Yesaya 10:3 - Emakhuwa Bible

³ Mmwipakeni nyuwosa munihukuni na nthorihelo, erisa yaarweelaka ottai? Wa taani muneeraanyu mutthimakele weera ookhavihereni? Mmwahiye woowi mihakhusanyu?

Yesaya 10:3 Iomraidhean Croise

Epacerero 31:1

Wa soothesene, Yakobe aahiiwa yuulummwaka weera anamwane a Labani yeera: “Yakobe ookuxa sootheene seiye yaarinaaya atithihu anathukumanyiha mihakhu seera sikhaleke sa atithihu.”

2 Mamwene 7:15

Yaatthara mphito wa awArami mpaka oYordanu, ephwanyaka ikuwo ni ikapwitthi ephiroweeneeyo, mwa seiye yaahiyalaaya awArami etthawaka. Vano anamitthenga yaahokolowa, enamuthalihera mwene.

Yobi 31:14

nkipakeni miyo Muluku aakithorihaka? Nkaakhuleni kaakohakohiwaka?

Masu a Miruku 11:4

Mihakhu khasimvareleya muteko munihukuni na isara sa oMuluku, vaheera wookoleleya ontapuxa mookhwaani.

Yesaya 13:6

Mulalamike, niwoko nihuku na Yave nookhuveela; nnimoowa ntoko ophwata wa mpatta wa Namaweraxa.

Yesaya 17:4

“Vanihukuni nenenenno ovuwa wa Yakobe onooyavayava; oneneva wa erutthwaawe onimoonda.

Yesaya 20:6

Vanihukuni nenenenno atthu ammaka mukerekhere ephareiya eniyeere: ‘Moone yeeyo eweereenle yaale naaroromelaahu; yaale naatthimakelaahu weera enikhavihere ni enoopole mwa mwene a wAsiriya. Ni vano? Nniitthawe hai?’ ”

Yesaya 26:14

Awosa ahookhwa kheekhalatho ni okumi; minepasaya khasimvenyereratho. Nyuwo mohaattaruxa mwaaphwataka; Nyuwo moomaliha wuupuweleliwawaya woomalela.

Yesaya 26:21

Moone, Yave onkhuma omankaawewo weera athorihe miloko sa elapo ya vathi niwoko na sootthekasaya. Elapo enimoonihera ephome eyeeheriwemo; eyo khayaasungatho anamakhwaaya.

Yesaya 28:20

Ekaama yookhuveyaxa moota wooweera khamungwera okonawo. Yoowiikhuneela yootepa oyeva ni kheenkwana wiikhuneela.

Yesaya 29:6

Yave a ikuru sootheene onimoowa mutarini, motetereyani ni moorumani otokotoko; muyuupuruni ni mutthekuni ni mmalumini a mooro woolaliha.

Yesaya 30:16

Nyuwosa mweenre: ‘Hoye, nnootthawa ni ikavalu*.’ Vano munootthawa! ‘Nnimweettiha ikavalu* soowaakuveyaxa.’ Vano anamattharelelaanyu ti eneera yaakuve ophiya.

Yesaya 30:5

ootheene animuulihiheya muru niwoko na muloko ohinaavareleya muteko; muloko ohinruuha ekhavihero hata onnene, mene wuulihihaxa muru paahi.”

Yesaya 30:7

Awosa anrowa wExipitu ori woohimutekoxa. Tivawo kinttehaaka Rahabi ohimuteko.

Yesaya 33:14

Anamattheka oSiyoni aatteenguwa; yaale ahikhalanne Muluku aanthukumela yeeraka: “Taani a hiyo ongwera opwaherera ni okumi mmooroni woohisa? Taani a hiyo ongwera opwaherera ni okumi mmalumini oohimala?”

Yesaya 39:3

Vanonto mprofeeti Yesaya aarowa wa mwene Hizekiya, anamukoha: “Ahimaleni asilopwana awo yoorweenleni ni ankhuma woowi?” Hizekiya aamwaakhula: “Ankhumelela elapo yoorakamela ya oBabiloniya.” Yaarweenle okixekura.

Yesaya 5:14

Tivawo okhwa onaandyeereraaya ohaawelawaya ohulaka eyanowaaya. Mmwaanomwaya anoolakaseelamo maneethaaya ni ancipalaaya vamoha ni atakhalaaya ni anamawuraaya.

Yesaya 5:26

Owo oneemexa eneneero wa miloko sa ottai; ongwoopela muturi yaale a ekotenle elapo. Moone, angwa vale woowaakuveyaxa!

Yeremiya 22:7

Kinimoorumihelani anamaphwata, khula mutthu a yaawo ni ikapwitthisawe ni awosa animuuha nyirisanyu sa esidari* sooreerela, evonyereke vayikho.

Yeremiya 4:30

Ii! Namaphwatiwa, mumpakani? Mungwarelani sooxeera mwiiphwanelihaka ni axiveeve a eyuuma yoorikaxa? Muniihingela heeni mmakwikhwinimwanyu? Muniiphwaneliha siiyo. Vano Oosiveleyaanyu anoothanyani, yaasaasaka okumaanyu.

Yeremiya 5:31

Maprofeeti anuuluma soowootha, asaserdoti* anlamula sa mmurumwaya ni mulokwaaka onsiveliwa ni seiyo. Mene mmwipakeni ommaleloni?

Yeremiya 9:9

Kintthuneya waattaruxa niwoko na yeeyo,” onghima Yave. “Kintthuneya wiinlela ikukuttula muloko ntoko ola.”

Hoxeya 5:13

Efrayimi oonaka ekwereraawe, ni Yuda oonaka makhwattaawe, Efrayimi aarukunuwela wAsiriya, analamulela waasaasa ekhavihero ya mwene mutokweene. Vaheera owo khangwera woolamihasani, hata khangwera ovoliha ithukusanyu.

Hoxeya 9:5

Mmwipakaseni vanihukuni na ifestasanyu soothanliwa, mmahukuni a ifesta sa Yave?

Hoxeya 9:7

Mahuku a nttaruxo ahanle vakhaani ophiya; mahuku a nthorihelo animoowa. aYixrayeli esuweleke yeeyo. Seenre saatta sootthekasanyu ni ovaanyawanyu otokotoko, mprofeeti onooneliwa okhala nsikini, mutthu oosareya Munepa Wootteela ntoko naanepa.

Amosi 5:19

Nnikhale ntoko mutthu onimutthawa mwatto anamukumanano ursu*; ntoko mutthu omvolowa mpaanimwawe, anaphiteerihela ntatanawe vaxirini, analummwawo ni enowa.

Mikeyasi 7:4

Yoowaareerelaaya eri ntoko rupulula, ni yoowookoleleyaaya ti yootepaxa opwaha ekintali ya nyiiwa. Noophiyera nihuku na anamalipelelaanyu, nihuku na nttaruxo na Muluku, ehuhu ya munyakunyakwaanyu.

Zefaniya 1:18

Eparathaaya* ni eyuumaaya yoorikaxa khayaatapuxa vanihukuni na isara sa Yave. Mmooroni wa ehacaawe, enoolalihiwa elapo yootheene, niwoko Owo onimwaamaliha wootutuxereya ootheene ankhala mulaponi.”

Luuka 19:44

Eniyoovonyere vatthayani ni eniiwiive anamwanaawo ari mpuwa mwa exiraawo. Kheerwa ehiya nluku vanluku, niwoko weyo khawiisuwenle ehuhu Muluku aarwaawe wooxekurera.”

Deuteronomiyo 28:49

Yave anootannyereleni muloko wa ottai weera woorweelaseni ntoko xaaka atthunaka ovara; muloko muneeraanyu muhiiweke nuulumonaya.

1 Pedru 2:12

Mweette ni mukhalelo wooreera variyari wa amalapo. Mooteene yoowo awo yaawootherakani nyuwo weera mumpaka yoonanara, eniyoone yooreera mumpakaanyu, ni eniimuttottopele Muluku vanihukuni na oxekura.