Yesaya 11:1 - Emakhuwa Bible

¹ Niphuwa nnoophuwa munikottoni mwa Yixai; mukwankhwaarinimwawe enoophuwa ephandi enyowani.

Yesaya 11:1 Iomraidhean Croise

2 Samuweli 23:3

Muluku a aYixrayeli ohuuluma; Mwala a oYixrayeli ookeerela: ‘Yoowo onaalamula atthu moota woororomeleya; yoowo onlamula amoovaka Muluku,

1 Nyaha 2:12

Bowazi aamuyanre Obedi, ni Obedi aamuyanre Yixai.

Icipo 145:11

Awosa anoolaleiya sa ovuwa wa omwenaanyu, yuulumaka sa ikurusanyu

Yesaya 11:10

Vanihukuni nenenenno Mukwankhwaari wa Yixai onuukhale ntoko eneneero wa miloko; iyo sinoomwaattamela ni nipuronawe noowiitthuuwa nnikhale noovuwa.

Yesaya 4:2

Vanihukuni nenenenno ephandi ya Yave eniikhale yooreeraxa ni yoovuwaxa ni soowiima sa elapo nsikhale ovuwa ni nttittimiho na yaawo eniihalahale oYixrayeli.

Yesaya 53:2

Owo unnungwe ohoolowawe ntoko niphuwa nikhaanene ni ntoko mukwankhwaari vatthayani yoowuumelela. Owo khaaphwaneliwaru hata khaattittimiheya weera nimusivele, veekhalelonivawe khayaariworu etthu yoonihaaweliha yoowo.

Yesaya 6:13

Hata mpatta wanaamuloko ohalaka mweelaponi, awotho anoophwatiwa. Vaheera ntoko mwiri wa ekaravalyu* onuuhiwaaya onahala nikottoru, hiiho mmiso wootteela onuukhale nikotto noohala oYixrayeli.”

Yesaya 9:6

Wa hiyo nooyareliwa Mwaana; wa hiyo noovahiwa Mwaana Mulopwana ni olamula ori mmakhatanimwawe. Owo onimwiitthaniwa Namalaka Ooreeraxa, Muluku a ikuruxa, Tiithi Oohimala ni Mutokweene a murettele.

Yesaya 9:7

Olamulawawe ni murettelaawe khoommala. Owo onoolamula vahiceni ya Davide ni wa omwenaawe akhalihaka ni apwahererihaka yoowo ni ororomeleya ni ekhaikhai, okhuma ehuhuweene yeeyo mpaka khalayi. Nthiti na Yave a ikuru sootheene nnooweriha yeeyo.

Yeremiya 23:5

“Anoophiyera mahuku,” onghima Yave, “Miyo kineeraaka kimurehererele Davide Ephuwela ya Ekhaikhai, mwene anaalamule ni miruku ni anaapake yeeyo eri yoororomeleya ni ya ekhaikhai mweelaponi.

Yeremiya 33:15

Mmahukuni awo ni mweehuhuni eyo kinoophuwihatho Ephandi Yoororomeleya ya ekhapira ya Davide; Owo onoopaka yeeyo eri yoororomeleya ni yooreera mulaponi.

Ezekiyeli 17:22

Yave onlamula sootheene oneera ha: Yoomeene kinoovasula ephuwela ya osulu wa wiikhaani wa esidari* kiphatteyeke; kinoovasula ephandi ya iphandisaya soorakamaxa kiphatteyeke vamwaako woorakamaxa ni mutokotoko.

Ezekiyeli 37:25

Eniikhalase mulaponi kimvanghaaka murumeiyaaka Yakobe, elapoweene yeeyo yaakhalaaya makholowaaya. Awosa vamoha ni anamwanaaya, mpakatho osuulwaaya eniikhalewo wa mahuku ootheene, ni murumeiyaaka Davide onookhala mwaana a emwenaaya wa mahuku ootheene.

Mikeyasi 5:2

“Vaheera nyuwo Beteleheemu Efrata, murookhalaru mukhaani eriyari ya mahimo a oYuda, wa nyuwo onimoorwa wa Miyo mmoha aneera akhale mulamuli a oYixrayeli – mwa yoowo epacererowaawe ekhumale khalayixa.”

Zakariya 3:8

Mwiiwe Yoxuwa, mutokweene a asaserdoti*, ni anamakhaviheraanyu akilaathiye ohoolowanyu – nyuwosa ti asilopwana anthoonyera itthu sineera seereiye: Kinoomuruuha murumeiyaaka, Ephuwelo.

Zakariya 6:12

Mwamuleele weera Yave a ikuru sootheene oneera ha: ‘Ori va mulopwana oniitthaniwa Ephuwela ni owo onoophuwa vanipuroniwawe ni onooteka Empa ya Yave.

Matheyo 1:1

Ela elivuru ya ikhapira sa Yeesu Kristu, Mwaana a Davide, mwaana a Abrahaamu:

aRooma 15:12

Vano Yesaya eenretho: “Onuumele wa mukwankhwaarini wa Yixai Yoowo oniweemele weera waalamule amalapo, ni awo eniimuroromele Yoowo.”

aHeberi 7:14

Ntoko esuweliwaaya, Yeesu ori a epuumba ya Yuda, ni Moisesi khanahime etthu ya epuumbeene yeele uulumaawe sa osaserdoti*.

Ethupululo 22:16

Miyo, Yeesu, koomurumiha ndyelowaaka weera oovaheeni onamoona ola wa ikerexa. Miyo ti Mukwankhwaari ni Ekhapira ya Davide, ni Tthanda oowaaraxa.”

Ethupululo 5:5

Vano mmoha a asitokweene aakeerela: “Muhiinle, moone! Mwatto a epuumba ya Yuda, mukwankhwaari wa Davide, aawina weera ahule elivuru ni ahule iwalelo ithannapiili.”

Ruuti 4:17

Asithiyana oowaattamanano yaaheera: “Nawomi ookhalano mwaana mulopwana!” Yaamutteha Obedi. Owo aari tiithi a Yixai, tiithi a Davide.

1 Samuweli 17:58

Sawuli aamukoha: “Weyo mwaana awani?” Davide aamwaakhula: “Miyo mwaana a murumeiyaanyu Yixai a oBeteleheemu.”