Yesaya 2:2 - Emakhuwa Bible

² Mmahukuni ookisera mwaako wa Empa ya Yave onimunnuwihiwa; onookhalihiwa mutokweene a mattumuxa ni miloko sootheene sinoorowa wa yoowo.

Yesaya 2:2 Iomraidhean Croise

Epacerero 49:1

Vano Yakobe aawiitthana anamwanaawe aweerelaka: “Mukisuseerelase va weera koothalihereni yeeyo eneera yookhumelelaseni mmahukuni a muhoolo.

Yobi 19:25

Miyo koosuwela weera Mvuluxaaka ti Mukumi, ni weera ommaleloni onoovenyera elapo.

Icipo 102:23

Eriyari ya okumaaka, Owo oomaliha ikurusaka; Owo oovukula mahukwaaka.

Icipo 2:8

Okivekele ni Miyo kinimoovaha olamula miloko ntoko yoohiyeriwa ni elapo yootheene ntoko yawawo.

Icipo 22:27

Atthu a elapo ya vathi yootheene anoomuupuwelela, ehokoleeleke wa Yave, ni imusi sootheene sa miloko sinoomukokhorela,

Icipo 22:28

niwoko omwene ti wa Yave ni Owo onlamula miloko sootheene.

Icipo 48:2

Mwaakweene yoowo ti wooreeraxa – ohakalala wa elapo ya vathi yootheene. Mwaako Siyoni, esidade ya Mwene Mutokweene, ori ntoko itthomela sa mwaako Zafoni.

Icipo 68:17

Ikaaro sa ikavalu* sa Muluku ti soohaalikeleya. Yave onrwa mwemmo akhumaka oSiyoni wa Nipuronawe Nootteela*.

Icipo 72:8

Owo onoolamula khula ephareiya ni okhuma mooloko Efratesi mpaka ekotenle elapo.

Icipo 86:9

Miloko sootheene mpattunxaanyu sinoorowa weera silape ohoolowanyu; Ii! Yave seiyo sinoovuwiha Nsinananyu,

Icipo 87:1

Yave aateka esidadaawe vamwaako wootteela;

Icipo 87:2

Owo onnasivela milako sa oSiyoni opwahaxa mookhala mukina wa Yakobe.

Yesaya 11:10

Vanihukuni nenenenno Mukwankhwaari wa Yixai onuukhale ntoko eneneero wa miloko; iyo sinoomwaattamela ni nipuronawe noowiitthuuwa nnikhale noovuwa.

Yesaya 25:6

Vamwaako ola Yave a ikuru sootheene onooreherera efesta yookwana oca miloko sootheene; efesta ya iwuuva* ya khalayi – enama yoosiva ni eviinyu yooreerelaxa.

Yesaya 27:13

Nihuku nenenennotho ninooruma nipalapatta ntokotoko. Yaale yaariheenle wAsiriya ni yaale yaatthukingwe, eronghiwaka wExipitu animoowa weera emulape Yave vamwaako wootteela oYerusaleemu.

Yesaya 30:29

Nyuwo munimwiipa ntoko muniipelaanyu ohiyu wa efesta yootteela; mirimasanyu sinoohakalala ntoko muloko woomwiiwa mpetta, owelaka mwaako wa Yave, Mwala wa oYixrayeli.

Yesaya 49:6

Yave oneera: “Wa nyuwo khoonkwana okhala murumeiyaaka paahi weera mureherere ipuumba sa Yakobe ni mwaahokoloxe yaale a aYixrayeli kaathokoronraaka. Kinimootatuxanitho waara wa amalapo weera ovuluxawaka okwanele ekotenle elapo.”

Yesaya 56:5

wa yaawo kinimwaavaha Mpaanimwaka ni ixirisaya eyuupuxero ni nsina nooreerela waapwaha anamwane asilopwana ni asithiyana. Kinimwaavaha nsina noohimala nneera nihicipihiwe.

Yesaya 56:7

vano yaawo kinimwaaruuha vamwaakoniwaka wootteela ni kinimwaavaha ohakalala Mpaanimwaka wa mavekelo. Sooveleelasaya soohisa ni sikina sinimwaakhuleliwa valtaariniwaka; vanonto Empaaka eniitthaniwa Empa ya mavekelo wa miloko sootheene.”

Yesaya 60:3

Miloko sinimoowa ngwaaraniwanyu ni mamwene ngwaarani wa oxeexelowaanyu.

Yesaya 65:11

Vaheera wa nyuwo munimuhiya Yave ni munttiwala mwaakowaaka wootteela, nyuwo munimurehererela meesa muluku a eparakha ni munsariha ikoomixi sa iviinyu sootakanseriwa wa muluku a oreeriwa,

Yesaya 66:20

Ni awosa animwaaruuhatho axunninyu ootheene okhuma miloko sootheene mpaka wa mwaakowaaka wootteela, oYerusaleemu, ntoko yooveleela wa Yave. Awosa animoowa ni ikavalu*, ikaaro sa ikavalu* ni ikaaro sikina, ni abuuru ni ikamelu*,” onghima Yave. “Awosa anooruuhiwa ntoko aYixrayeli anruuhaaya sooveleelasaya sa etrigu wa Empa ya Yave ni ikaruma sootteeliheriwa.

Yesaya 66:23

Khula mweeri munyowani ni khula eSaabadu omutthu wootheene onimoowa weera okokhorele ohoolowaka,” onghima Yave.

Yeremiya 16:19

Ii! Yave! Ikurusaka ni Nipuronaka noolipaxa, Wootthawelawaka mweehuhuni yoowoopiha, vano miloko sinimoowa wa Nyuwo okhuma ekotenle elapo seeraka: “Makholowaahu yaakhalano miluku soowootha paahi, soohimuteko sihaapakenleru yooreera.

Yeremiya 23:20

Isara sa Yave khasisusa mpaka Owo aneeraawe akwanihere soolakelasawe. Mmahukuni a muhoolo nyuwo munimwiiwexexa.

Yeremiya 26:18

“Mika a oMorexeti aathalihera otthuna wa Muluku mmahukuni a Hizekiya, mwene a oYuda, aneerela muloko wootheene wa aYuda: ‘Yave a ikuru sootheene oneera ha: Siyoni onoottipuriwa ntoko mmatta. Yerusaleemu onoothatuwa ettuxo, Empa ya Muluku nttumuxa, mwaako woophipa.’

Yeremiya 3:17

Ehuhuweene yeeyo animwiitthana oYerusaleemu ‘Ehice ya Emwene ya Yave’ ni miloko sootheene sinoothukumana oYerusaleemu weera sittittimihe Nsina na Yave. Seiyo khasirwatho sitthara ettiyamaarwaaya.

Yeremiya 30:24

Isara sa Yave khasisusa mpaka Owo aneeraawe akwanihere yoolakelaawe. Mmahukuni a muhoolo nyuwosa munimwiiwexexa yeeyo.

Yeremiya 31:12

Awosa animoona ni animwiipa ni ohakalala vasulu oSiyoni; anoohakalalela sooreela sincipale eneeraaya evahiwe ni Yave: etrigu, eviinyu enyowani, makhura ooreera ni axaana a ikhondoolo ni a imombe. Anookhala ntoko nttimbe noohelelaxiwa, ni kheethananatho.

Yeremiya 48:47

Wa soothesene, kinooreherera oreereliwa wa Mowabe muhoolommo,” onghima Yave. Nthorihelo na oMowabe ninkotela va.

Yeremiya 49:39

“Wa soothesene, kinooreherera oreereliwa wa Elami mmahukuni a muhoolo,” onghima Yave.

Yeremiya 51:44

Kinoomuttaruxela Beli oBabiloniya, kimurapheihaka ominraawe. Miloko khasitthimakelawo. Ni exiri ya oBabiloniya enoomora.

Ezekiyeli 38:16

Nyuwo mmwaathataanele aYixrayeli, mulokwaaka, ntoko nihutte ninkhuneela elapo. Ii! Gogi, mmahukuni a muhoolo, kinimooruuhani weera ngwaneno elapwaaka, weera miloko sikisuwele Miyo kiixooniheraka ootteeleene mwa nyuwo vamaithoniwaya.

Ezekiyeli 40:2

Mmooneloni wa Muluku, Owo aakikunxe elapo ya oYixrayeli ni aakiikaathi vamwaakoni woorakamela osulu, mwa yoowo mpattaaya wa ohitto, saakhala impa saalikana ni esidade.

Daniyeli 10:14

Vano kirweenle woothaliherani yeeyo eneera yeereeliwe mulokwaanyu mweehuhuni mwa muhoolo, niwoko moonelo onthoonyera ehuhu ya muhoolo.”

Daniyeli 2:28

Mene ookhala Muluku wiirimu onthupulula mitikhinelo. Owo oomoonihera mwene Nebukadenezari yeeyo eneera yeereye mmahukuni a muhoolo. Yooloha ni nyoonelo moonnaanyu mukonaka ti iya:

Daniyeli 2:35

Vano eyuuma, oloko, ebronze*, eparatha* ni eyuuma yoorikaxa saanyaanyiwa sinakhala ntthupi ntoko makamba vanipuroni nimveeriwa* etrigu ehuhu ya elimwe. Epheyo yaavaviha seiyo sihihiyaka eneneero ya okhalawaya. Vaheera nluku naaswannye ecaambulo naathatuwa mwaako woorakamelaxa osulu ni waasareya elapo ya vathi yootheene.

Daniyeli 2:45

Ela etaphulelo ya moonelo wa nluku naakurukundungwe vamwaako muneenaayaru – nluku nno naanyaannye eyuuma, ebronze*, oloko, eparatha* ni eyuuma yoorikaxa. Muluku Mutokweene oomoonihera mwene yeeyo eneera yeereye muhoolo. Yooloha ti ya ekhaikhai ni etaphulelowaaya ti yoororomeleya.”

Hoxeya 3:5

Vahoolowaya, aYixrayeli anoohokolowa, emwaaseke Yave, Mulukwaaya, ni Davide mwenaaya. Mmahukuni ookisera animoowa ethukumelaka vamaithoni wa Yave ni wa mareelihowaawe.

Zakariya 14:10

Elapo yootheene okhuma oGeba mpaka oRimoni, mpatta wa ohitto wa oYerusaleemu enookhala ntoko wAraba. Vaheera oYerusaleemu onookhalihiwa ni onookhala vanipuroniwaya, okhuma mulako wa Benyamini mpaka nipuro waaraayawo Mulako Woopacera, mpakatho Mulako wa oNloothoni ni okhuma etoore* ya Hananeli mpaka nipuro emvottiwa eviinyu ya mwene.

Zakariya 14:9

Yave onookhala Mwene a elapo ya vathi yootheene. Vanihukuni nenenenno onookhala Yave mmoha ni Nsinanawe nimoharu paahi.

Zakariya 8:22

Vano miloko sincipale ni sooweraxa sinimoowa oYerusaleemu weera simwaase Yave a ikuru sootheene ni simudyoonttelele.’

Zakariya 8:3

Yave oneera ha: ‘Kinghokoleela oSiyoni, kakhaleke oYerusaleemu. Vano oYerusaleemu onimwiitthaniwa esidade ya ekhaikhai ni mwaako wa Yave a ikuru sootheene onimwiitthaniwa mwaako wootteela.’

Malekiya 3:12

“Hiiho miloko sootheene sinooweerelani ooreelihiwa, niwoko elapwaanyu enookhala yootikhiniheya,” oneera Yave a ikuru sootheene.

Nuumeru 24:14

Vano kinoohokoleela mulokwaaka, mene mukihiye kooleeleni yeeyo muloko ola oneeraaya opakele mulokwaanyu mmahukuni a muhoolo.

Miteko 2:17

‘Mahuku ookisera, Muluku eenre, nkihelele Munepaaka miloko sootheene. Anamwanaaya asilopwana ni asithiyana eniithalihe otthuna wa Muluku; amiravo eniyoone nyoonelo ni asitokweene eniilohe sooloha.

2 Timootheyo 3:1

Osuwele yeeyo: mahuku ookisera nsikhumelele ihuhu soowoopihaxa.

aHeberi 1:2

mahukutho ookisera ala uulumale ni hiyo mwa Mwaana, mwa Yoowo aamukhalinghe Namwaakhela a itthu sootheene, ni mwa Yoowo Muluku opankaawe ephattuwelo yootheene.

2 Pedru 3:3

Musuwele toko iya, weera wa mahuku oomalihera eniikhumelele anamaveiha, eveihaka ni ettharaka soohaawelasaya asineenaaya,

Ethupululo 11:15

Ndyelo anaathanneeli aahiipa nipalapattanawe, ni yaakhumelela masu matokotoko wiirimu, yeeraka: “Omwene wa elapo ya vathi woothatuwa omwene wa Apwiyaahu ni wa Kristuwaawe, ni Awo eniilamule mahuku ootheene.”

Ethupululo 20:4

Kaahoona ihice, mwa seiye yaakilaathenlaaya yaale yaavahiwe ikuru weera ethorihe. Kaahoona okumi wa yaawo yaahitiwe niwoko na onamoona wa Yeesu ni na masu a Muluku. Awo khayaalampe enama, hata ecaambulowaaya ni khayaakhenle eneneerowaaya vayuuci, naari mmatatani. Awo yaavenyerera ni yaalamula vamoha ni Kristu wa iyaakha macira muloko.