Yesaya 16:5 - Emakhuwa Bible

⁵ Ehice ya emwene enookhalihiwa moosivelani; moororomeleyani mulopwana onookilaathimo – mmoha a ekhapira ya Davide: Mphuki onaasaasa ekhaikhai aakuveyaka waakiha eri ya ekhaikhai.

Yesaya 16:5 Iomraidhean Croise

2 Samuweli 23:3

Muluku a aYixrayeli ohuuluma; Mwala a oYixrayeli ookeerela: ‘Yoowo onaalamula atthu moota woororomeleya; yoowo onlamula amoovaka Muluku,

2 Samuweli 5:9

Vano Davide aahiitekiha esidade yoolipihiwaxa ele, anatteha Esidade ya Davide. Aateka exiri okhuma oMilo* mpaka empa ya mwene.

2 Samuweli 7:16

Emusaanyu ni omwenaanyu onuukhale wa mahuku ootheene ohoolowaka; ehicaanyu ya emwene eniipwaherere wa mahuku ootheene.’”

1 Mamwene 10:9

Yave Mulukwaanyu atthapeliwe, mwa Yoowo osiveliwe ni nyuwo ookhalihakani vahiceni ya emwene wa oYixrayeli. Owo ohookhalihani ntoko mwene weera mukwanihere ekhaikhai ni olamula nnene niwoko na osivelawawe woohimala muloko wa aYixrayeli.”

2 Nyaha 31:20

Ti yeeyo aapankaawe Hezekiya moomweneni wootheene wa oYuda. Owo aapaka yeeyo yaari yooreera ni yoowookoleleya ni aaroromeleya wa sootheene vamaithoni wa Yave, Mulukwaawe.

Icipo 85:10

Osivela ni ororomeleya onookumanela; ekhaikhai ni murettele sinoobeecana.

Icipo 89:14

Ororomeleya ni ekhaikhai ti mathipelo a ehicaanyu ya emwene. Osivela ni ororomeleya onrowa ohoolowanyu.

Icipo 96:13

Seiyo siniipa vamaithoni wa Yave, niwoko Owo ongwa, aani onrweela weera athorihe elapo ya vathi. Owo onoothoriha elapo mweekhaikhaiyini ni miloko sootheene moota woororomeleya.

Icipo 98:9

seiyo siipe vamaithoni wa Yave, niwoko onrweelaa othoriha elapo. Owo onoothoriha elapo mweekhaikhaiyini ni miloko moota woororomeleya.

Icipo 99:4

Mwene ti a ikuru – Owo onsivela ekhaikhai. Mookhaliha meerelo a ekhaikhai; moopaka oYakobe yeeyo eri yoowookoleleya ni yoororomeleya.

Masu a Miruku 20:28

Onnene ni ororomeleya onnamukhapelela mwene, moonnenenimwawe onnalipihera ehicaawe ya emwene.

Masu a Miruku 29:14

Mwene aathorihaka oohaawa ni ekhaikhai, ehicaawe ya emwene enoopwaherera yoolipeene.

Yesaya 33:22

Vano Yave ti Mphukaahu onnilamula. Yave ti Mwenaahu; ti Yoowo aneera anivuluxe.

Yesaya 55:4

Moone, koompaka namoona a miloko, muhooleli ni namalamula a miloko.

Daniyeli 7:14

Owo aavahiwa olamula, ovuwa ni omwene; miloko sootheene ni atthu a muulumo ootheene yaamulapa. Olamulawawe ti woohimala ni khoorwa omala ni omwenaawe khoorwa ophwatiwa.”

Daniyeli 7:27

Vano olamula, ikuru ni ovuwa wa omwene wootheene wa vathi onimwinnyereriwa mmatatani mwa ootteela, muloko wa Muluku a Musulusulu. Omwenaawe onookhala woohimala ni anamalamula ootheene anoomulapa emwiiwelelaka.’

Amosi 9:11

“Nihuku nno kinooreherera eheema ya Davide emonre. Kinooreherera yeeyo mipattasaya soonanara, ni kinoorasela milepesaya. Miyo kinimweemexa ntoko yaaraaya khalayi,

Mikeyasi 4:7

Ooheetta kinimwaakhaliha ephuwela, ni oowoomoliwa, muloko woolipa. Yave onimwaalamulasa vamwaako Siyoni okhuma nihuku nno woorowa ohoolo ni wa mahuku ootheene.

Zakariya 9:9

Muhakakalaxe mwaana muthiyana a oSiyoni; mukhuwele mwaana muthiyana a oYerusaleemu! Moone, mwenaanyu ongwaattamelani, oororomeleya ni oowineene, a murima woomaaleleya ni angwenleene buuru, aani mwaaxaana a buuru muthiyana.