Yesaya 11:10 - Emakhuwa Bible

¹⁰ Vanihukuni nenenenno Mukwankhwaari wa Yixai onuukhale ntoko eneneero wa miloko; iyo sinoomwaattamela ni nipuronawe noowiitthuuwa nnikhale noovuwa.

Yesaya 11:10 Iomraidhean Croise

Epacerero 49:10

Ekopo kheerwa ekuxiwa wa Yuda, aani ekopo yoolamula eniikhale eriyari ya nyettosawe mpaka aneeraawe arwe yoowo ori muneene a ekopweene yeeyo. Ni miloko nsimwiiwelele yoowo.

1 Nyaha 2:12

Bowazi aamuyanre Obedi, ni Obedi aamuyanre Yixai.

Icipo 116:7

Ii! Okumaaka, mwiitthuuwe, niwoko Yave oowooniherani murimaawe wooreera.

Icipo 145:11

Awosa anoolaleiya sa ovuwa wa omwenaanyu, yuulumaka sa ikurusanyu

Icipo 149:5

Oororomeleyaawe ehakalalele moovuwanimu ni yiipeke ni ohakalala vabeettiniwaya.

Icipo 91:1

Yoole onkhala vanipuroni noolipa na a Musulusulu onniitthuuwa mmunttuusini mwa Muluku a ikuru sootheene.

Icipo 91:4

Owo onimookhuneelani ni mapururuwaawe; munoophwanya nipuro nootthawelamo vathi wa mapuphaawe. Ororomeleyawawe onookhala exikudu* yoowiixaakiheraanyu.

Yesaya 11:1

Niphuwa nnoophuwa munikottoni mwa Yixai; mukwankhwaarinimwawe enoophuwa ephandi enyowani.

Yesaya 11:12

Owo onimweemexa eneneero wa miloko ni onaathukumanyiha anamatthukiwa a oYixrayeli; onoothukumanyiha muloko woomwaramwaxeya wa oYuda wa ilapo sootheene.

Yesaya 14:3

Vanihukuni Yave aneeraawe oovaheeni, wiitthuuwa wa ohaawa, makacamiho ni otthukiwa wa oxilili,

Yesaya 2:11

Maitho a oowiixoona anooyevihiwa ni wiikuxa wa atthu onooveiheya. Yave paahi ti anaavuwihiwe nihuku nenenenno.

Yesaya 2:2

Mmahukuni ookisera mwaako wa Empa ya Yave onimunnuwihiwa; onookhalihiwa mutokweene a mattumuxa ni miloko sootheene sinoorowa wa yoowo.

Yesaya 2:3

Miloko sincipale sinimoowa seereke: “Nrowe, nawele mwaako wa Yave, wa Empa ya Muluku a Yakobe weera Owo anixuttihe iphirosawe ni hiiho nnimweetta mootthunanimwawe.” Vano Nlamulo nnookhuma oSiyoni ni masu a Yave oYerusaleemu.

Yesaya 28:12

Owo aaheera: “Nna nipuro noowiitthuuwa – munghiye ookhulumuwa iitthuuweke”; ni “nna nipuro noomumulela,” vaheera awosa khayaatthunne wiiwa.

Yesaya 42:4

Owo khoonihera okhulumuwa naari khaporora mpaka aneeraawe akhalihe ekhaikhai mweelaponi. Icirumba sinoororomela munlamulonimwawe.”

Yesaya 49:22

Vano Yave onlamula sootheene oneera ha: “Moone, kingwuuvela ntata amalapo; kinimweemexera eneneerowaaka miloko; iyo simmooruuhelani anamwaniinyu asilopwana siwaakandeene ni anamwaniinyu asithiyana veetthuuri.

Yesaya 59:19

Okhuma ninkela nsuwa atthu animoova Nsina na Yave ni okhuma ninkhuma nsuwa onoottittimiha ovuwawawe. Vano Owo onimoowa ntoko mirupi soowoopihaxa seettihiwaka ni iphumu sa Yave.

Yesaya 60:3

Miloko sinimoowa ngwaaraniwanyu ni mamwene ngwaarani wa oxeexelowaanyu.

Yesaya 60:5

Vano munimoona ni munoosareya waara; murimaanyu onookhalano ikuru ni onoosareya ohakalala; mihakhu sa ephareiya munooruuheliwa ni wa nyuwo mihakhu sa miloko sinimoorweelani.

Yesaya 62:10

Mvire, mvire vamulako! Murehererele muloko ephiro. Muhule, muhule musewe mutokotoko! Mvenxe maluku. Mweemexere eneneero wa miloko.

Yesaya 66:19

Miyo kinookhaliha eneneero variyariwaya ni kinimwaarumihela akina akina ahalahanle wa miloko – wa oTaresisi, wa aLibiya, wa aLidiya (oosuwanyeyaxa ntoko alipa oolatha nyuupa), wa oTubali, wa oGresiya, ni wa icirumba sa ottaiwene, mwa seiyo sihiiwale sa epilaaka hata sihoonne ovuwawaka. Awosa anoolaleiya ovuwawaka variyari wa miloko.

Yeremiya 6:16

Yave oneera ha: “Mweemele vamathakalaano ni moone; mwaasaasere iphiro sa khalayi, mukohe eri woowi ephiro yooreera ni mukuxere, ni vano munoophwanya wiitthuuwa wa okumaanyu. Vaheera mweenre: ‘Hiyo khaninkuxera yeeyo.’

Axewu 2:9

‘Ovuwa wa Empa enyowani ya Muluku ela, onimunnuwaxa opwaha wa khalayi,’ oneera Yave a ikuru sootheene. ‘Ni kinookhaliha murettele nipuro nna,’ onghima Yave a ikuru sootheene.”

Zakariya 6:13

Ti yoowo aneera ateke Empa ya Yave ni owo onoowarihiwa ni ovuwa, alamulaka akilaathiyeene vahiceniwawe ya emwene. Ni owo onookhala musaserdoti* vahiceniwawe. Vano onookhala murettele variyari wa esaserdotaawe ni emwenaawe.’

Nuumeru 10:33

Vano awosa yaattimula vamwaako wa Yave, eneetta mahuku mararu. Arka* a wiiraana a Yave yaari ohoolowaya mmahukuni mararu ale weera ephwanye nipuro noowiitthuuwa.

Matheyo 12:21

Miloko sinoomuroromela Yoowo.”

Matheyo 8:11

Miyo kinooleelani weera animoowa atthu ancipale ninkhuma nsuwa ni ninkela nsuwa, ni anookilaathi vameesa vamoha ni Abrahaamu, Isaaki ni Yakobe moomweneni wa wiirimu.

Luuka 2:32

waara weera waamwaleele amalapo ni wa ovuwa wa atthwaanyu aYixrayeli.”

Yohaane 12:32

Miyo, kaattukhuliwaka vatthayani, nkaapurulele ootheene wa Miyo.”

Miteko 11:18

Yiiwaka yeeyo, yaahiya omukohakoha, ni yaamvuwiha Muluku yeeraka: “Vano Muluku ohaavaha orukunxa murima wa okumi mpaka amalapo asineenaaya!”

Miteko 28:28

Tivawo kintthunaaka weera musuwele nnenesene weera ovuluxa wu wa Muluku woorumiheliwa wa amalapo; awo eniyiiwe!”

aHeberi 4:1

Moone, yoororomelihiwa ya ovolowa ngwiitthuuwani mwa Muluku emvara muteko mpaka olelo. Tivawo, niipasoope weera hata mmoha a nyuwo ahiyeleele ehuhu ya ovolowa ngwiitthuuwani wu.

1 Pedru 5:10

Vahoolo woohaawa ehuhu vakhaani, Muluku a mahala ootheene, mwa Yoowo owiitthanenleni ovuwawawe woohimala mwa Kristu Yeesu, anookwaneliheni, anookhaliheni, anoolipiheni ni anaaweemexeni.

Ethupululo 22:16

Miyo, Yeesu, koomurumiha ndyelowaaka weera oovaheeni onamoona ola wa ikerexa. Miyo ti Mukwankhwaari ni Ekhapira ya Davide, ni Tthanda oowaaraxa.”

Ethupululo 5:5

Vano mmoha a asitokweene aakeerela: “Muhiinle, moone! Mwatto a epuumba ya Yuda, mukwankhwaari wa Davide, aawina weera ahule elivuru ni ahule iwalelo ithannapiili.”