Yesaya 22:5 - Emakhuwa Bible

⁵ Namalamula, Yave a ikuru sootheene oothanla nihuku na munyakunyaku, onyikalasiwa ni woovaxa vaNreyareyani na Moonelo; nihuku na omoroxa ixiri ni okhuwelela ekhavihero nyaako.

Yesaya 22:5 Iomraidhean Croise

2 Mamwene 19:3

Awosa yaamweerela: “Hizekiya oneera ha: Olelo ti nihuku na othanana, ohiihiwa ni oyevihiwa. Nri ntoko muthiyana ohanle vakhaani oyara ahikhanleno ikuru sooyarano.

2 Mamwene 25:10

Anakhotto ootheene yaamuhoola Nebuzaradani, yaapwexa ixiri sa oYerusaleemu.

Exteri 3:15

Munlamuloni na mwene anamitthenga yaavenyasa woowaakuveya ni ekano yaalaleiwa musidadeni yoolipihiwa ya oSusa. Mwene ni Hamani yaakilaathi weera ewure; vaheera esidade ele yaari ni minyakunyaku.

Yesaya 10:6

Miyo kinrumihela muloko woomurakamela Muluku, wa muloko onkinyoonyiha, weera ohuhule ni waakhe sooreela ni weeratho ovotte ntoko ittoko sa mmiseweni.

Yesaya 22:1

Masu mwaha wa Nreyareya na Eyoonihero: Enookacamihani eheeni ophiyera mungwelaanyu mmapathoni,

Yesaya 25:10

Ntata na Yave nniitthuuwa vamwaako ola; vaheera oMowabe onoovottiwa vanipuroniwawe ntoko malaxi amvottiwaaya osalani.

Yesaya 37:3

Awosa yaamweerela: “Hizekiya oneera ha: Olelo ti nihuku na othanana, ohiihiwa ni oyevihiwa. Nri ntoko muthiyana ohanle vakhaani oyara ahikhanleno ikuru sooyarano.

Yesaya 5:5

Vano kinimoothaliherani yeeyo kineeraaka kipakele emattaaka ya iwuuva*: Kinookurumula mukuswaaya weera eyo ethatuwe moocihamo; kinoophwata exiraaya weera enyikalasiwe.

Yesaya 63:3

Koovotta iwuuva* mmattankhini moowaama iwuuva* meekhaaka; variyari wa miloko khawoworu aari ni Miyo. Koovotta seiyo kinyoonyiweene, kiwattaka musaranimwaka; ephomaaya yoottonyera mukaandyowaaka ni kooninga ikuwosaka sootheene.

Yesaya 63:6

Koovotta miloko moonyoonyiwanimwaka ni musarinimwaka koohapaliha kinayeehera ephomaaya vatthayani.

Yeremiya 30:7

Moota nneeraaya noopihe nihuku nno! Noohilikanxereya! Eniikhale ehuhu ya othanana wa Yakobe; mene owo onoovuluxiwa.

Icipo Soolalamika 1:5

Awananaawe aathatuwa asitokweenaawe; amwiittaanaawe ahiimaaliha. Yave oomuruuhela othanana niwoko na sootthekasawe sincipale. Anamwanaawe asilopwana aaronghiwa wootthukiwani, anamatthukiwa a awanani.

Icipo Soolalamika 2:2

Yave oonyaanya moomakamwawe moothemwene wa Yakobe, ahimorelaka ikharari; musaranimwawe oophwata mapuro oolipaxa a mwaana muthiyana a oYuda. Oomphwatela vathi anaverula omwenaawe ni ahoolelaawe.

Icipo Soolalamika 2:8

Yave oolakela ophwata ixiri sa Mwaana a oSiyoni. Owo ohookola mukhoyi woophimano, ahooceelihaka moonowaawe woophwata. Oopakiha weera moowiipithamo ni ixiri silalamike; sookurumuwa vamoha.

Ezekiyeli 7:7

Nthorihelo nohoophiyerelani nyuwo munkhala mulaponi. Yoophiyera ehuhu, nihuku nookhuveela; wookhala orukureereya muru ohikhanle ohakalala mmanyaakoni.

Hoxeya 10:8

Altaari* a Empa ya Sootakhala ari soottheka sa aYixrayeli, anoophwatiwa. Nyiiwa ni malaxi sinimunnuwa saakutteleleke altaaraaya*. Vano awosa eniyeerele nyaako: “Munikhuneele!” Ni wa mattumuxa: “Munipittuwele!”

Mikeyasi 7:4

Yoowaareerelaaya eri ntoko rupulula, ni yoowookoleleyaaya ti yootepaxa opwaha ekintali ya nyiiwa. Noophiyera nihuku na anamalipelelaanyu, nihuku na nttaruxo na Muluku, ehuhu ya munyakunyakwaanyu.

Zefaniya 1:15

Nihuku nno, nnikhale na isara, nihuku na makacamiho ni othanana, nihuku na ohaawa ni oheleya nthala, na epiphi ni ewiriphi, na mahutte ni oriipihana,

Matheyo 24:16

Vano, moona, awo eneera ekhale oYudeiya, etthaweleke omwaakoni.

Luuka 23:30

Vano, mmweerele nyaako: ‘Munipittuwele’ ni wa mattumuxa: ‘Munikhuneele.’