Yesaya 13:6 - Emakhuwa Bible

⁶ Mulalamike, niwoko nihuku na Yave nookhuveela; nnimoowa ntoko ophwata wa mpatta wa Namaweraxa.

Yesaya 13:6 Iomraidhean Croise

Yobi 31:23

Vano miyo koova ophwatiwa ni Muluku, ni koovaka waarawawe, nkaawera opaka itthu iyo.

Yesaya 10:25

Woonyoonyeriwaniwaka onoomala woowaakuveya, ni isarasaka sinoohokolowa weera saaphwate.”

Yesaya 10:3

Mmwipakeni nyuwosa munihukuni na nthorihelo, erisa yaarweelaka ottai? Wa taani muneeraanyu mutthimakele weera ookhavihereni? Mmwahiye woowi mihakhusanyu?

Yesaya 13:9

Moone, nihuku na Yave nnimoowa; nihuku noonanara noosareya isara ni onyoonyiwa vancipale. Munihukuni nno elapo enooheleya nthala ni anamattheka anoophwateya.

Yesaya 14:23

“Kinootatuxa oBabiloniya nipuro na isisi ni elapo ya mattapo; kinookwesa ni mvelo wa ophwata,” onghima Yave a ikuru sootheene.

Yesaya 14:31

Ii, mulako! Mulalamike! Ii, esidade! Mukhuwele! aFilisti ootheene nyuwosa, mutothowase. Anakhotto angweela mpatta wa ottuttuwani ni khawoworu a yaawo onghapuwa mmiseranimwawe.

Yesaya 2:12

Yave a ikuru sootheene oothanla nihukunawe wa anamwiixoona ni anamwiikuxa ootheene – aani ootheene oovuwihiwa – ni awosa anooyevihiwa.

Yesaya 23:1

Masu mwaha wa oTiro ti ala: Ii!, makula matokotoko a oTaresisi, mwiinle! Niwoko oTiro woophwatiwa kheehanleru empa naari muxelo. Mutthenga ola orweenle oKipro:

Yesaya 34:2

Yave oonyoonyeriwa miloko sootheene; isarasawe siri vasulu wa anakhottwaaya ootheene. Owo onimwaaphwata moota woomalela; Owo onimwinnyerera mookhwaani.

Yesaya 34:8

Vano Yave ookhalano nihukunawe na nthorihelo, eyaakha ya ikuhu weera aakihe mulattu wa oSiyoni.

Yesaya 47:11

Erisa enimoophwanyani muneeraanyu mooceele osemba. Nttaruxo nnimoophwanyani mwa nenno muneeraanyu muhiwere wiixaakiha ni yoowiixoopolano. Mahooxo animoophwanyani wootutuxereya mwahuupuwelelaanyu.

Yesaya 52:5

Yave onghima: “Ni vano, kirinoni va? Mulokwaaka orimwaasa okuxiwa ni yaawo anlamula anootthebwa,” onghima Yave. “Ni ehuhu yootheene Nsinanaka noolaphiwa.

Yesaya 61:2

Ookirumiha weera kilaleiye eyaakha ya murima wooreera wa Yave ni nihuku na ikuhu sa Mulukwaahu, weera kaapepese ootheene anlalamika ni

Yesaya 63:4

Vano nihuku na ikuhu naari mmurimwanimwaka ni eyaakha ya woopola yoophiya.

Yesaya 65:14

Arumeiyaaka animwiipa ni murima woohakalalaxa, mene nyuwosa munookhuwela ni murima woothananaxa mwiinlaka ni munepa wooriipiwa.

Yeremiya 25:34

Akukhuli, mvenye ni mukhuwele! Mphirikeye vantthupini, asitokweene a muhuwo! Niwoko nohoophiyerani nihuku na wiiviwawanyu ni na omwaraxiwawanyu; nyuwosa munoomora ni munoottikitthasiwa ntoko mapoottoro makhaanene.

Yeremiya 49:3

“Ii! Hexiboni, wiikhupanyere, niwoko wAi woophwatiwawo! Ii! Amaki a oRaba! Mukhuwele! Ngware soolalamikano ni mwiinle! Mwaase otthimaka, niwoko Moloki onoorowa wootthukiwani vamoha ni asaserdotaawe ni asitokweenaawe.

Yeremiya 51:8

Wootutuxereya oBabiloniya woomora, onaheleya nthala. Mulalamikele yeeyo! Mwaasere ebalsamu* nikhwattanaya; apaale nnoovola.

Ezekiyeli 13:5

Nyuwosa khamurongwe ottiya mitari sa exiri wa muloko wa oYixrayeli weera eyo epwaherere yoolipeene mukhottoni vanihukuni na Yave.

Ezekiyeli 21:12

Mwaana a mutthu, mukhuwele ni mwiikhupanyere, niwoko ekatana eyo yohiittanano mulokwaaka; yoowiittanano asitokweene ootheene a oYixrayeli. Awosa ni mulokwaaka amvonyeriwa vakatanani. Vano mmane ekakasa.

Daniyeli 5:26

Vano etaphulelo ya masu ala ti ela: MENE: Muluku ohaalikela mahuku a olamulawanyu, anahela ommaleloniwaya.

Daniyeli 5:9

Hiiho mwene Beltexazari aahoopopiheyaxatho ni ekhovaawe yaamoraxa. Vanonto maneethaawe yaatikhinihiwa.

Yoweli 1:11

Mutteenguwe nyuwosa anamalima; mwiinleke nyuwosa murino imatta sa iwuuva*. Mulalamikele etrigu ni esevada*, niwoko soohepha soophwatiwa.

Yoweli 1:13

Ngware isaakho, nyuwosa asaserdoti* ni mulalamike nyuwosa munrumeela ohoolo wa altaari*. Murwe, mvirihe ohiyu ngwanreene isaakho, nyuwosa munrumeela vamaithoni wa Mulukwaaka, niwoko sooveleela sa etrigu ni soowura soorakamelihiwa Mpaani mwa Mulukwaanyu.

Yoweli 1:15

Ii! Nihuku nno! Vano nihuku na Yave nookhuveela ni nnimoowa ntoko ophwata wooweraxa wa Muluku a ikuru sootheene.

Yoweli 1:5

Mvenye nyuwosa anamuhapaliwa ni mwiinleke! Mulalamike nyuwosa anamawura a eviinyu ootheene! Mulalamike niwoko na eviinyu enyowani yeenre evenxiwa owanoniwanyu.

Yoweli 2:1

Mwiipe nipalapatta oSiyoni! Aani, mukhuwele vamwaakwaaka Wootteela! Muthukumele amaki ootheene a mulaponi, niwoko nihuku na Yave nneera niphiyaka. Nookhuveela

Yoweli 2:11

Yave onnakhuwela ohoolo wa anakhottwaawe. Awo ari oohaalikeleya ni yaawo aniiwelela nlamulonawe ari ooweraxa. Nihuku na Yave ti ntokotoko ni noowoopihaxa. Khaawo anaawere ovilela.

Yoweli 2:31

Nsuwa nnithatuwe epiphi ni mweeri onuuthatuwe ephome nihinaaye ophiya nihuku ntokweene ni noowoopihaxa na Yave.

Amosi 5:18

Ii! Nyuwosa munghaawela nihuku na Yave! Munghaawelela heeni nyuwosa nihuku na Yave? Nno nnikhale nihuku na epiphi, ohikhanle waara.

Zefaniya 1:14

Nihuku ntokweene na Yave, nookhuveela; nookhuveela, ningwa woowaakuveya. Mwiiwe! Nihuku na Yave nnoowaawa ni okhuwelaxa woowaawa wa anakhotto.

Zefaniya 1:7

Mmaale ohoolo wa Yave onlamula sootheene, niwoko nihuku na Yave nookhuveela. Yave ooreherera yooveleela; ohaatteeliha yaawo aalattunlaawe.

Zakariya 14:1

Moone, nihuku na Yave nnimoowa mwa nenno soohuhulasanyu sinookawaniwa variyariwanyu.

Malekiya 4:5

Moone, Miyo kinimoorumihelasani mprofeeti Eliya nihinaaye ophiyera nihuku ntokweene ni noowoopiha na Yave.

Yakobe 5:1

Vano, mwiiwe, nyuwo anamapuha. Mwiinle ni mulalamike niwoko na soohaawasanyu sinookhuruwelani.

Ethupululo 18:10

Oowoopopihiwa niwoko na ottaruxiwawawe, eniikhale ottaiwene ni eniikhuwele yeeraka: “Ii! Ii! Enoohaawa, esidade etokweene, Babiloniya, esidade yoowera! Wa ewoora emoharu woophiya othorihiwawawo!