Yesaya 22:12 - Emakhuwa Bible

¹² Nihuku nenenenne Namalamula, Yave a ikuru sootheene oowiitthanani weera mwiinle ni mulalamike, murosole mayihaanyu ni ngware isaakho.

Yesaya 22:12 Iomraidhean Croise

2 Nyaha 35:25

Yeremiya aahiipa ecipo amuttittimiherelaka Yosiya, ni mpaka olelo va anamwiipa asithiyana ni asilopwana, annimuttittimiherela Yosiya ni icipo seiye sa olalamika. Eyo yoothatuwa ekhovelelo oYixrayeli, ni elempwale mulivuruni ya olalamika.

Ezera 9:3

Kiiwakaru yeeyo, kaahaahula evestiduwaaka ni mukaandyowaaka, kinarosola mayihaaka ni irerusaka, kinakilaathi oothananaxeene.

Nehemiya 9:9

Mwaahoona ohaawa wa asitithihu wExipitu ni mwaahiiwa okhuwelawaya mphareiyani Yooxeera.

Yobi 1:20

Yobi iiwaka yeeyo, aaheemela, anaahula mukaandyo ni anamettha. Vano aahuuramihela ekhove vathi moolapani,

Namalaleiya 3:11

Owo opanke sootheene sooreeraxa mweehuhunimwaya. Oohelatho vamurimani wa mutthu ekhaikhai ya ehuhu yoohimala; orookhalaru hiiho, omutthu khoongwera wiiwexexa nnenesene yeeyo Muluku opankaawe okhuma ompacereroni mpaka ommaleloni.

Namalaleiya 3:4

ehuhu ya wiinla ni ehuhu ya otheya, ehuhu ya wiikhupanyera ni ehuhu ya wiina,

Yesaya 15:2

oDiboni onrowa mpaani mwa mulukwaaya, wa mmattumuxanimwaya ootteeliheriwa miluku sikina weera wiinle; oMowabe onlalamikela oNebo ni oMedeba; nyuru sootheene soomeetthiwa ni irerusene.

Yesaya 26:10

Naari mutakhali amoreliwaka ikharari, owo khanxuttera ekhaikhai. Mulaponi mwa oowookoleleya owo oneetta mooriheyani ni khanoona ovuwa wa Yave.

Yesaya 29:1

Ii! Wa nyuwo, wAriyeli, wAriyeli, esidade aakonenlaawe Davide! Khula eyaakha mumpwaherera ni ifestasanyu.

Yesaya 3:24

Ohiya wunkhela onuukhale wunkha; omuhiya laamba onuukhale, mukhoyi; ohiya otthaveliwa mayihi oophwaneliwa, onuukhale mputu; ohiya ikuwo soowaaraxa, nsikhale isaakho; ohiya ophwaneliwa, eniikhale mapharima oowoopiha.

Yesaya 32:11

Muthukumele nyuwosa asithiyana muri emaalelo, Owuumeeni owanoni anamwane asithiyana nyuwosa munoona weera moolipa. Muruleke ni ngware isaakho!

Yesaya 37:1

Mwene Hizekiya iiwakaru yeeyo, aahaahula ikuwosawe, anawara sowiinanelano, anavolowa Mpaani mwa Yave.

Yesaya 37:2

Aamurumiha Eliyakimi, namareherera empa ya emwene; namalepa Xebena, ni asitokweene a asaserdoti* – ootheene ewanreene isaakho – wa Yesaya, mwaana mulopwana a Amozi.

Yesaya 58:3

Awosa ankoha: Hiyo naatthukaka heeni muhinoonelani? Hiyo niiyevihaka, muhimpwatthelani?” Wa soothesene, vanihukuni na otthukawanyu nyuwosa mumpaka yeeyo muntthunaanyu muhaapwatthelaka anamutekwaanyu ootheene.

Yeremiya 16:6

“Okhuma maneethi mpaka asikhaani animookhwa mweelaponi ela. Awosa kheevithasiwa naari kheelalamikeliwa ni khaawo aneera iipophe naari ametthe mwaha wa yaawosa.

Yeremiya 16:8

Muhivolowetho mpaani empakiwamo efesta, mukilaathikino weera mwace ni mwawure ni yaawo.

Yeremiya 4:8

Vano, ngware isaakho soolalamikano, mwiinle ni mulalamike, niwoko isara soowoopiha sa Yave khasinihulungwe.

Yeremiya 7:29

Mmetthe mayihaanyu ni murihe; mulalamike mmattumuxani oothaamiwa, niwoko Yave oohiya ni ookhootta ekhapira ela entannya isarasawe.

Ezekiyeli 27:31

Anoomettha mayihi niwoko na nyuwo ni anoowarela soolalamikano. Anoowiinlelani ni munepa woothananaxa ni murima wooriipeene.

Daniyeli 5:1

Mwene Belixazari ahaapakela efesta etokotoko maneethaawe macira muloko, anawuraxa vamoha ni yaawosa.

Hoxeya 9:1

Ii! oYixrayeli, muhitthape; muhihakalale ntoko miloko sikina, niwoko nyuwo mooraruwa munghiyaka Mulukwaanyu. Nyuwo munsivela nlivo na mooraruwani munipuroni nootheene nimveeriwaayawo etrigu.

Yoweli 1:13

Ngware isaakho, nyuwosa asaserdoti* ni mulalamike nyuwosa munrumeela ohoolo wa altaari*. Murwe, mvirihe ohiyu ngwanreene isaakho, nyuwosa munrumeela vamaithoni wa Mulukwaaka, niwoko sooveleela sa etrigu ni soowura soorakamelihiwa Mpaani mwa Mulukwaanyu.

Yoweli 1:8

Mulalamike ntoko mwaamwali oowiikosoopa awanreene sa enaamukhweli onimulalamikela namatthomeraawe akhwiiyeene vaanaanoru.

Yoweli 2:12

Yave oneera: “Muhokoleele wa Miyo vaanaano va ni murimaanyu wootheene, mutthukaka, mwiinlaka ni mulalamikaka.”

Yoweli 2:17

Asaserdoti* anrumeela vamaithoni wa Yave elalamike eriyari vanipuwani na empa ya mwene ni altaari*. Awosa evekeleke: “Dyoontte Yave, muurele mulokwaanyu. Muhihiye yoohiyeraanyu epakiwaka etthu yoowuuliha muru; etthu yootthebwiwa ni miloko. Eheeriwe variyari wa miloko: ‘Ori woowi Mulukwaaya?’ ”

Amosi 8:10

Ifestasanyu kinootatuxa wiinanela ni iciposanyu sootheene olalamika. Kinoopakiha weera ootheene nyuwo ngware soowiinanelano ni mmetthe. Kinoopakiha weera nihuku nno nikhale ntoko na omwiinlela mwaana mmoharu, ni ommaleloniwaya ntoko nihuku na othananaxa.

Yoonasi 3:6

Iiwakaru mwene ihaali iye, aavenya vahiceniwawe, anarula mukaandyo wa emwene, anawara isaakho akilaathiki vattuurani.

Mikeyasi 1:16

Mmetthe mayihaanyu mooniheraka wiikhupanyera mwaha wa anamwane mwa yaawo munaahakalalelaxaanyu; mmetthe mputu moli ntoko mwaaxaana a nrepo, niwoko awosa aaronghiwa wootthukiwani.

Yakobe 5:1

Vano, mwiiwe, nyuwo anamapuha. Mwiinle ni mulalamike niwoko na soohaawasanyu sinookhuruwelani.