Yesaya 13:8 - Emakhuwa Bible

⁸ Onimwaavara woova; ovoreya ni othanana onimwaalamula. Awosa anoovoreyeya ntoko muthiyana ayaraka. Anoowehana ootuthuwaxeene, ikhovesaya sivihereiyeene.

Yesaya 13:8 Iomraidhean Croise

2 Mamwene 19:26

Amakaaya, ekhulumungweene, yaapororaxa ni wuulihiwa muru. Ari ntoko soomela sa ntuphini ni ntoko munyepu; ntoko malaxi ammela vampani enuuma ehikhomaanle.

Icipo 48:7

Nyuwo mwaaphwata ntoko makula matokotoko a oTarsisi oophwatiwa ni epheyo ya ninkhuma nsuwa.

Yesaya 26:17

Ii!, Muluku, hiyo naakhala vamaithoniwanyu ntoko muthiyana oorupala ahanleene vakhaani oyara, anyokosowaka, akhuwelaka mwaha wa ovoreya wa mooyarani.

Yeremiya 13:21

Mmuhimeni mwaalamuliwaka ni yaawo mwaawiiraananaanyu? Munimoona ovoreya ntoko muthiyana ayaraka.

Yeremiya 30:6

Mukohe ni moone: Mulopwana onoowera oyara ntoko muthiyana? Heeni kingwoonaaka asilopwana ootheene evarenleene vamirimani ntoko muthiyana ayaraka? Owuumenleni owanoni?

Yeremiya 4:31

Kiniiwa okhuweliwa ntoko wa muthiyana ahaleelaka oyara, ntoko muthiyana ahaleelaka oyara muxutto – okhuwela wa mwaana muthiyana a oSiyoni iilipiheraka omumula ni atheteyaka matata, eeraka: “Ii! Wa miyo, kihanle vakhaani okomoka; okumaaka ori mmatatani mwa anamwiiva!”

Yeremiya 46:5

Vaheera kingwoona etteengungweene, eneera yiihululaka; anakhottwaaya aawiniwa. Antthawa yaakuveyaka, ehiwehaka ottuli; wookhala woopiha mipatta sootheene,” onghima Yave.

Yeremiya 48:41

oKeriyoti onoovariwa, ni isidadesaya soolipihiwa sinookuxiwa. Nihuku nno ominya murima wa anakhotto a oMowabe onuukhale ntoko wa muthiyana ayaraka.

Yeremiya 49:22

Moone! Xaaka awelaka onkhuruwa, akungenleene mapupha oBozera. Nihuku nno ominya murima wa anakhotto a wEdomi onuukhale ntoko muthiyana ayaraka.

Yeremiya 49:24

oDamasku woothatuwa woophweeya, woorukunuwa weera otthawe, orukureereya muru woovara; othanana ni ovoreyawaya woovara, ovoreya ntoko muthiyana ayaraka.

Yeremiya 50:43

Mwene a oBabiloniya iiwakaru suulummwaka sa yaawo, matataawe yaatteenguwa. Othanana waamvara, ovoreya ntoko muthiyana ayaraka.

Yeremiya 51:30

Anakhotto a oBabiloniya aahiyerera owana; ampwaherera okhala moolipamwaya. Sohaamalela ikurusaya; aathatuwa ntoko asithiyana. Moomakamwaya moohisiwa; anampattika a maselaaya akarasuliwa.

Ezekiyeli 20:47

Mweerele othako wa oNegeba: ‘Mwiiwe masu aYave. Vano Yave onlamula sootheene oneera ha: Kihanle vakhaani woohisani. Hiiho, kinoolaliha nyirisanyu sootheene, okhuma ikithi mpaka soowuuma. Ovarela wa malumi a mooro khoocipihiwa, ni ikhove sootheene, okhuma oNegeba mpaka mpatta wa ottuttuwani onuurusuliwe ni malumi awo.

Hoxeya 13:13

Onimphwanya ovoreya ntoko wa muthiyana ayaraka, vaheera owo ti mwaana oohimiruku; yaaphiyeraka ehuhu, khankhuma mmirimani orupaliwaawe.

Yoweli 2:6

Soonaka seiyo, miloko sinoothukumela ni ekhove yoomoreene soovaka.

Nahumi 2:10

Ii! Esidade yoovalavela! Otoloxiwa, ohuhuliwa! Murima onnavava; makutha annitteenguwa; erutthu yootheene ennithukumela ni ikhove sootheene sinnaamora.

Yohaane 16:21

Muthiyana aayaraka, onimoona ovoreiya niwoko ehuhuwaawe yoophiya, mene mwanawe ayariwa, owo onoottiwala ohaawa niwoko na ohakalala wa oyariwa mwaana mweelaponi ya vathi.

1 aTesalonika 5:3

Akina yeera: “Murettele ni weetta nnene,” vano woowaakuveya ophwatiwa ngwaakhuruwele, ntoko onrweela woowaakuveya ovoreiya wa oyara wa muthiyana, ni awo hata vakhaani khaanrowa woopowa.