Yesaya 22:6 - Emakhuwa Bible

⁶ awElami ankuxa nyuupa, enarwa ni anamweettihaaya a ikavalu* ni ikavalusaya*. aKiri anoonihera exikudu*.

Yesaya 22:6 Iomraidhean Croise

Epacerero 10:22

Anamwane a Xemi yaari ala: Elami, Asuri, Arpaksadi, Ludi ni Arami.

2 Mamwene 16:9

Mwene a wAsiriya aahaakhulela yooveka ela anawanano oDamasku, anakuxa. Aawoomolela amakaaya oKiri amwiivaka Rezini.

Yesaya 11:11

Vanihukuni nenenenno Yave onimookolatho moono weera aahokoloxere oohalahala a mulokwaawe ahiiwe wAsiriya, wExipitu, oPatrosi, oKuxe, wElami, oBabiloniya, oHamati ni icirumba sa mphareiya.

Yesaya 15:1

Masu mwaha wa oMowabe ti ala: wAri elapo ya oMowabe wooheleya nthala, woophwatiwa moohiyuni mmoha! oKiri elapo ya oMowabe wooheleya nthala woophwatiwa moohiyuni mmoha!

Yesaya 21:2

Koovahiwa moonelo woowoopiha: Namavariha oovarihiwa; namahuhula onghuhuliwa. wElami, ngwane! oMediya, murice! Miyo kimmaliha ottaandawula wootheene oBabiloniya otannyalaaya.

Yesaya 22:7

Mareyareyaanyu a ethaadyira aasareya ikaaro sa ikavalu* ni anamweettiha a ikavalu* ahiirehererela owana vamilako sa esidade.

Amosi 1:5

Kinookurumula mulako wa oDamasku; kinoomphwata mwene ori mureyareyani na wAveni, vamoha ni yoole omvarelela ekopo ya emwene oBete-Edomi. Muloko wa wAsiriya onooronghiwa wootthukiwani elapo ekina ya oKiri,” onghima Yave.

Amosi 9:7

“Nyuwosa aYixrayeli, khamuhiyono ooreerela wa Miyo waapwaha aKuxe,” onghima Yave. “Miyo kohaakhumiha aYixrayeli wExipitu, menetho aFilisti oKaftori ni awArami oKiri.