Yesaya 11:9 - Emakhuwa Bible

⁹ Khaawo anaapakeru yoonanara hata anaphwate yakhalaru etthu vamwaakoniwaka wootteela, niwoko elapo eniisareye ni omusuwela Yave ntoko maahi ankhuneela ephareiya.

Yesaya 11:9 Iomraidhean Croise

Yobi 5:23

Vano munimwiiraanano maluku a ntuphini, ni axinama a ntuphini anookhalano murettele ni nyuwo.

Icipo 72:19

Nsinanawe noovuwa nittottopeliweke wa mahuku ootheene; elapo yootheene esareyeke ni ovuwawawe. Ame* ni Ame*.

Icipo 78:54

Hiiho aarongha mulokwaawe omwiinanoni wa elapwaawe yootteela; mweelaponi ya nyaako ntatanawe noolopwana naakuxalaaya.

Yesaya 11:13

Ehace ya Efrayimi enkoongora ni amwiittana a oYuda anoomalamalihiwa. wEfrayimi khookhalela ehace oYuda, hata oYuda khawiitta wEfrayimi.

Yesaya 11:8

Mwaana mukhaani onootheela vakhiviru wa mwiithe wa enowa; owo onoovolongha ntatanawe mpuuruni mwa evili.

Yesaya 2:4

Owo onoothoriha eriyari ya miloko ni onimuuluma minyakunyaku sa miloko sincipale. Awosa anootatuxa ikatanasaya ixaruwa ni mavakaaya icikwaakhwa. Muloko mmoha khookuxaru ikapwitthi soowanelano muloko mukina hata khasiirehererelatho owana.

Yesaya 30:26

Mweeri onimwaara ntoko nsuwa ni nsuwa nnimoopaxa woopwexerereya mahuku mathannameeli, Yave aarehereraka soovulalihiwa sa mulokwaawe ni aalamihaka makhwatta Owo aatannyenraawe.

Yesaya 32:16

Ekhaikhai enoomaka munikareni ni ororomeleya mmatta mooruwereya.

Yesaya 33:6

Owo onookhala mathipelo oolipeene wa ehuhuwaanyu, mihakhu sitokotoko sa ovuluxiwa, miruku ni osuwela; omoova Yave ti exaavi ya mirukusene seiyo.

Yesaya 35:9

Khakhalawo mwatto naari mwaamunama ooluwa. Khawoworu anaaphwanyaneyemo. Oovuluxiwa paahi eneera yeettemo,

Yesaya 45:6

weera okhuma ninkhuma nsuwa mpaka ninkelaayawo ootheene esuwele weera khawoworu kihikhanle Miyo. Miyo ti Yave ni khawowo mukina.

Yesaya 49:6

Yave oneera: “Wa nyuwo khoonkwana okhala murumeiyaaka paahi weera mureherere ipuumba sa Yakobe ni mwaahokoloxe yaale a aYixrayeli kaathokoronraaka. Kinimootatuxanitho waara wa amalapo weera ovuluxawaka okwanele ekotenle elapo.”

Yesaya 52:10

Yave onimoonihera moonowaawe wootteela vamaithoni wa miloko sootheene ni ekotenle elapo yootheene enimoona ovuluxa wa Mulukwaahu.

Yesaya 54:5

Vano Mpattuxaanyu ori iyinyu – Yave a ikuru sootheene ti Nsinanawe – Ootteela a oYixrayeli ti Mvuluxaanyu. Owo oniitthaniwa Muluku a elapo ya vathi yootheene.

Yesaya 56:7

vano yaawo kinimwaaruuha vamwaakoniwaka wootteela ni kinimwaavaha ohakalala Mpaanimwaka wa mavekelo. Sooveleelasaya soohisa ni sikina sinimwaakhuleliwa valtaariniwaka; vanonto Empaaka eniitthaniwa Empa ya mavekelo wa miloko sootheene.”

Yesaya 59:19

Okhuma ninkela nsuwa atthu animoova Nsina na Yave ni okhuma ninkhuma nsuwa onoottittimiha ovuwawawe. Vano Owo onimoowa ntoko mirupi soowoopihaxa seettihiwaka ni iphumu sa Yave.

Yesaya 65:25

Mwiici ni eputtiputthi enimooca vamoha, ni mwatto onimooca malaxi ntoko emombe elopwana, vaheera ntthupi nnikhale yooca ya enowa. Iyo khasinanariha hata ophwata vamwaakowaaka wootteela wootheene,” onghima Yave.

Yesaya 66:18

“Niwoko na mitekosaya ni soovaanyasaya kinimoorwa othukumanyiha miloko ni ipuumba sootheene sa elapo ya vathi ni seiyo sinimoowa, sooneke ovuwawaka.

Yesaya 66:20

Ni awosa animwaaruuhatho axunninyu ootheene okhuma miloko sootheene mpaka wa mwaakowaaka wootteela, oYerusaleemu, ntoko yooveleela wa Yave. Awosa animoowa ni ikavalu*, ikaaro sa ikavalu* ni ikaaro sikina, ni abuuru ni ikamelu*,” onghima Yave. “Awosa anooruuhiwa ntoko aYixrayeli anruuhaaya sooveleelasaya sa etrigu wa Empa ya Yave ni ikaruma sootteeliheriwa.

Yeremiya 31:23

Yave a ikuru sootheene, Muluku a oYixrayeli oneera ha: “Miyo kaahokoloxaka wootthukiwani, muloko wa oYuda ni mittetthesaya onimweeratho: ‘Ii! Wookhala woororomeleya, ii! Mwaako wootteela – Yave ooreeliheni.’

Yeremiya 31:34

Khakhalaru mukina anaamuxuttihe mwaattamanaawe hata munneiye, eeraka: ‘Munsuwele Yave,’ niwoko ootheenaawo anookisuwela, okhuma mukhaani mpaka mutokweene,” onghima Yave. “Niwoko Miyo kinimwaalevelela soonanara ni nkuupuwelelatho sootthekasaya.”

Ezekiyeli 34:25

Kinookhaliha wiiraana wa murettele ni seiyo, kihiyeke elapo etapuxeiyeene ni axinama a mutuphini weera ikhondoolosaka siwere okhala soolipeene munikareni ni sikone moothakoni.

Ezekiyeli 47:5

Aaringatho imeetru* macira mathanu ni imeetru* miloko miraru, mene emaara ela waari mooloko kahaaweraaka olapuwa, niwoko maahi yaahaandyeerereya oniixaxa owereyaka paahi olapuwa oyavelaka. Waari mooloko wahaawereya olapuwa weettaka.

Daniyeli 11:45

Owo onookunga iheemasawe sa emwene eriyari ya iphareiya vathi wa mwaako wootteela wooreeraxa. Vaheera ommaleloniwawe onoomphiyera ni khaawo anaamukhavihere.”

Daniyeli 12:4

Mene nyuwo, Daniyeli, ngwale ni mutthuke masu a elivuru mpaka ommaleloni wa ehuhu. Ancipale anooviravira moothemwene yaasaka miruku.”

Hoxeya 2:18

Vanihukuni nno, kiweerelakani nyuwo, kinoowiiraanano axinama a ntuphini, ipalame sa wiirimu, mpakatho axinama aniipurula. Kinoovenxa mulaponi muura, ekatana ni ekhotto, weera ootheene ewere okhala oolipeene.

Yoweli 3:17

“Vano nihuku nno mmwisuwele weera Miyo, Yave Mulukwaanyu, kinkhala oSiyoni, mwaakowaaka wootteela. OYerusaleemu onuutteele ni anamarwa kheewinatho.

Habakuki 2:14

Vaheera elapo ya vathi eniisareye ni osuwela ovuwa wa Yave, ntoko maahi ansareyaaya mphareiya.

Zakariya 14:9

Yave onookhala Mwene a elapo ya vathi yootheene. Vanihukuni nenenenno onookhala Yave mmoha ni Nsinanawe nimoharu paahi.

Zakariya 8:3

Yave oneera ha: ‘Kinghokoleela oSiyoni, kakhaleke oYerusaleemu. Vano oYerusaleemu onimwiitthaniwa esidade ya ekhaikhai ni mwaako wa Yave a ikuru sootheene onimwiitthaniwa mwaako wootteela.’

1 aTesalonika 5:15

Mwiipasoope weera ahikhale mukina aneera amuhokoloxere isikula mukhwaawe, mene mahuku ootheene mukhale ooreera murima mukina ni mukhwaawe ni wa ootheene.

Ethupululo 21:27

Mwa yeeyo kheerwa evolowa etthu yoohitteela, hata mukina ompaka etthu yoowuuliha muru, naari yoolokottha, mene paahi yaawo masinaaya alempwale mulivuruni ya okumi ya Eputtiputthi.