Yesaya 17:8 - Emakhuwa Bible

⁸ Khayaaweha altaari* ari miteko sa matataaya naari kheeroromelatho nyiri soothipeleliwa Axera ni altaari* a erubani* yaapankaaya.

Yesaya 17:8 Iomraidhean Croise

2 Samuweli 22:42

Awosa yaakhuwela evekelaka ekhavihero, mene khaariwo oowaavuluxa; yaamvekelaxa Yave, mene Owo khaawaakhunle.

2 Nyaha 14:5

Aavenxa mapuro oolapa a mmattumuxani ni altaari* a erubani* musidadeni sootheene sa oYuda; hiiho omwene waakhala ni murettele moolamulanimwawe wootheene.

2 Nyaha 31:1

Emanleene efesta, aYixrayeli yaari ofestani yaakhumelasa musidadeni sa oYuda, enapwexakasa maluku ootteeliheriwa, enaphwata nyiri soothipeleliwa sa Axera. Awosa yaahaaphwata altaari* a miluku soowootha sa oYuda ni oBenyamini wootheene nitho wEfrayimi ni oManaxe. Ephwanteene sootheene, yaahokoleela musidadenimwaya, khula mutthu arowaka owannyawe.

2 Nyaha 34:4

Ettharihiwaka malamulowaawe, yaaphwatiwa altaari* a aBahali*; ohiya yeeyo, owo aahaapwexakasa altaari* a erubani* yaakhala vasuluwaya. Aanyaanyatho anattikittha nyiri soothipeleliwa sa Axera, icaambulo soopatthiwa ni soohaniwa, anamwaraxela mmahiyeni a yaale yaapakenle sooveleela.

Okhuma 34:13

Ohiyanawaya, mwaaphwate altaaraaya, mwaapwexe amarimbwaaya ootteela ni mwathikile nyiri soothipeleliwa sa Axera.

Yesaya 1:29

“Munimuulihiheya muru niwoko na nyiri sa ikarivalyu* sootteeliheriwa muntthunaanyuxa; munooyevihaxiwa niwoko na mattimbe muthanlalaanyu.

Yesaya 10:20

Vanihukuni nenenenno oohalahala oYixrayeli; yaale eniikhale ni okumi a ekhapira ya Yakobe khayaaroromela yaale yaavulalinghe, mene anoomuroromelaxa Yave, Ootteela Yoowo a oYixrayeli.

Yesaya 17:9

Vanihukuni nenenenno isidadesaya soolipaxa saathaamiwe niwoko na aYixrayeli sinookhala ntoko mapuro oowinnyereriwa ntuphi ni othako. Vano sinookhala ittuxoru.

Yesaya 2:8

Elapwaaya yoosareya miluku soowootha; awosa anlapa miteko sa matataaya – seiyo apankaaya.

Yesaya 27:9

Hiiho nthowa na Yakobe nnoomalihiwa ni soowiima sookwanela sa ovenxiwa wa sootthekasawe nsikhale ha: owo aapwexa altaari* a maluku ootheene mpaka othatuwa ntthupi khasihala nyiri soothipeleliwa Axera, hata altaari* a erubani*.

Yesaya 30:22

Vanonto munooveiha milukusanyu soolokottha soohuruweliwa eparatha* ni icaambulosanyu soohuruweliwa eyuuma yoorikaxa; munoovonyera vaate ntoko nttapwatta noonanara mweerelaka: “Khuma!”

Yesaya 37:19

Yaavonyera milukusaya mmooroni, ephwataka, niwoko khasaahiyono miluku, mene nyiri ni maluku paahi, ookheriwa ni atthu.

Yesaya 41:29

Moone, ootheene yaawo ti oolokottha. Mitekosaya khasimvararu etthu; icaambulosaya soohaniwa sinlikana iphumu ni etthu yoohimuteko.”

Yesaya 44:15

Owo omvarela muteko mpatta mmoha wa mwiri woopattihera mooro. Yoowo onkuxa, akukhelaka woora, anooxa epaawu. Mene ompakatho muluku, analapa. Owo ompaka ecaambulo, anuuramela ohoolowaya.

Yeremiya 17:2

Mpakatho anamwanaaya angwuupuwelela altaaraaya* ni nyirisaya soothipeleliwa sa Axera mukerekhere nyiri soopombaxa, mmattumuxani oorakamela,

Ezekiyeli 36:25

Kinimoomiserani maahi ooreera ni munootteela; Miyo kinimoocapani ohitteelawanyu wootheene ni wa milukusanyu sikina sootheene.

Hoxeya 14:8

Ii! wEfrayimi, nkipwatthele heenitho miluku sikina? Ti Miyo kinimwaakhula, kinamukosoopa. Kiri ntoko mwiri wa epinyeiru* ekithi; soowiimasanyu sootheene sinrweela wa Miyo.”

Hoxeya 14:9

Musuweli taani? Ti yoowo anoonelemo itthu iya. Taani orino akhili? Ti yoowo aniiwexexe. Iphiro sa Yave ti soororomeleya; oororomeleya amvira mwemmo, vaheera attiyamaaru anookwattuliwamo.

Zefaniya 1:3

“Kinimwaaphwata atthu ni axinama; kinoophwata ipalame sa wiirimu ni ihopa, ni yaawo antannyera okwattula vamoha ni atakhali. Kinoopaka yeeyo, kiphwataka omutthu mulaponi,” onghima Yave.

Zakariya 13:2

Vanihukuni nenenenno kinoomalamaliha mweelaponi masina a miluku soowootha ni seiyo khasuupuweleliwatho,” onghima Yave a ikuru sootheene. “Kinimwaavenxa mulaponi maprofeeti nitho munepa wa ohitteela.

Deuteronomiyo 7:5

Vano nyuwosa entthuneya opakela miloko iyo ti ela: Mwaaphwate altaaraaya, mwaapwexe amarimbwaaya ootteela, muuhe nyiri soothipeleliwa sa Axera ni mwahiseke mmooroni icaambulosaya sa miluku.