Yesaya 20:4 - Emakhuwa Bible

⁴ hiiho mwene a wAsiriya onimwaakuxa anamatthukiwa a wExipitu ni oKuxe ehiwanreene ikuwo naari ikwakwaatta – ekhalaka amiravo naari asitokweene, ni makhuttu vaate – mpaka wuulihiwa muru wa wExipitu.

Yesaya 20:4 Iomraidhean Croise

2 Samuweli 10:4

Vano asilopwana a Hanuni yaahaavara anamitthenga a Davide, enaamettha ireru okopolomoha, enarenkha soowarasaya mmakhuttuni, enaahiya erowaka.

1 Nyaha 19:4

Vano Hanuni aahaatthukasa anamitthenga a Davide, anaametthasa ireru, anaahula vakhaani mpatta wa soowarasaya mpaka mmakhuttuni, anawoomolasa.

Yesaya 19:4

Kinoowinnyerera awExipitu mmatatani mwa mutokweene oowuuma murima ni mwene oonanara murima onimwaanyaatula,” onghima Namalamula, Yave a ikuru sootheene.

Yesaya 3:17

Tivawo Yave aneeraawe aametthe asithiyana a oSiyoni; awosa anookhala miputuru oowuulihiheyeene muru.”

Yesaya 31:2

Wa soothesene, Yave ti a mirukutho ni ongwera oruuhela erisa; Owo khanceendya maswaawe. Owo onoovenyera impa sa anamariheya, aawananakano yaale anaakhavihera anamapaka a soonanara.

Yesaya 31:3

awExipitu ti atthu, khaahiyono Muluku ni ikavalusaya* ti sa erutthu, khasihiyono munepa. Yave aatheteyaka ntata, vano yoole onkhavihera onookwakwathuwa ni yoole onkhaviheriwa onoomora – ooweeli anooriheya.

Yesaya 47:2

Mukuxe maxilo ni muxile ephepa; muruleke eluttwaanyu; mukwinye esaayaanyu itara sikhale vatakantthiru ni mulapuwe nyooloko.

Yesaya 47:3

Etiriyaanyu enimooneya ni hiihotho wuulihiheyawanyu muru. Kinimwiinlela ikukuttula; khaawo kineeraka kimuurele.”

Yeremiya 13:22

Vano nyuwo mwiikoha: “Eyo enkikhumelelelani?” Vano musuwele weera ti niwoko na sootthekasanyu sincipale ikuwosanyu sivenuleliwaaya ni nyuwo moopuheriwa.

Yeremiya 13:26

Yoomeene kinoovenula soowarasanyu mpaka ekhovaanyu weera wuulihiheyawanyu muru wooneye.

Yeremiya 46:19

Mutthukatthuke mirindi weera murowe wootthukiwani, nyuwo munkhala wExipitu, niwoko oMemfesi onoophwatiwa; onoohala ttewu ni woohimakiwa.

Yeremiya 46:26

Miyo kinoowinnyererasa mmatatani mwa yaale antthuna owiiva; mmatatani mwa Nebukadenezari, mwene a oBabiloniya, ni asitokweenaawe. Wa soothesene, othanathanaru wExipitu onoomakiwa ntoko ehuhu ya khalayi,” onghima Yave.

Ezekiyeli 30:18

Kaamalihaka nihasu na wExipitu, epiphi enoolamula othana Tafanyesi; iwo wiixoona wa ikurusaya onoomala. Onookutteleleya ni mahutte, ni amaki a mmittetthenimwaya anooronghiwa wootthukiwani.

Amosi 9:7

“Nyuwosa aYixrayeli, khamuhiyono ooreerela wa Miyo waapwaha aKuxe,” onghima Yave. “Miyo kohaakhumiha aYixrayeli wExipitu, menetho aFilisti oKaftori ni awArami oKiri.

Mikeyasi 1:11

Mvenyase pwitipwiti ni oowuulihiheyeene muru, nyuwosa munkhala oXafiri. Amaki a oZaanani, kheekhuma musidademwaya. oBeti-Ezeli onimwiikhupanyera; yoovenxiwa yoowiixaakiheraaya.

Nahumi 3:10

Hata hiiho yaavariwa, enaronghiwa elapo ekina. Anamwanaaya yaahononeliwa mipatta sootheene sa mmiseweni. Yaahaahera ehako weera yoone ommaleloni wa maneethaaya ni anamawera ootheene yaatthukasiwa.

Zefaniya 2:12

“Ii! aKuxe, nyuwosatho munimwiiviwa ni ekatanaaka.”

Ethupululo 3:18

Miyo kinoolakani weera muthume wa Miyo eyuuma yoorikaxa yoowiitthwihaxiwa mmooroni, weera muthatuwe namuhakhu, ni ikuwo sootteela soowara weera muttiyeleele ohiwarawanyu woowuuliha muru, ni murette wa maitho, weera muttikitthele maithwaanyu ni moone.