Yesaya 15:3 - Emakhuwa Bible

³ Mmiseweni awosa aneetta ewanreene isaakho; mmapathoni ni mmapuwani a mwaatthuni ootheene anlalamika, yuupuruwaka, yiinlaka.

Yesaya 15:3 Iomraidhean Croise

2 Samuweli 3:31

Vano Davide aamweerela Yowabi ni ootheene yaari ni yoowo: “Mwaahule soowarasanyu, ngware sa wiinanela ni munghoolele Abeneri munlalamikelaka!” Mwene Davide muneenaawe aatthara edyaneesa ya muttembo.

2 Mamwene 6:30

Mwene iiwakaru masu a muthiyana, aahaahula ikuwosawe. Eenre akhala vaxirini, atthu yaahoona weera owo aawara esaakho.

Yesaya 15:2

oDiboni onrowa mpaani mwa mulukwaaya, wa mmattumuxanimwaya ootteeliheriwa miluku sikina weera wiinle; oMowabe onlalamikela oNebo ni oMedeba; nyuru sootheene soomeetthiwa ni irerusene.

Yesaya 22:1

Masu mwaha wa Nreyareya na Eyoonihero: Enookacamihani eheeni ophiyera mungwelaanyu mmapathoni,

Yesaya 22:4

Tivawo keenraaka: “Mususe wa miyo, mukihiye kiixiinlele. Muheerere okipepesa niwoko na ophwatiwa wa mulokwaaka.”

Yesaya 3:24

Ohiya wunkhela onuukhale wunkha; omuhiya laamba onuukhale, mukhoyi; ohiya otthaveliwa mayihi oophwaneliwa, onuukhale mputu; ohiya ikuwo soowaaraxa, nsikhale isaakho; ohiya ophwaneliwa, eniikhale mapharima oowoopiha.

Yeremiya 19:13

Impa sa oYerusaleemu ni sa mamwene a oYuda sinooveihiwa ntoko nipuro nna na oTofeti – impa sootheene mwa seiyo itaratosaya yaahisenraaya erubani* ithenyeeri sa wiirimu ni yaayeehenraaya soowura miluku sikina.’ ”

Yeremiya 48:37

Khula muru woometthiwa ni irerusene; matata ootheene ari makhwattaru ni eyuunu yootheene yookutteleliwa ni ikuwo soolalamikano.

Icipo Soolalamika 2:10

Ahooleli a esidade ya oSiyoni ankilaathi vathi emaalelo. Aniihela ntthupi mmuru ni angwarela soolalamikano. Asimwali a oYerusaleemu anuuramihela muru vathi oowuulihiheyeene muru.

Ezekiyeli 7:18

Awosa eniyiikhuneele ikuwo soolalamikano ni eniiwarele ikuwo sootteengula. Ikhovesaya sinimuulihiheyaxa muru, ni mayihaaya eniimetthiwe.

Amosi 8:10

Ifestasanyu kinootatuxa wiinanela ni iciposanyu sootheene olalamika. Kinoopakiha weera ootheene nyuwo ngware soowiinanelano ni mmetthe. Kinoopakiha weera nihuku nno nikhale ntoko na omwiinlela mwaana mmoharu, ni ommaleloniwaya ntoko nihuku na othananaxa.

Matheyo 11:21

“Ii! Onoohaawa weyo, Khorazini! Ii! Onoohaawa weyo, Bethesayida, niwoko sootikhiniha Miyo kaapankaaka mwa weyo kaapanke oTiro ni oSidoni, atthu a oTiro ni oSidoni khalayi saano erukunxaleene murima, ewanreene ikuwo sa esaakho ni ekilaantheene vattuurani.

Deuteronomiyo 22:8

Mwaatekaka empa enyowani, mutekelele mukhwipi wa nipatho weera muhiruuhele nthowa vaatewanyu wooyeeheya ephome akhala mukina anaamore vanipathoni.

Yakobe 5:1

Vano, mwiiwe, nyuwo anamapuha. Mwiinle ni mulalamike niwoko na soohaawasanyu sinookhuruwelani.

1 Samuweli 5:12

Yaale yahaakhwiiye yaahaawa ni anantthweenye ni wiikhupanyera wa esidade waahiiwanyeya wiirimu.