18 Hiyo naarupala, nnanyonkosowa moovoreyani, vaheera niyanre epheyo paahi. Khaniruuhenle elapo ya vathi ovuluwa; khanaayanre amaki a elapo ya vathi.
Awosa yaamweerela: “Hizekiya oneera ha: Olelo ti nihuku na othanana, ohiihiwa ni oyevihiwa. Nri ntoko muthiyana ohanle vakhaani oyara ahikhanleno ikuru sooyarano.
Ii! Yave! Mukivuluxe mwa atthu ale; atthu a elapo ya vathi, mwa yaawosa nttuvelonaya nri mookumini ola. Nyuwo munaavoniha oosiveleyaanyu. Anamwanaaya asilopwana aavonaxa, yaahiyeraka anamwanaaya singhalahala.
Nyuwosa munrupala makamba, munayara malaxi; iphumusanyu ti mooro onoohisani.
Khawoworu oniitthana onuuluma mulattwaawe ni ekhaikhai; khawoworu onaakiha nthowanawe ni murima wa ekhaikhai. Awosa anroromela soowuuluma sa siiyo ni masu oowootha; awosa anrupala sookacamiha ni angyara soonanara.
Onimphwanya ovoreya ntoko wa muthiyana ayaraka, vaheera owo ti mwaana oohimiruku; yaaphiyeraka ehuhu, khankhuma mmirimani orupaliwaawe.
Amalapo khaangwera woothanyani, mene anookithanya Miyo, niwoko kinookhalela onamoona weera yeeyo ampakaaya ti yoonanara.
Noosuwela weera hiyo nri a Muluku, ni weera elapo ya vathi yootheene eri yoolamuliwa ni namatakhala.
Wa soothesene, Sawuli aawaakhula: “Khaawo aniiviwe olelo, niwoko nihuku nna Yave oowoopola aYixrayeli.”
Vanonto, asilopwana yaamweerela Sawuli: “Yonatani yoola aatapunxe aYixrayeli akhweeke? Eheereye! Ninlipela mwa Nsina na Yave weera ahikhwe, niwoko yeeyo opankaawe olelo yeereiye ni ekhavihero ya Muluku.” Hiiho asilopwana yaamoopola Yonatani ni owo khiiviwe.