Yesaya 1:29 - Emakhuwa Bible

²⁹ “Munimuulihiheya muru niwoko na nyiri sa ikarivalyu* sootteeliheriwa muntthunaanyuxa; munooyevihaxiwa niwoko na mattimbe muthanlalaanyu.

Yesaya 1:29 Iomraidhean Croise

Yesaya 66:17

Yaale aniitteeliha weera evolowe munttimbeni, emuttharaka musaserdoti* ori eriyaraaya, ankhuura ekuluwe, makhule ni itthu sikina sa mwiikho – awosa ootheene anooriheya,” onghima Yave.

Yesaya 65:3

Ti muloko onkitannya woohihiyerera woohiipithiheya opakaka sooveleela munttimbeni ni ohisaka erubani* valtaarini* a indyerwa.

Yesaya 57:5

Moosareya soohaawela variyari wa ikaravalyu* ni vathi wa khula mwiri woopombaxa; nyuwosa munaapaka sooveleela anamwaniinyu mmaxaapwani ni munyattani.

Hoxeya 4:13

Ampakela sooveleela vasulu nyaako, enahisera erubani* mmattumuxani vathi wa ikarivalyu* ni ixopu* oraayawo munttuusi wooreerela. Tivawo anamwaniinyu asithiyana amvolowaaya opuuta ni asipwiyamwaaniinyu anraruwaaya.

Ezekiyeli 16:63

Vano Miyo kaarehereraka wiiraana mwaha wa nyuwo niwoko na sootheene mpankaanyu, nyuwo munimuupuwelela ni munimuulihiheya muru ni khamuhularutho eyano niwoko na oyeviheyawanyu, onghima Yave onlamula sootheene.’”

aRooma 6:21

Soowiima heeni nyuwo muhemphaanyu wa itthu iye sa khalayi singwuulihihani muru vaanaano? Ommaleloniwaya ti okhwa!

Hoxeya 14:8

Ii! wEfrayimi, nkipwatthele heenitho miluku sikina? Ti Miyo kinimwaakhula, kinamukosoopa. Kiri ntoko mwiri wa epinyeiru* ekithi; soowiimasanyu sootheene sinrweela wa Miyo.”

Hoxeya 14:3

awAsiriya khaangwera onivuluxa; khaniwelatho ikavalu* sa ekhotto. Seiye sipakiwe ni matataahu khaneerelatho ‘milukusahu,’ niwoko mwa Nyuwo mukwaasuni omphwanya ikharari.”

Ezekiyeli 36:31

Hiiho, nyuwosa mmuupuwelele iphirosanyu soonanara ni ipakelosanyu sootakhala, ni munimwiixeettiha murima niwoko na sootakhalasanyu ni ipakelosanyu soohiira.

Ezekiyeli 6:13

Awosa anoosuwela weera Miyo ti Yave mulokwaaya waataleliwaka wookhweene eriyari ya milukusaya, muxerexere altaaraaya*, mmattumuxani ootheene oorakamela ni mutthomelani sootheene sa nyaako, vathi wa nyiri sootheene soopombaxa ni khula mwiri wa ekarivalyu* yoosareya makukhu – mmapuroni moothemwene mwa mwemmo yaahiseraayamo miluku erubani* yoowunkhelaxa.

Yeremiya 3:6

Moolamulani wa mwene Yosiya, Yave aakeerela: “Nyuwo mohoona yoohiroromeleya apankaaya aYixrayeli? Aawela mwaako wootheene woorakamela, enarowa vathi wa nyiri sootheene soopombaxa weera eraruwe.

Yeremiya 2:20

Khalayi Miyo kaaphwata yoolemelaanyu, kinapasa onyooro wootthukani. Vaheera nyuwosa mweenre: Miyo nkoorumeelani! Ohiyanawaya, mwaako wootheene woorakamela ni vathi wa nyiri sootheene soopomba, nyuwo mwiixaatalela ntoko puuta.

Yesaya 45:16

Ootheene ampaka miluku soowootha animuulihiheya muru ni anooyevihiwa; awosa anoomorela vamoha ngwuulihiheyani muru.

Yesaya 31:7

Vano vanihukuni nenenenno ootheene nyuwosa munookhootta miluku soolokottha sa eparatha* ni eyuuma yoorikaxa soopakiwa ni matataanyu a onamattheka.

Yesaya 30:22

Vanonto munooveiha milukusanyu soolokottha soohuruweliwa eparatha* ni icaambulosanyu soohuruweliwa eyuuma yoorikaxa; munoovonyera vaate ntoko nttapwatta noonanara mweerelaka: “Khuma!”

Yesaya 42:17

Vaheera yaale anroromela icaambulo ni aneerela seiyo: ‘Nyuwosa ti milukusahu’ animuulihiheyaxa muru.”

Hoxeya 4:19

Eyuupuru enimwaavavihera ottaiwene, ni altaaraaya* animwaaruuhela wuulihiheya muru.”