Yesaya 10:22 - Emakhuwa Bible

²² Naari mulokwaanyu oYixrayeli okhalaka ntoko muhaava wa mphareiya, oohalahala vakhaani ti eneera ehokolowe. Ophwatiwa oolamuliwa ni onimoowa woosareya ekhaikhai.

Yesaya 10:22 Iomraidhean Croise

Epacerero 18:25

Khoongwereya wa Nyuwo opaka etthweene yeeyo omuthorihela okhwa mutthu oohikhalano nthowa vamoha ni mutthu orino nthowa. Mooteene yoowo khoongwereya wa Nyuwo waapakela moota mmoha atthu oohikhalano nthowa ni ookhalano nthowa. Nyuwo muri Mphuki a elapo ya vathi yootheene, ontthuneya othoriha nnene.”

1 Mamwene 4:20

Muloko wa aYixrayeli waari woohaalikeleyaxa. Awosa yannaca, yannawura, ehakalalaka.

2 Mamwene 19:31

Vekhaikhai okhuma oYerusaleemu ni omwaako Siyoni eniihalahalemo akumi. Nthiti na Yave a ikuru sootheene nnookwanihera yeeyo.

Yesaya 37:31

Yaale ahanle a ekhapira ya Yuda eniiphuwele ntoko nyiri sinrakamelihaaya mikwankhwaarisaya ni iphandisaya siniima wusawusa.

Yesaya 46:3

“Mukiiwe, ekhapira ya Yakobe, ootheene nyuwo muhalahanle a ekhapira ya Yixrayeli – nyuwosa Miyo kookhavihenraakani okhuma oyariwawanyu ni kookunxaakani okhuma enamwanaanyu.

Yesaya 48:19

Ikhapirasanyu saano sikhanleene ntoko ihaava sa ephareiya ni anamwaniinyu oohaalikeleya; masinaaya saano ehimalihiwe naari ehiphwatiwe ohoolowaka.”

Yesaya 59:20

“Mvuluxa onimoowa wa oSiyoni, wa yaale a Yakobe anrukunxa murima mwa sootthekasaya,” onghima Yave.

Yesaya 6:11

Vano miyo kaamukoha: “Ii! Yave, mpaka yaakhani?” Ni Owo aakaakhula: “Mpaka isidade sineeraaya siheleye nthala woohimakiwamo, mpaka impa othaamiwa ni imatta oheleya nthala woomalela,

Yesaya 6:13

Hata mpatta wanaamuloko ohalaka mweelaponi, awotho anoophwatiwa. Vaheera ntoko mwiri wa ekaravalyu* onuuhiwaaya onahala nikottoru, hiiho mmiso wootteela onuukhale nikotto noohala oYixrayeli.”

Yesaya 60:22

Emusi eri vakhaani enoothatuwa macira muloko ni ooyevaxa a nyuwo muloko wooweraxa. Miyo ti Yave, mweehuhuni yootthuneyaxa kinoopaka yeeyo woowaakuveya.”

Yesaya 65:8

Yave oneera ha: “Wooneyaka weera ekhuce ya iwuuva* yookhalano maahi oocoocowa, kheemvuruliwa niwoko yookhalano yoowura yooreera, hiihotho kinoopaka mwaha wa arumeiyaaka, nkirwa kaaphwata ootheene.

Yesaya 8:8

ni anoomwareela oYuda, emireihaka mpaka muxiko. Mapuphaaya ookungeyeene anookhuneela elapwaanyu yootheene, Emanuweli!”

Yeremiya 3:14

“Muhokolowe, muloko woohiroromeleya,” onghima Yave, “niwoko Miyo ti Aiyinyu. Kinimookuxani – mmoha a khula muttetthe ni eeli a khula nihimo – ni kinimoohokoloxerani oSiyoni.

Yeremiya 44:28

Eniyoopowe ni ekatana ni eniihokolowe wExipitu erowaka elapo ya oYuda khayaatta. Vano ahalahanle ootheene a oYuda arwiiye okhala wExipitu anoosuwela masu a yoole ompwaherera – awaka hoye hoye awayasa.

Daniyeli 9:27

Owo onoopaka wiiraana ni ancipale wa esimana emoha. Vano eriyari ya esimaneene yeeyo sinoomala sooveleela ni soovaha. Mpatta mmoha wa Empa ya Muluku onootekiwa muluku oohiira aneeraawe akhalewo mpaka ophiya ommaleloni olakeleliwaawe.”

Hoxeya 1:10

Wa soothesene, aYixrayeli animwaatta ntoko ehaava ya mphareiya ehimphimeyaru, hata ehinaalikeleyaru. Vanipuroni yeerelasiwaaya: ‘Nyuwosa khamuhiyono mulokwaaka,’ awosa animwiitthaniwa ‘anamwane a Muluku Mukumi.’

Miteko 17:31

Aakhaliha nihuku nimoha Owo aneeraawe athorihe elapo ni ekhaikhai mwa Mulopwana omuthanlalaawe. Ni ohoonihera yeeyo wa omutthu wootheene, woomuvenyereriha Mulopwana Owo.”

aRooma 2:5

Wa soothesene, niwoko na murimaanyu woowuuma woohirukunxeya, nyuwo muniixaandyeerera isara mwaneenaanyu wa nihuku na isara sa Muluku, nneeraaya nooniheriwe nthorihelonawe na ekhaikhai.

Ethupululo 20:8

ni anaavenye weera alokotthe ilapo siri mmaloothoni maxexe a elapo, eyo tiiyo Agogi ni Amagogi, weera aathukumanyere ekhotto. Waattawaya ori ntoko muhaava wa mukerekhere ephareiya.