saathatuwa soohipwattha, waakhalano maaru oolipa ni maitho ookhuneeleya. Wahaari hiihaawo, yaahereke woona ni maitho, wiiwa ni maaru, wiiwexexa ni murima ni orukunxa murima, ni Miyo kaamwaalamiha.’

Matheyo 13:19

Mutthu iiwa mutthenga wa omwene ni aahiiwexexa mutthenga ole, mutakhali onimoowa ni onoomwaakha mmiso waaliwe mmurimanimwawe. Ola ti mmiso waaliwe mukerekhere wa ephiro.

Matheyo 3:10

Epaso eri yoolikaneene weera ethikile mikwankhwaari sa nyiri. Nyiri sootheene sihiniima soowiima sooreera, sinoothikiliwa ni sinoovonyeriwa mmooroni.

Yohaane 15:6

Akhala mukina ohinkhala mwa Miyo, anaakhale ntoko murai omvonyeriwa okerekhere ni onuuma. Miraisene seiyo sinoottottiwa, sivonyeriweke mmooroni ni sinoohisiwa.

aRooma 1:28

Woonaka weera awo yaaramusa osuwela wa Muluku, Owo muneenaawe ohaahiya ni soowuupuwelasaya soonanara, weera epake yeeyo yahaatthuneya opaka.

aRooma 1:31

alolo, oohiroromeleya, a murima woowuuma, oohimoriwa ikharari.

Deuteronomiyo 4:6

Mwiiwelele nnenesene niwoko eyo enimoonihera miloko sikina mirukusanyu ni osuwelawanyu. Iyo siiwaru ikano sootheene iyo, nseere: “Vekhaikhai muloko ola mutokotoko ti musuweli ni wa miruku.”

1 aTesalonika 2:16

yeereraka weera enooceelihe wuuluma ni amalapo ni awo ehivuluxiwe. Moota ola animwaandyeerera sootthekasaya asineenaaya, ni isara sa Muluku sohaarweela yaawo.

Yakobe 2:13

niwoko yoowo ohimmorela ikharari anaathorihiwe woohimoreliwa ikharari. Ikharari singwina othoriha!