Yesaya 10:5 - Emakhuwa Bible

⁵ Ii!, awAsiriya anoohaawa! Awosa ti ekopo ya onyoonyiwawaka ni mmatatanimwaya ori murepettho wa isarasaka.

Yesaya 10:5 Iomraidhean Croise

Epacerero 10:11

Woovenya vaavaale aapwaherera alamulaka oSiriya, ni aateka isidade sa oNinive ni oReyoboti-Iri, oKala.

2 Mamwene 18:25

Ohiya toko yeeyo, kirweenle owanano ni opwatha elapo ela niwoko na olamula wa Yave. Ti Yave mwaneenaawe okeerenle weera kiwanane ni kiphwate nipuro nna.’”

2 Mamwene 19:25

Khamusuwenle? Kaalakela yeeyo khalayi. Okhuma khalayi miyo kaavaanela yeeyo kinkhumelelihaaka vano – weera nyuwo munoohiya isidade soolipihiwaxa sireene milepe.

Icipo 125:3

Ekopo ya atakhali kheepwaherera mweelaponi avahiwaaya oororomeleya, niwoko waari hiiho, mpaka oororomeleya yaaheereke opaka soonanara.

Icipo 17:14

Ii! Yave! Mukivuluxe mwa atthu ale; atthu a elapo ya vathi, mwa yaawosa nttuvelonaya nri mookumini ola. Nyuwo munaavoniha oosiveleyaanyu. Anamwanaaya asilopwana aavonaxa, yaahiyeraka anamwanaaya singhalahala.

Yesaya 10:15

Weeraka epaso enimulamulela yoole omvarela muteko hata seroti oniingyeviha yoole onimuramaramiha? Waamukhala ntoko ekopo emuramaramihaka ovarenle hata ttootto simweemexaka seiyo sihikhanle etthaabwa.

Yesaya 10:25

Woonyoonyeriwaniwaka onoomala woowaakuveya, ni isarasaka sinoohokolowa weera saaphwate.”

Yesaya 13:5

Awosa anrweela mweelaponi sa ottai; ekotenle erimu – Yave ni ikapwitthi sa isarasawe – weera aphwate mwa yaawo elapo yootheene.

Yesaya 14:24

Yave a ikuru sootheene oolipela: “Vekhaikhai, yeeyo kivaanenlaaka enookhumelela ni yeeyo kintthunaaka enimweereya.

Yesaya 14:25

Kinoophwata wAsiriya mwelaponimwaka; kinimwaanyikalela mmanyaakonimwaka. Yoolemelaaya enoovenxiwa mwa mulokwaaka ni murittaaya mmakhatanimwaya.”

Yesaya 23:13

Moone elapo ya oBabiloniya; owo ti muloko olakaseiye. awAsiriya aatatuxa elapo eyo okhala ya axinama a munikareni. Aaweliha itooresaya* sa orica; aahuhula mapurowaaya oolipihiwaxa enatatuxa milepe.

Yesaya 26:20

Murowe, mulokwaaka, mwavolowe mukwaartuni ni mwiiwalele. Mwiipithe vakhaani mpaka isarasawe sineeraaya sivire.

Yesaya 29:2

Hata hiiho kinoorica wAriyeli; eyo enimwiinla ni enoolalamika; eniikhale wa Miyo ntoko ttukuttha a altaari*.

Yesaya 30:27

Moone, Nsina na Yave ninrweela ottaiwene, isarasawe sivarelaka ni mahutte ooriipihana a mwiixi; iyanosawe soosareya isara ni nluminawe ti mooro woolaliha.

Yesaya 30:30

Yave onimwiiwiha nsunawe noovuwaxa ni onimoonihera ikuru sa moonowaawe woowoopopiha. Onimoonihera onyoonyiwawawe mmalumini a mooro woolaliha, eriyari ya epheyo etokotoko, etari ni maralala.

Yesaya 30:9

Muloko owo ti woovaanya, anamwane oowootha, anamwane ahintthuna wiiwelela ikano sa Yave.

Yesaya 34:2

Yave oonyoonyeriwa miloko sootheene; isarasawe siri vasulu wa anakhottwaaya ootheene. Owo onimwaaphwata moota woomalela; Owo onimwinnyerera mookhwaani.

Yesaya 66:14

Nyuwosa moonakaru yeeyo, murimaanyu onoohakalala ni munoottuva ntoko malaxi; Yave onimwaasuweliha moonowaawe arumeiyaawe, vaheera isarasawe animooniheriwa amwiittanaawe.

Yesaya 7:17

Yave onimooruuhelasani mwene a wAsiriya, wa mulokwaanyu ni emusi ya atithinyu. Eniikhale ehuhu ehitonke okhala mmahukuni a khalayi okhuma wEfrayimi waamwalannaaya ni oYuda.”

Yesaya 7:20

Vanihukuni nenenenno Yave onoovarela muteko nimettho aneeraawe oolihe okhopela Efratesi – mwene a wAsiriya – weera ametthe mayihaanyu, mapururu a mmettonimwanyu ni irerusanyu.

Yesaya 8:4

Mwaana ola ahinaaye osuwela weera ‘tiithi naari’ maayi, mwene a wAsiriya onookuxa mihakhu sa oDamasku ni soohuhula sa oSamariya.”

Yesaya 8:7

Yave onimwaaruuhela maahi oowuupaxa a Efratesi – mwene a wAsiriya ni ikurusawe sootheene. Mooloko owo onoosareya mmiroranimwaya moothemwene okhopela ni okhopela

Ezekiyeli 22:31

Tivawo kineeraaka kaayeeherase isarasaka ni kaalalihe ni onyoonyaxiwawaka woovarela; koottaruxelakani yoonanara opankaaya,’ onghima Yave onlamula sootheene.”

Ezekiyeli 7:10

Moone nihuku! Noophiya! Nthorihelo nohoonihereya, ekopo yoophuwa, wiixoona woottuva.

Daniyeli 11:36

“Mwene onoopaka yeeyo ontthunaawe. Onimwiivuwiha ni onimwiixunnuwiha opwaha wakhalaru muluku ni onoomveiha Muluku a miluku ni itthu sihitonke wiiwiwa. Owo sinoomweettela nnene mpaka okwanela ehuhu ya isara, niwoko yeeyo elakeliwe ontthuneya okhumelela.

Nahumi 1:1

Masu a Muluku mwaha wa oNinive ti ala. Ela ti elivuru ya moonelo wa Nahumi, ngwElekoxi.

Habakuki 1:12

Ii! Yave! Vekhaikhai Nyuwo ti oohimala! Mulukwaaka ni Ootteelaaka, Nyuwo khamunkhwa. Ii! Yave! Mookhaliha muloko owo weera okwanihere nthorihelo. Ii! Mwala, Nyuwo mohaathanla aBabiloniya weera ettaruxe.

Zefaniya 2:13

Owo onootheteela moono mpatta wa ottuttuwani, aphwateke wAsiriya, ahiyeke oNinive oheleiyeene nthala woomalela, wuumelenleene ntoko nikare.

Nuumeru 24:24

Makula matokotoko eniirweele muxerexere wa ephareiya ya oKitimi ni anoomuhasula Axuri ni Eberi, vaheera ommaleloniwaya onuukhaletho ophwatiwa.”