Yesaya 11:13 - Emakhuwa Bible

¹³ Ehace ya Efrayimi enkoongora ni amwiittana a oYuda anoomalamalihiwa. wEfrayimi khookhalela ehace oYuda, hata oYuda khawiitta wEfrayimi.

Yesaya 11:13 Iomraidhean Croise

Yesaya 9:21

Manaxe onoomukhuura Efrayimi ni Efrayimi Manaxe. Eeli ale anoongwanano Yuda. Sirookhalaru sootheene iyo, isara sa Muluku khasihapungwe ni ntatanawe nri etheteeliwo.

Yeremiya 3:18

Mmahukuni awo ikhapira sa Yakobe sinoothukumanano seiyo sa aYixrayeli ni vamoha sinoohokolowa elapo ya ottuttuwani, sirowaka wa elapo kaavanghaaka makholowaanyu ntoko yoohiyeriwa.

Yeremiya 33:24

“Nyuwo mohoona weera atthu ala aneera weera Yave ookhootta imwene piili aathanlalaawe! Tivawo ahinoonelaaya mulokwaaka ni ahimpwatthelaaya ntoko muloko.

Yeremiya 50:4

Mmahukuni awo ni mweehuhuni eyo,” onghima Yave, “muloko wa oYixrayeli ni wa oYuda onimoorwa vamoha, wiinlaka ni omwaasaka Yave Mulukwaaya.

Ezekiyeli 28:25

“ ‘Yave onlamula sootheene oneera ha: Kaathukumanyihaka aYixrayeli eriyari ya miloko mwa seiyo amwaraxeliwaaya, Miyo kinimwiixoonihera Ootteela eriyaraaya vamaithoni wa miloko. Hiiho awosa anookhalasa mulaponimwaya xaxaxa, mwa yeeyo kaamvanghaaka murumeiyaaka Yakobe.

Hoxeya 1:11

Muloko wa oYuda ni wa oYixrayeli onoothukumanyihiwa, ni awosa anoomukhaliha muhooleli mmoha ni sinooweettela nnene mulaponi, niwoko nihuku nno, nnookhala ntokotoko oYizereyeli.