Yesaya 1:4 - Emakhuwa Bible

⁴ Ii!, muloko woottheka, ekhapira elemelingwe sootakhala, nakupa a anyali; anamwane avaheriwe ohitteela! Awosa aamuhiya Yave; aamuramusa Ootteela a oYixrayeli, emukhoottaka Yoowo.

Yesaya 1:4 Iomraidhean Croise

Epacerero 13:13

Vanonto atthu yaamanke oSodoma yaari ooxilili ni anamattheka evirikanyihaka otthuna wa Muluku.

2 Mamwene 21:22

Aamuhiya Yave, Muluku a makholowaawe, ahittharaka ephiro ya Yave.

2 Nyaha 12:1

Rehobowami iitekihaleene ni iilipihenreene ntoko mwene, owo ni aYixrayeli ootheene yaahiya Nlamulo na Yave.

2 Nyaha 27:2

Owo aapaka onaakhulelaawe Yave, ntoko yaapankaaya atithawe, vaheera ovirikanawaya, owo khaavolongwe Mpaani mwa Yave. Wa soothesene, muloko waapwaherera ni ipakelosaya soonanara.

Nehemiya 1:7

Noheetta ntoko attiyamaaru woowuuliheya muru wa Nyuwo. Khaniiwelenle ikano, malamulo ni soonyesereriwa mwaamvanghaanyu murumeiyaanyu, Moisesi.

Icipo 58:3

Hata okhuma oyariwawaya atakhali antthara ephiro yoonanara; awoosa yaari atakhali nlelo ereene mmirimani mwa amayaya.

Icipo 71:22

Ii! Mulukwaaka, kinimoottottopelani ni makita niwoko na ororomeleyawanyu; Ii! Ootteela a oYixrayeli, kinoowiipelani icipo soottottopela ni lira*.

Icipo 78:40

Imaara sincipale yannamuvaanya munikareni, emuthananihaka mweelaponi ya meekhaaya!

Icipo 78:41

Imaara imaarasene yannamoota murima Muluku, emutannyaka Ootteela a oYixrayeli.

Icipo 78:57

Yaari oohiroromeleya ni ohiiwelela ntoko makholowaaya, yaapirituwa ntoko muupa woohimuteko.

Icipo 78:8

Awosa kheekhala ntoko makholowaaya – ekhapira yoottiyamaaru ni yoovaanya; muloko wa murima woohimuroromela Muluku; atthu a okumi woohimutthara Yoowo.

Icipo 89:18

Vekhaikhai exikudwaahu ti ya Yave; Ii! Ootteela a oYixrayeli, Nyuwo ti Mwenaahu.

Okhuma 32:7

Vanonto, Yave aamweerela Moisesi: “Mukhuruweke, niwoko mulokwaanyu, mwa yoowo mukhumihalaanyu wExipitu, woohapuwela ephiro yoolokottha.

Yesaya 1:23

Anamalamulaanyu ari anamavaanya aneetta vamoha ni anamwiiya; awosa ootheene ansivela makhwankwa yaasaasaka soovahiwa. Awosa khaanaakiha soophwanela sa akwaasuni ni khaanaasaasa osuwela mulattu wa asinaamukhweli.

Yesaya 1:28

Vaheera anamavaanya ni anamattheka anoophwatiwa ni yaawo animuhiya Yave anooriheya.

Yesaya 10:6

Miyo kinrumihela muloko woomurakamela Muluku, wa muloko onkinyoonyiha, weera ohuhule ni waakhe sooreela ni weeratho ovotte ntoko ittoko sa mmiseweni.

Yesaya 12:6

Amaki a oSiyoni, mukhuwele ni mwiipe ni ohakalala, niwoko Ootteela a oYixrayeli ti Mutokweene variyariwanyu.”

Yesaya 14:20

Nyuwo khamvithiwa vamoha ni mamweneene yaawo niwoko moophwata elapwaanyu mwiivaka mulokwaanyu. Ekhapira ya atakhalai kheeromoliwatho wa mahuku ootheene.

Yesaya 29:19

Emaara ekinatho atthu oowiiyeviha anoomuhakalalela Yave; atthu oohaawa anoomuhakalalela Ootteela a oYixrayeli.

Yesaya 3:8

oYerusaleemu onooveveleya; oYuda ohanle vakhaani omora; maswaaya ni mitekosaya nsiniiwanana ni Yave, siramusaka okhalawawe woovuwa.

Yesaya 30:1

“Ii! Wa anamwane oottiyamaaru,” onghima Yave, “Ii! Wa yaale ankwanihera soowuupuwela sihinrweela wa Miyo; yaale aniiwanana kihaakhulenle, yaandyeereraka sootthekasaya.

Yesaya 30:15

Muluku onlamula sootheene, Ootteela a oYixrayeli oneera ha: “Ovuluxiwawanyu ori moorukunxani murima ni ngwiitthuuwani; ikurusanyu sirimoomalani ni moororomelani, vaheera nyuwosa khamutthunne.

Yesaya 30:9

Muloko owo ti woovaanya, anamwane oowootha, anamwane ahintthuna wiiwelela ikano sa Yave.

Yesaya 31:2

Wa soothesene, Yave ti a mirukutho ni ongwera oruuhela erisa; Owo khanceendya maswaawe. Owo onoovenyera impa sa anamariheya, aawananakano yaale anaakhavihera anamapaka a soonanara.

Yesaya 37:23

Munruwanne taani? Mumveihale taani? Mwaamukhuwelenle taani, mungwehexexaka ngwiixoonani? Ti Ootteela a oYixrayeli!

Yesaya 41:14

Muhoove, muungu Yakobe, Ii! Yixrayeli mukhaani, niwoko Miyo muneenaaka kinimookhaviherani,” onghima Yave, Mvuluxaanyu, Ootteela a oYixrayeli.

Yesaya 41:16

Munimwaaveera, epheyo enimwaakuxa ni ettheku enimwaarongha ottai. Vaheera nyuwo munoomuhakalalela Yave mumvuwihaka Ootteela a oYixrayeli.

Yesaya 41:20

weera atthu yoone ni esuwele, yuupuwele ni yiiwexexe weera ntata na Yave nipanke yeeyo ni weera Ootteela a oYixrayeli opattunxe.”

Yesaya 5:19

yaale aneera: “Muluku aakuvihe ovara mutekwaawe weera hiyo noone; ekwanihereye yoovaanela ya Ootteela a oYixrayeli weera nisuwele.”

Yesaya 5:24

Tivawo, mooteene yoowo malumi a mooro anghisaaya makayawaya ni munyepu woowuuma onghisiwaaya mmalumini a mooro, hiihotho mikwankhwaarisaya sinimuntta ni ithutusaya sinoovavihiwa ntoko ntthupi, niwoko awosa aakhootta Nlamulo na Yave ni aaramusa masu a Ootteela a aYixrayeli.

Yesaya 57:17

Koosareya isara niwoko na soohaawelasaya sootthekeya; koonyoonyiwa, kinaahuluwa, mene awo ampwaherera ephiro athanlalaaya.

Yesaya 58:2

Vano khula nihuku awosa annikaasa; awosa antthunaxa osuwela iphirosaka ntoko waari muloko ompaka yeeyo eri yooreera ni ohihingye malamulo a Mulukwaaya. Awosa ankivekela soolakela sa ekhaikhai ni ankhala ntoko anamahaawela weera Muluku aakhuveele.

Yesaya 65:11

Vaheera wa nyuwo munimuhiya Yave ni munttiwala mwaakowaaka wootteela, nyuwo munimurehererela meesa muluku a eparakha ni munsariha ikoomixi sa iviinyu sootakanseriwa wa muluku a oreeriwa,

Yesaya 65:3

Ti muloko onkitannya woohihiyerera woohiipithiheya opakaka sooveleela munttimbeni ni ohisaka erubani* valtaarini* a indyerwa.

Yesaya 9:17

Tivawo Yave ohinaahakalalelaawe amiravo hata ohinaamorelaawe ikharari akwaasuni naari asinaamukhweli, niwoko ootheene aamurakamela Muluku ni a murima woonanara, anuuluma moota woohiloka. Sirookhalaru sootheene iye, isara sa Muluku khasihapungwe ni ntatanawe nri etheteeliwo.

Yeremiya 15:6

Nyuwo mookihiya,” onghima Yave, “nyuwo mumpwaherera okhala oohapuweene. Tivawo kineeraaka kootaveeni koophwatakani; nkingweratho woomorelani ikharari.

Yeremiya 2:13

Mulokwaaka woopaka itthu sootakhala piili: owo wookihiya Miyo kiri naattuuttu a maahi a okumi, ni woothipa ihimesaya, aani ihime soowaaleleya sihingwera okhalano maahi.

Yeremiya 2:17

Nyuwo muneenaanyu ti nanthowa mwa yeeyo yookhumelenleni, woomuhiya Yave, Mulukwaanyu, Owo oweettihaleni mphironimwawe.

Yeremiya 2:19

Yootakhalaanyu enimoottaruxani ni ovaanyawanyu onimoohiihani. Mwiiwexexe ni moone moota onnanaraaya ni ongwaawihaaya omuhiya Yave, Mulukwaanyu, muhikoovaka Miyo,” onghima Yave, a ikuru sootheene.

Yeremiya 2:31

Nyuwosa a ekhapira ela, muupuwele masu a Yave: Kaatoko okhala nikare wa aYixrayeli? Apaale kaari elapo yoosareya epiphi? Heeni mulokwaaka onkeerelaaya: ‘Hiyo nnimwiiwehaweha! Kaninrwatho wa Nyuwo’?

Yeremiya 2:33

Moota wa mapakelo mancipale munaasaaseraanyu osivela! Mpaka asithiyana a mapakelo oonanaraxa anooxuttera ni mweettelowaanyu.

Yeremiya 2:5

Yave oneera ha: “Yoohiyanyiha heeni makholowaanyu yaaphwannyaaya wa Miyo weera ekihiye, ekirakamelaka Miyo? Awosa yaatthara miluku soohimuteko, yiitatuxaka asineenaaya oohimuteko.

Yeremiya 32:32

Muloko wa oYixrayeli ni wa oYuda onnatannya isarasaka mwa soonanara sootheene ompakaaya – awosa, mamwenaaya ni ahoolelaaya, asaserdotaaya ni maprofeetaaya, atthu a oYuda ni amaki a oYerusaleemu.

Yeremiya 50:29

Ngwiitthanele ananyuupa oBabiloniya, ootheene yaale amvarela nyuura. Ekonele ootheene mukhwipimwawe; ahikhaleru anaatthawe. Mutthuvele muttharihaka ipakelosaya; mpakele iwo sootheene opankaaya. Niwoko iwo woomveiha Yave, Ootteela a oYixrayeli.

Yeremiya 51:5

Yixrayeli ni Yuda khaathaamiwe ni Mulukwaaya, Yave a ikuru sootheene ntoko asinaamukhweli, elapo ya aBabiloniya eroosareyaru nthowa ohoolo wa Ootteela a oYixrayeli.

Yeremiya 7:19

Mene weeraka ankitannya Miyo? onkoha Yave. Awosa aniixuulihiha muru asineenaaya.

Yeremiya 7:26

Vaheera awosa khayaakiiwale hata khayaakipwantthe. Yaari oottiyamaaru ni yaapaka soonanara waapwaha makholowaaya.’

Ezekiyeli 14:5

Nkipakele yeeyo weera kiwinetho murima wa muloko wa aYixrayeli mwa yoowo okihiyale okaakakhanyihaka ni miluku sikina.’

Ezekiyeli 16:33

Khula puuta onooliviwa, vaheera nyuwo mwaavaha itthu yaawo munaakonanaanyu ootheene, mwaavahaka soovaha weera ewe wa nyuwo mmapuroni moothemwene waakhela wa nyuwo munkhaleloni wa opuuta.

Ezekiyeli 16:45

Vekhaikhai nyuwo ti mwaana muthiyana xaxaxa a amayinyu, mwa yaawo yaathannye aiyaya ni anamwanaaya; ni nyuwo ti munna xaxaxa a axunninyu, mwa yaawo yaathannye asiiyaya ni anamwanaaya. Amayinyu yaari muHiti ni atithinyu yaari ngwAmori.

Daniyeli 9:11

aYixrayeli ootheene aahiya nlamulonanyu, enahapuwa, ekhoottaka owiiwelelani. Tivawo malapho ni mahooxo alempwale munlamuloni na Moisesi, murumeiyi a Muluku, animorenlaaya, niwoko nohootthekelani Nyuwo.

Zefaniya 1:6

Yaawo anghapuwa ehiyaka omutthara Yave, hata ehimwaasaka naari ehimukohereraka.

Nuumeru 32:14

Nyuwo muri vawo – ekhapira ya anamattheka, mwiikhalihaka vanipuroni na makholowaanyu ni saapattelakatho aYixrayeli isara sa Yave.

Matheyo 11:28

Ngweeke wa Miyo, ootheene nyuwo mukhulumungwe ni mulemelingwe yoolemela, ni Miyo nkoovaheeni wiitthuuwa.

Matheyo 23:33

Inowa! Ekhalelo ya evili! Moota heeni muneeraanyu moopowe wa nthorihelo mmooroni?

Matheyo 3:7

Aawoonnaawe Yohaane afarasi* ni aSaduki* ancipale ewaaka weiwo aapatisaawewo, aaweerela: “Inowa! Aweerenleni taani weera mutthawe isara sa Muluku sinkhuveela?

aRooma 8:7

Muupuwelo wa erutthu yootthekeya ti mwiittana a Muluku, niwoko khooniiwelela nlamulo na Yoowo, hata khoongwera opaka yeeyo.

1 aKorinto 10:22

Apaale hiyo nintthuna otannya nrima na Apwiya? Hiyo nri oolipa waapwaha Awo?

Deuteronomiyo 29:25

Vano yoowaakhula eniikhale ela: “Ti niwoko muloko ola woohiya wiiraana wa Yave, Muluku a makholowaaya, wiiraanawene weiwe aapakenlaawe aakhumihaleene wExipitu.

Deuteronomiyo 31:16

Yave aamweerela Moisesi: “Nyuwo munimwiitthuuwa vamoha ni makholowaanyu ni muloko ola woowaakuveya onooraruwasa, ottharaka miluku sikina sa elapo oneeraaya wavolowe. Awosa anookihiya, ehipwatthaka wiiraana kaapakenlaaka.

Deuteronomiyo 32:19

Yave aahoona yeeyo, anaakhootta, niwoko aatannyiwa ni anamwanaawe asilopwana ni asithiyana.

Deuteronomiyo 32:5

Mulokwaawe Yave woompakela moohiroromeleyani; ti ekhapira yoohapuwa enkhalelaka emwaanomwaano ehikhalaka anamwanaawe. Ti yoowuuliha muru!

aKolosi 1:24

Vano, koohakalala moohaawanimwaka niwoko na nyuwo, niwoko yeeyo kinghaawa mweerutthunimwaka niwoko na ekerexa eri erutthu ya Kristu enkwanihera soohaawa Kristu ohaangwaawe wa yeeyo.

Ethupululo 18:5

Vano, soottheka sa Babiloniya sohaandyeerereya mpaka wiirimu, ni Muluku ohuupuwelela sootakhalasawe.

Ahooleli 10:10

Vano aYixrayeli yaamukhuwelela Yave yeeraka: “Nohootthekelani Nyuwo, nimuhiyaka Mulukwaahu ni naalapaka aBahali*.”