Yesaya 20:3 - Emakhuwa Bible

³ Vano Yave aaheera: “Mooteene yoowo murumeiyaaka Yesaya eettaawe pwitipwiti ni woohikwakwaatta wa iyaakha tthaaru ntoko eneneero ni niphwanaphwaniho wa wExipitu ni oKuxe,

Yesaya 20:3 Iomraidhean Croise

Yesaya 19:4

Kinoowinnyerera awExipitu mmatatani mwa mutokweene oowuuma murima ni mwene oonanara murima onimwaanyaatula,” onghima Namalamula, Yave a ikuru sootheene.

Yesaya 37:9

Vano Senakeribi aahaakhela mutthenga weera Tirehaka, muKuxi, mwene a wExipitu, eera arwaaka weera angwaneno yoowo. Tivawo aamurumihenlaawetho Hizekiya anamitthenga emweerelaka:

Yesaya 43:3

Niwoko Miyo ti Yave Mulukwaanyu, Ootteela a oYixrayeli, Mvuluxaanyu. Miyo kininnyerera wExipitu ntoko nlivo weera moopoliwe ni oKuxe ni oSeba vanipuroniwanyu.

Yesaya 8:18

Miyo kiri va vamoha ni anamwane Yave okivanghaawe. Hiyo nri ineneero ni icaambulo oYixrayeli sinrweela mpatta wa Yave a ikuru sootheene, mwa Yoowo ommaka vamwaako Siyoni.

Yeremiya 13:1

Vano Yave aakeerela ha: “Murowe ni mwamuthume laamba a eliinyu*, mungware, mene muhimunaanihe.”

Ezekiyeli 12:6

Muthateleke iyo muloko woonaka ni mukuxeke oxekuwaka. Mukuttelele ekhove weera muhooneru mulaponi, niwoko Miyo kohoopakani eneneero wa muloko wa oYixrayeli.”

Ezekiyeli 30:4

Ekatana enoongwanano Exipitu, ni otteenguwa onookhumelela oKuxe. Anamakhwa yaamoraka wExipitu, mihakhusaya sinoovenxiwa ni mathipelowaaya anoopwexakasiwa.

Ezekiyeli 30:6

Yave oneera ha: Yaawosa yiiraanne ni wExipitu anoomora, ni ikuru aniikuxereraayano sinooporora. Okhuma oMigedoli mpaka wAsewani, awosa animwiiviwa ni ekatana. Masu a Yave onlamula sootheene.

Ezekiyeli 4:1

“Vano mwaana a mutthu, mukuxe endyerwa, mwiikaathi ohoolowanyu ni mulepeleleno esidade ya oYerusaleemu.

Ezekiyeli 4:3

Vahoolowaya, mukuxe muceco wa eyuuma, mwiikaathi eriyari ya nyuwo ni esidade ntoko exiri ya eyuuma ni mwakhale ohoolowaya. Eyo eniiriciwe, aani oorica mmwikhale ti nyuwo. Eyo eniikhale eneneero wa muloko wa oYixrayeli.

Zefaniya 2:12

“Ii! aKuxe, nyuwosatho munimwiiviwa ni ekatanaaka.”

Zakariya 3:8

Mwiiwe Yoxuwa, mutokweene a asaserdoti*, ni anamakhaviheraanyu akilaathiye ohoolowanyu – nyuwosa ti asilopwana anthoonyera itthu sineera seereiye: Kinoomuruuha murumeiyaaka, Ephuwelo.

Nuumeru 14:34

Mweehuhuni ya iyaakha miloko mixexe, nyuwosa munoohaawa sookacamiha sa sootthekesanyu ni munoosuwela etaphulelo ya okikhootta Miyo; khula eyaakha eniilikaneleke wa khula nihuku a miloko mixexe mwa yaawo mwaarongwaanyu ohottela elapo.