Yesaya 17:10 - Emakhuwa Bible

¹⁰ Moomuttiwala Muluku Mvuluxaanyu; khamummuupuwelela Mwala ori Nipuronanyu Noolipaxa. Tivawo, naari mphatteyaka nyiri sooreerela ni imatta sa iwuuva* sa ilapo sikina,

Yesaya 17:10 Iomraidhean Croise

1 Nyaha 16:35

Mukhuwele: “Munivuluxe, ii! Muluku, Mvuluxaahu! Munithukumanyihe ni munitapuxe mwa miloko weera nitthapele Nsinananyu Nootteela ni ottottopeleyawanyu okhale ovuwawahu.”

Icipo 106:13

Wa soothesene, yaattiwala woowaakuveya seiye aapankaawe ni khayaaweherenre osuwela mirukusawe.

Icipo 106:21

Yaamuttiwala Muluku Mvuluxaaya, mwa Yoowo aapanke itthu sitokotoko wExipitu;

Icipo 18:2

Yave ti Mwalaaka, Woolipawaka ni Namoopolaaka. Mulukwaaka ti Mwalaaka, mwa mwemmo kintthawelaakamo. Owo ti Exikudwaaka ni Nnyaka na ovuluxiwawaka – Nipuronaka noolipaxa nootthawelamo.

Icipo 31:2

Mukiiwe ni mukivuluxe woowaakuveya. Mukhaleke Mwalaaka Wootthawelamo; Nipuro Noolipaxa mwa mwemmo kinlipaakamo.

Icipo 65:5

Ii! Muluku, Mvuluxaahu, Nyuwo munaakhula ni miteko sootikhiniheya soororomeleya. Nyuwo ti oweherera wa elapo ya vathi yootheene ni mpaka wa iphareiya sa ottaiwene.

Icipo 79:9

Ii! Muluku Mvuluxaahu, munikhavihere niwoko na ovuwa wa Nsinananyu. Munoopole ni mulevelele sootthekasahu niwoko na Nsinananyu.

Icipo 85:4

Ii! Muluku Mvuluxaahu, munirehereretho ni mmaalihe oninyoonyeriwawanyu.

Icipo 9:17

Atakhali ankhwa; hiihotho miloko sootheene sinimuttiwala Muluku.

Yesaya 12:2

Vekhaikhai Muluku ti ovuluxiwawaka. Kinoororomela kihoovaka. Yave, aani, Yave ti ikurusaka ni ecipwaaka; Owo ti ovuluxiwawaka.”

Yesaya 17:9

Vanihukuni nenenenno isidadesaya soolipaxa saathaamiwe niwoko na aYixrayeli sinookhala ntoko mapuro oowinnyereriwa ntuphi ni othako. Vano sinookhala ittuxoru.

Yesaya 18:5

Vano ohinaaye ohepha, emalaka ephovo ni ithutu sithatuwaka soowiima owo onooseekela soophuwa; avenxaka iphandi soorakama.

Yesaya 25:4

Muri Nipuro nootthawelamo oohaawa ni oothoiwa; Wootthawelela epheyo ni Munttuusi wa oviha. Vano iphumu sa anamapuhera siri ntoko ettheku, emanaka exiri

Yesaya 26:4

Munroromele Yave wa mahuku ootheene, niwoko Yave, aani Yave paahi ti Mwala woohimala.

Yesaya 30:29

Nyuwo munimwiipa ntoko muniipelaanyu ohiyu wa efesta yootteela; mirimasanyu sinoohakalala ntoko muloko woomwiiwa mpetta, owelaka mwaako wa Yave, Mwala wa oYixrayeli.

Yesaya 33:2

Ii! Yave, munoonihere murimaanyu wooreera; hiyo nnoohaawelani Nuwo. Mukhaleke ikurusahu khula oxeexelo, ovuluxiwawahu mweehuhuni yoowoopiha.

Yesaya 44:8

Muhithukumele, hata muhoove. Khalayeene Miyo kaalaleiye yeeyo ni kaathalihera. Nyuwosa ti anamoonaaka. Khoowowo muluku mukina kihikhanle Miyo. Hoye! Khawowo Mwala mukina; nkimusuwenle hata mmoha.”

Yesaya 51:13

Munimuttiwalelani Yave Mpattuxaanyu, mwa Yoole okunge erimu ni opanke mathipelo a elapo? Heeni munkhalaanyu ngwoovani mahuku ootheene niwoko na isara sa anamahasula antthunaxa ophwata? Vano siri woowi isara sa anamahasula?

Yesaya 61:10

Kinimuhakalalelaxa Yave, munepaaka onimuhakalalela Mulukwaaka. Niwoko Owo ookiwariha ni soowara sa ovuluxiwa ni ookikuttelelano mukaandyo wa ekhaikhai, ntoko namatthomera omphwaneliha murwaawe alikanaka musaserdoti* ni ntoko ootthomeriwa oniiphwaneliha ni axiveeve.

Yesaya 62:11

Yave oolaleera ekotenle elapo: “Munleele mwaana muthiyana a Siyoni: ‘Moone, Mvuluxaanyu onimoowa! Moone, ntthuvelonawe nri ni Yoowo, aani arwaaka ni nlivonawe.’”

Yeremiya 12:13

Awosa yaahaala etrigu, mene ahemphe nyiiwa; wohaakhulumula ovara muteko woohiruwera etthu. Vano, awosa anuulihiheya muru ni ohepha niwoko na isara sitokotoko sa Yave.”

Yeremiya 17:13

Ii! Yave, Oweherera wa oYixrayeli – ootheene anoohiyani Nyuwo anoohaawa wuulihiheya muru. Yaale anoohuluwani, vano masinaaya anoolempwa muntthupini, niwoko na omuhiya Yave, Naattuuttu a maahi a okumi.

Yeremiya 2:32

Weeraka mwaamwali onimwaattiwala axiveevaawe hoye hoye, ootthomeriwa soowarelasawe? Wa soothesene, mulokwaaka wookittiwala mahuku ootheene.

Yeremiya 3:21

Okhuwela oniiwanyeya vanttumuxani, wiinla ni odyoonttelela wa muloko wa oYixrayeli, niwoko waathanla iphiro sookhoromana omuttiwalaka Yave Mulukwaaya.

Ezekiyeli 22:12

Mpuwamwanyu, aakhala atthu anaakhulela makhwankwa weera eyeehe ephome; nyuwo munkoongoriha mweerelaka oliviwa iphura, ophwanya ewinelo, ni mungwina moota woohiroromeleya munnyesererihaka ni mmwiiyeraka mukhwiinyu. Nyuwo mookittiwala, onghima Yave onlamula sootheene.

Ezekiyeli 23:35

Vano Yave onlamula sootheene oneera ha: Mweenre nyuwo mukittiwala Miyo, munakirera ettuli, munoohaawa niwoko na otakhalawanyu ni opuutaanyu.”

Hoxeya 4:6

Mulokwaaka woophwatiwa niwoko na ohikisuwela Miyo. Mweenre mukhoottaka esuwelo, Miyotho kinimookhoottani okhala asaserdotaaka; mweenre mukhoottaka Nlamulo na Mulukwaanyu, Miyotho nkaapwattha anamwaniinyu.

Hoxeya 8:14

oYixrayeli woomuttiwala Mvuluxaaya, onateka impa sa emwene; oYuda woolipiha isidade sincipale. Vaheera Miyo kinoorumihela mooro musidadenimwaya oneera olalihe moolipamwaya.”

Yoweli 1:17

Mmiso wohuntta vathi wa makottomola. Matatha aaheleya nthala ni icikutti soophwatiwa niwoko soohepha sootheene sooyeleeleya.

Levitiku 26:16

vano Miyo kinimoopakani ha: Kinimooruuhelani woova wootutuxereya, ikwerere soohonona, xipwexa soowiipayipa sineera sooruuheleni evaasi, siyavayavihaka okumi. Munimwaala, mene khamphurela etthu niwoko amwiitthanaanyu animooca izosanyu.

Levitiku 26:20

Ikurusanyu khasivareleya muteko niwoko khamuruwera etthu mulaponi, hata nyiri khasiwiimelani.

Amosi 5:11

Nyuwosa munimuhasula oohaawa munnyesererihaka woovahani etrigu. Tivawo, murootekaru impa sa maluku, khamukhalamo; muroophatteyaru imatta sa iwuuva* soopomba, khamuwura eviinyuwaaya.

Habakuki 3:18

hata hiiho, kinoomuhakalalela Yave; aani kinoomuhakalalela Muluku Mvuluxaaka.

Zefaniya 1:13

Mihakhusaya sinoohuhuliwa; impasaya sinookurumuliwa. Naari etekaka impa inyowani, kheekhalamo; anoophatteya imatta sa iwuuva*, mene kheewura eviinyuwaaya.”

Deuteronomiyo 28:30

Nyuwo mmuure, mene muthiyana owo anaatheliwe ni mulopwana mukina. Mmwiteke empa, mene khamukhalamo. Mmwiphattheiye ematta ya iwuuva*, mene khamulawiha yoowiimaaya.

Deuteronomiyo 32:15

Wa soothesene, Yexuruni aahooca mpaka ohiya, anapacera ovaanya. Nyuwo mooneneva, moottittikalela ovona yooca. Moomuhiya Muluku oopattunxeni, munamukhootta Mwala oovulunxeni.

Deuteronomiyo 32:18

Mwaamuhiya Mwala mwa Yoowo ooyanreni; mwaamuttiwala Muluku oopattunxeni.

Deuteronomiyo 32:31

Vano namwaakihaaya khahiyono ntoko Namwaakihaahu – mpaka amwiittanaahu animwaakhulela!

Deuteronomiyo 32:4

Owo ti Mwala; mitekosawe ti soomalela ni ephirowaawe eri ya ekhaikhai. Owo ti Muluku oororomeleya ohinghiyanyiha; aani ti a ekhaikhai ni oowookoleleya.

Deuteronomiyo 6:12

mwiipasoope weera muhimuttiwale Yave ookhumihaleni wExipitu, elapo ya okaporo.

Deuteronomiyo 8:11

Mwiipasoope weera muhimuttiwale Yave Mulukwaanyu, muhiyaka wiiwelela malamulowaawe, ikanosawe ni soorumasawe miyo kinoovahasaakani olelo.

Deuteronomiyo 8:14

vano onoowereya othatuwa oowiixoona munttiwalaka Yave Mulukwaanyu ookhumihaleni wExipitu, elapo ya okaporo.

Deuteronomiyo 8:19

Nyuwosa mwamuttiwala Yave Mulukwaanyu muttharaka ni mulapaka miluku sikina weera mukokhorele ohoolowaya, kinoororomelihasani olelo weera vekhaikhai munoophwatiwa.