Yesaya 2:3 - Emakhuwa Bible

³ Miloko sincipale sinimoowa seereke: “Nrowe, nawele mwaako wa Yave, wa Empa ya Muluku a Yakobe weera Owo anixuttihe iphirosawe ni hiiho nnimweetta mootthunanimwawe.” Vano Nlamulo nnookhuma oSiyoni ni masu a Yave oYerusaleemu.

Yesaya 2:3 Iomraidhean Croise

Exteri 9:27

aYuda yaalakela okhaliha ekhovelelo ele elamulaka ekhapiraaya ni ootheene yaathatungwe aYuda weera yuupuwelele mahuku meeli ale khula eyaakha, ettharaka moota ni ehuhuwaaya yaalamuliwaaya.

Icipo 102:23

Eriyari ya okumaaka, Owo oomaliha ikurusaka; Owo oovukula mahukwaaka.

Icipo 110:2

Yave onimookolela ekopowaanyu ya emwene okhuma oSiyoni; nyuwo munoolamula eriyari ya amwiittanaanyu.

Icipo 119:171

Iyanosaka sinoosareya ottottopela, niwoko Nyuwo munkixuttiha ikanosanyu.

Icipo 122:1

Koohakalala ni yaale yaakeerenle: “Niroweke Mpaani mwa Yave.”

Icipo 48:1

Mutokweene ti Yave omphwanela ottottopeliwa wootheene musidadeni mwa Mulukwaahu, vamwaakoniwawe wootteela.

Yesaya 1:26

Kinimoovahanitho aphuki ntoko a khalayi ni anamalaka ntoko yaaraaya ompacereroni. Vahoolowaya muniimwiitthaniwa Esidade ya Ekhaikhai, Esidade Yoororomeleya.”

Yesaya 11:10

Vanihukuni nenenenno Mukwankhwaari wa Yixai onuukhale ntoko eneneero wa miloko; iyo sinoomwaattamela ni nipuronawe noowiitthuuwa nnikhale noovuwa.

Yesaya 19:23

Vanihukuni nenenenno onuukhale musewe mutokotoko okhuma wExipitu mpaka wAsiriya. awAsiriya anoorowa wExipitu ni awExipitu wAsiriya. Vano awExipitu ni awAsiriya anoolapa vamoha.

Yesaya 28:9

Awosa ankoha: Owo oneerera omuxuttiha taani? Onimuthalihera mutthengaawe taani? Apaale wa anamwane oohiya waamwa; yaale aneera ohiyaru waamwa?

Yesaya 44:5

Mmoha onimweera: ‘Miyo ti a Yave’ ni mukinatho onimwiitteha nsina na Yakobe ni mpaka mukinatho onoolepa mmatatanimwawe: ‘A Yave’ ni onimwiixiitthanela Yixrayeli.”

Yesaya 56:5

wa yaawo kinimwaavaha Mpaanimwaka ni ixirisaya eyuupuxero ni nsina nooreerela waapwaha anamwane asilopwana ni asithiyana. Kinimwaavaha nsina noohimala nneera nihicipihiwe.

Yesaya 56:7

vano yaawo kinimwaaruuha vamwaakoniwaka wootteela ni kinimwaavaha ohakalala Mpaanimwaka wa mavekelo. Sooveleelasaya soohisa ni sikina sinimwaakhuleliwa valtaariniwaka; vanonto Empaaka eniitthaniwa Empa ya mavekelo wa miloko sootheene.”

Yesaya 60:3

Miloko sinimoowa ngwaaraniwanyu ni mamwene ngwaarani wa oxeexelowaanyu.

Yesaya 65:11

Vaheera wa nyuwo munimuhiya Yave ni munttiwala mwaakowaaka wootteela, nyuwo munimurehererela meesa muluku a eparakha ni munsariha ikoomixi sa iviinyu sootakanseriwa wa muluku a oreeriwa,

Yesaya 66:20

Ni awosa animwaaruuhatho axunninyu ootheene okhuma miloko sootheene mpaka wa mwaakowaaka wootteela, oYerusaleemu, ntoko yooveleela wa Yave. Awosa animoowa ni ikavalu*, ikaaro sa ikavalu* ni ikaaro sikina, ni abuuru ni ikamelu*,” onghima Yave. “Awosa anooruuhiwa ntoko aYixrayeli anruuhaaya sooveleelasaya sa etrigu wa Empa ya Yave ni ikaruma sootteeliheriwa.

Yeremiya 12:16

Vano awosa aaxuttera nnenesene ekhovelelo ya mulokwaaka ni yaalipela mwa Nsinanaka yeeraka: ‘Kinlipela mwa Nsina na Yave’ – ntoko khalayi yaaxuttinghaaya mulokwaaka omulipela Bahali* – vano anookhalihiwa variyari wa mulokwaaka.

Yeremiya 26:18

“Mika a oMorexeti aathalihera otthuna wa Muluku mmahukuni a Hizekiya, mwene a oYuda, aneerela muloko wootheene wa aYuda: ‘Yave a ikuru sootheene oneera ha: Siyoni onoottipuriwa ntoko mmatta. Yerusaleemu onoothatuwa ettuxo, Empa ya Muluku nttumuxa, mwaako woophipa.’

Yeremiya 31:6

Vano nnoophiyera nihuku anamalipelela eneeraaya ekhuwele mmattumuxani a wEfrayimi: ‘Nrowe, niwele oSiyoni, vamaithoni wa Yave Mulukwaahu.’”

Ezekiyeli 40:2

Mmooneloni wa Muluku, Owo aakikunxe elapo ya oYixrayeli ni aakiikaathi vamwaakoni woorakamela osulu, mwa yoowo mpattaaya wa ohitto, saakhala impa saalikana ni esidade.

Hoxeya 3:5

Vahoolowaya, aYixrayeli anoohokolowa, emwaaseke Yave, Mulukwaaya, ni Davide mwenaaya. Mmahukuni ookisera animoowa ethukumelaka vamaithoni wa Yave ni wa mareelihowaawe.

Hoxeya 6:3

Nimusuwele Yave; niilipiheraxe omusuwela. Owo aniixoonihere mooteene yoole ninkhumaaya nsuwa; onimoorwa wa hiyo ntoko epula ya mulaala, aani ntoko epula mutthulo ennaanihaaya etthaya.”

Mikeyasi 4:2

Miloko sincipale sinimoorwa, seeraka: “Nrowe, niwele mwaako wa Yave, Mpaani mwa Muluku a Yakobe. Owo onoonixuttiha iphirosawe weera neette mphironimwawe.” Vano Nlamulo nnoorweela oSiyoni, masu a Yave oYerusaleemu.

Matheyo 7:24

Tivawo, yoowo oniiwa maswaaka yaala ni oniiwelela, ori ntoko namiruku otenke empaawe vamwala.

Luuka 11:28

Owo aamwaakhula: “Ooreelihiwa oophwaha ti yaale aniiwa masu a Muluku ni aniiwelela.”

Luuka 24:47

nitho weera mwa Nsinanawe waatthuneya olaleiwa orukunxa murima wa miloko sootheene, okhuma oYerusaleemu, weera yaakhele elevelelo ya soottheka.

Yohaane 4:22

Nyuwo aSamariya munlapela yeeyo muhisuwenlaanyu, hiyo noosuwela yeeyo ninlapelaahu niwoko ovuluxiwa ongweela wa aYuda.

Yohaane 7:17

Akhala mukina onlakela opaka otthuna wa Muluku, owo anoonelele nihusihonaka nawa wa Muluku, hoye hoye kinuuluma ni mirukusaka muneenaaka.

Miteko 1:8

mene mmwaakhele ikuru Munepa Wootteela wookhuruwelakani nyuwo ni mmwikhale anamoonaaka oYerusaleemu, oYudeiya wootheene, oSamariya ni mpaka ekotenle elapo.”

Miteko 10:33

Hiiho kaarumiha oroweliwa woowaakuveya, ni ti wooreera weera nyuwo mohoorwa. Ootheene hiyo nri vamaithoni wa Muluku weera niiwe sootheene Apwiya yoorumalaayani onileela.”

aRooma 10:18

Vano miyo kinookoha: Awo khayiiwale masu ale? Vekhaikhai yaahiiwa! Yoolempweene yeeyo yeenre: “Nsunaya nohiiwanyeya elapo yootheene, ni maswaaya mpaka ekotenle elapo yootheene.”

Deuteronomiyo 33:19

Awosa eniithukumanye miloko omwaako, ni iwo eniipakewo sooveleela sa ekhaikhai; epakaka efesta ni sooreela sa mphareiya, ni mihakhu soovithiwa mweehaavanimwaya.

Deuteronomiyo 6:1

Ala ti malamulo, ikano ni soolamula sootheene Yave Mulukwaanyu aakileenlaawe weera kooxuttihaseni wiiwelela mweelaponi munrowaanyu okuxa.

Yakobe 1:25

Mutthutho ontthokelela nnenesene nlamulo nookwanela ninruuha oneethi, ni ompwaherera munlamuloni nno, ahittiwalaka iiwalaawe, mene eettelaka munlamuloni, anaareelihiwe mwa yeeyo ompakaawe.