Yesaya 18:6 - Emakhuwa Bible

⁶ Ootheene yaawo animwinnyereriwa marepo ni axinama a ntuphini; ipalame sinookhuura mittembosaya elimwe yootheene ni axinama a ntuphini eyiitta yootheene.

Yesaya 18:6 Iomraidhean Croise

Yesaya 14:19

Vaheera nyuwo munkhumihiwa munihiyenimwanyu mvonyeriwaka vaate ntoko ephandi yookhoottiwa, ntoko soowara sa anamakhwa yiiviwe ni ekatana, ntoko yaale ankhuruwela mmalukuni a nlitti, ntoko muttembo woonyikalasiwa.

Yesaya 23:13

Moone elapo ya oBabiloniya; owo ti muloko olakaseiye. awAsiriya aatatuxa elapo eyo okhala ya axinama a munikareni. Aaweliha itooresaya* sa orica; aahuhula mapurowaaya oolipihiwaxa enatatuxa milepe.

Yesaya 46:11

Okhuma ninkhuma nsuwa kimmwiitthana mwaapalame oolupattha ni okhuma elapo ya ottai mulopwana weera akwanihere otthunawaka. Yeeyo kaahimmaaka kinookwanihera; yeeyo kuupuwenlaaka kinoopaka.

Yesaya 56:9

Ngweeke, nyuwosa axinama a ntuphini ootheene, ngweeke ni mukhuure, nyuwosa axinama a moothakoni!

Yeremiya 15:3

Kinimwaarumihela nyoota mixexe sa anamaphwata,” onghima Yave, “ekatana weera ewiive, alapwa weera yaapurule ni ipalame sa wiirimu ni axinama a ntuphini weera yaalume ni yaaphwate.

Yeremiya 16:4

“Awosa sinoowiiva iretta soowoopiha. Khaawo anaakhupanyere awosa hata kheevithiwa, mene anookhala ntoko ikokhola vatthayani. Animwiiviwa ni ekatana ni etala ni mittembosaya sinookhala sooca wa ipalame sa wiirimu ni axinama a ntuphini.”

Yeremiya 7:33

Vano mittembo sa atthweene yaawo sinoociwa ni ipalame sa wiirimu ni axinama a nthupini ni kheekhalaru oowoomolela.

Ezekiyeli 31:13

Ipalame sootheene sa wiirimu sohiitekiha mmwirini woomora, ni axinama ootheene a mutuphini, angkhala mphandinimwaya.