Yesaya 15:5 - Emakhuwa Bible

⁵ Murimaaka oniinlela oMowabe; anamatthawaaya antthawela mpaka oZowari ni mpaka wEgelati Xeliya. Awosa anrowa mpatta wa oLuhiti yiinlaka mphironimwaya; mmuseweni mwa oHoronayimi anlalamikela ophwatiwawaya.

Yesaya 15:5 Iomraidhean Croise

Epacerero 13:10

Vano Loti aaweha anoona oreyareyani wa Yordaanu: Yaakhala maahi mancipale ni waakhala ntoko muttimbeni mwa Yave, olikanaka ntoko wExipitu, hiihaawo mpaka elapo ya oZowari. Yeeyo yeereiye Muluku ahinaaye ophwata oSodoma ni oGomora.

Epacerero 14:2

yaarowa owana ni Bera mwene a oSodoma, Birxa mwene a oGomora, Xinabi mwene a wAdema, Xemeberi mwene a oZeboyimi ni mwene a oBela ori Zowari.

Epacerero 19:22

Mutthaweke mwaakuveke, niwoko nkingwera opaka etthu nyuwo muhinaaye opwahawo.” Tivawo esidade ele yiitthaniwaaya Zowari.

2 Samuweli 15:23

Amaki a mittetthe sootheene yaahiinla ekhuwelaka, anakhotto eviraka. Mwene aalapuwa oreyareyani na oKideroni ni atthu ootheene yaarowa ni yoowo mpatta wa onikareni.

2 Samuweli 15:30

Vaheera Davide aapwaherera awelaka mwaako wa sooliveira*, iinlaka mphironimwawe, iikhunenleene mmuru ni ahiwanre ikwakwatta. Atthu ootheene yaari ni yoowo yaahiikhuneelatho mmuru, eniinla ewelaka vamwaako.

Yesaya 16:14

Vaheera vano Yave oneera: “Muyaakhani tthaaru paahi ovuwa wa oMowabe ni amakaaya ancipale ootheene anooramusiwa ni anamahalahalaaya anookhala vakhaani ni oohilipa.”

Yesaya 22:5

Namalamula, Yave a ikuru sootheene oothanla nihuku na munyakunyaku, onyikalasiwa ni woovaxa vaNreyareyani na Moonelo; nihuku na omoroxa ixiri ni okhuwelela ekhavihero nyaako.

Yesaya 59:7

Inaawosaya sintthimakela yoonanara; awosa khaampisa oyeeha ephome yoohinthowa. Soowuupuwelasaya ti soonanara; ophwata ni ohonona ti ineneero sa iphirosaya.

Yeremiya 13:17

Mene nyuwo mwaahiiwa, kinimwiinla muxiirini niwoko na wiixoonawanyu. Kinimwiinlaxa ni maithwaaka anoosareya maithori, niwoko muhuwo wa Yave onooronghiwa wootthukiwani.

Yeremiya 17:16

Miyo nkinkhootta okhala mukukhulaanyu. Munsuwela weera miyo nkaahaawenle nihuku na ohiweherera. Yeeyo kinuulumaaka yoosuwanyeya wa Nyuwo.

Yeremiya 4:19

Ii! Othananawaka, othananawaka! Kinnathukumela ni ovoreya! Ii! Exiri ya murimaaka! Murimaaka onnakitthimaka ni nkingwera omaala. Niwoko kohiiwa oruma wa nipalapatta; kohiiwa okhuweliwa wa ekhotto.

Yeremiya 4:20

Erisa enttharelana erisa; elapo yootheene yooheleya nthala. Wootutuxereya iheemasaka soophwatiwa vamohamoharu moowiipithamwaka.

Yeremiya 48:3

Mwiiwe okhuwela wa oHoronayimi: ‘Onanarihiwa! Ophwataxiwa!’

Yeremiya 48:5

Awosa ankuxera ephiro ya oLuhiti, yiinlaxaka erowoka; mmuseweni onkela oHoronayimi, oniiwanyeya okhuweliwa wa othanana mwaha wa ophwatiwa.

Yeremiya 50:46

Elapo enootetereya woowiiwa oruma wa okuxiwa wa elapo ya oBabiloniya; okhuwelawaya onimwiiwanyeya eriyari ya miloko.

Yeremiya 9:10

Kinimwiinla, kinimwiikhupanyera ni kinoolalamikela nyaako niwoko na moocihamo weenre othaamiwamo ni khaawowo amviramo. Khooniiwanyeya onyakula wa mihuwo; ipalame sa wiirimu sootthawa ni axinama aalakaseya.

Nuumeru 21:29

Ii! Wa nyuwosa, amaki a oMowabe! Nyuwo moophwatiwa, Ii! Muloko wa Kemoxi! Owo oowinnyerera anamwanaawe asilopwana ntoko anamatthawa, anamwanaawe asithiyana ntoko anamatthukiwa ni Sihoni, mwene a awAmori.