Yesaya 26:7 - Emakhuwa Bible

⁷ Ii! Nyuwo muri a murima wa ekhaikhai, ephiro ya oororomeleya ti yoowookoleleya; Nyuwo munookola ephiro ya oororomeleya.

Yesaya 26:7 Iomraidhean Croise

1 Nyaha 29:17

Ii! Mulukwaaka, koosuwela weera mumphima murima ni weera munghakalalela ekhaikhai. Sootheene kivanghaaka kipanke ni otthuna ni okwanela wa murima. Vano kohoona ni ohakalala moota weenraaya macaangero ni otthunawaya mulolokwaanyu ola ori va.

Yobi 31:6

Muluku akiphime munringoni woororomeleya ni Owo onoosuwela weera nkinono nthowa –

Icipo 1:6

Vano Yave onsuwela ephiro ya oororomeleya, mene ephiro ya anamatakhala enrongha woophwatiwani.

Icipo 11:4

Yave ori Mpaanimwawe Yootteela; Owo onkilaathi vahiceniwawe ya wiirimu. Onnaawehaweha atthu a elapo ya vathi; maithwaawe annoona.

Icipo 11:7

niwoko Yave ti a ekhaikhai; onsivela ekhaikhai; yaawo a murima woororomeleya animoona ekhovaawe.

Icipo 25:4

Mukoonihere iphirosanyu Yave; mukixuttihe misewesanyu.

Icipo 25:5

Mukeettihe mweekhaikhaiyinimwanyu ni mukixuttihe, niwoko Nyuwo ti Muluku Mvuluxaaka ni miyo kinoororomelani mahuku ootheene.

Icipo 27:11

Mukixuttihe ephirowaanyu Yave; mukeettihe mmuseweni wookwanela niwoko na anamahooxaaka.

Icipo 5:9

Mmwaanomwaya khaniwoworu nsu noororomeleya; mirimasaya sinuupuwela ophwata; mimilosaya ti nihiye noohuleya ni anlokottha moota woowiipithiheya.

Masu a Miruku 11:5

Wookoleleya wa oororomeleya onnaathatawalihera ephiro, vaheera mutthu oonanara murima ommora niwoko na yoonanaraawe.

Masu a Miruku 20:7

Mutthu oororomeleya onkhalano okumi woororomeleya; oorelihiwa anamwanaawe!

Masu a Miruku 21:8

Ephiro ya nanthowa ti yookhoromana, vaheera mweettelo wa oohinthowa ti woowookowa.

Masu a Miruku 3:6

Omusuwelihe Yave iphirosawo sootheene, ni Owo onimookolela iphirosene seiyo.

Masu a Miruku 4:18

Ephiro ya oororomeleya eri ntoko ekamaama ya oxa, enaaraxa mpaka onkwanelaaya oxa.

Yesaya 30:18

Hata hiiho Yave ontthunaxa woomorelani ikharari. Owo onoovenya weera awoonihereni murima wooreera. Vano Yave ti Muluku a ekhaikhai. Ooreelihiwa ootheene yaale aningweherera Yoowo!

Yesaya 35:8

Ni musewe mutokotoko onookhalawo; onimwiitthaniwa Musewe Wootteela. Yaale oohitteela kheeviramo; onookhala wa yaale paahi aneettamo; alolo kheeviramo.

Yesaya 42:16

Kinooweettiha oohoona mphironi ahisuwenlaaya; mphironi soohisuwanyeya kinooweettiha. Kinootatuxa epiphi waara ohoolowaya ni iphiro soothipeya kinoothatawaliha. Ti seiyo itthu kineeraaka kipake, ni Miyo nkaahiya.

Yesaya 52:12

Vaheera khamumpwaha woowaakuveya hata khamumvenya ni otthawa niwoko Yave onimoohoolelani ni Muluku a oYixrayeli onookhala ottuliwanyu.

Yesaya 57:2

Yaawosa aneetta moota wookwanela amvolowa mmuretteleni; amphwanya wiitthuuwa woomaaleleya mookhwaani.

Yeremiya 10:23

Ii! Yave! Koosuwela weera mutthu khanlakela sa muhoolomwawe; mutthu khanghoolela malipaawe.

Hoxeya 14:9

Musuweli taani? Ti yoowo anoonelemo itthu iya. Taani orino akhili? Ti yoowo aniiwexexe. Iphiro sa Yave ti soororomeleya; oororomeleya amvira mwemmo, vaheera attiyamaaru anookwattuliwamo.

Zefaniya 3:5

Yave ori eriyaraaya, ori oororomeleya ni ohimpakaru yoohiroromeleya. Khula oxeexelo Owo onkoonihera ekhaikhayaawe, ni khula nihuku, Owo khanghiyanyiharu, vaheera oohiroromeleya, khoommuuliha muru.

1 aKorinto 4:5

Tivawo muhithorihe etthu ehinaaye ehuhu yootthuneyaxa. Muweherereke mpaka Apwiya eneeraaya ewe. Awo eniimwaleele yeeyo eri yoowiipitheya mpiphini, ni eniyoonihere soowuupuwela sa mirima. Ehuhuweene yeeyo khula mutthu anaakhale ottottopeliwawawe wa Muluku.

2 aKorinto 1:12

Vano, ovuwawahu ti wu: Mirimasahu sinkhalela onamoona weera hiyo nanneetta mweelaponimu, vancipalexa variyariwanyu, moota wa murima woowookowa, mwa ekhaikhai enrweela wa Muluku, mwa mahala a Muluku, ni khanneetta mwa miruku sa elapo ya vathi.

awEfeso 2:10

Vano, nri ephattuwelo ya Muluku, epakiwe mwa Kristu Yeesu weera nipake miteko sooreera, mwa seiyo Muluku onirehererenlaawe toko weera hiyo nivareke.

1 Yohaane 3:10

Mooteene yoowo nohaasuwela taani anamwane a Muluku ni taani anamwane a Diyabu*: yoole ohimpaka ekhaikhai nitho ohinimusivela munneiye, khawiiye wa Muluku.

1 Yohaane 3:7

Anamwane, muhilokotthiwe. Yoole ompaka ekhaikhai ori a ekhaikhai, ntoko Owo oraawe.