Yesaya 1:25 - Emakhuwa Bible

²⁵ Kinimootheteelani ntata; kinoovenxa soohitteelasanyu, kisusihaka sootheene siri soonanara mwa nyuwo.

Yesaya 1:25 Iomraidhean Croise

Icipo 119:119

Nyuwo munaavonyera okerekhere atakhali ootheene a elapo ntoko ikokhola; tivawo kinsivelaaka ikanosanyu.

Yesaya 1:22

Eparathaanyu* yoothatuwa ikokhola ni eviinyuwaanyu yooreera yoothatuwa arekha.

Yesaya 27:9

Hiiho nthowa na Yakobe nnoomalihiwa ni soowiima sookwanela sa ovenxiwa wa sootthekasawe nsikhale ha: owo aapwexa altaari* a maluku ootheene mpaka othatuwa ntthupi khasihala nyiri soothipeleliwa Axera, hata altaari* a erubani*.

Yesaya 4:4

Yave onoorapiha ohitteela wa asithiyana a oSiyoni; onootteeliha ephome eyeehiwe oYerusaleemu ni munepa wa othoriha ni wa mooro.

Yeremiya 6:29

Vano mvekhu oniiselela ni ikuru weera omwalamwaxe murawa ni eyuuma yootteelaxa, mene eyo enimwaasa osama hapo atakhali khaammwalamwaxeya.

Yeremiya 9:6

Awosa ankuukelelaxa ohooxa ni olokottha, ehitthunaka okisuwela Miyo,” onghima Yave.

Yeremiya 9:7

Tivawo Yave a ikuru sootheene oneeraawe ha: “Moone, Miyo kinimwaatteeliha ni kinoowoota murima, niwoko kweewowo etthu ekina kineeraaka kipakele mulokwaaka.

Ezekiyeli 20:38

Miyo kinimoomwalanyihani ni yaawo ankirukunuwela ni ankivaanya. Naari Miyo kaavenxaka mulaponi mmankaanyu, awosa kheevolowasa mulaponi mwa oYixrayeli. Hiiho, nyuwosa munoosuwela weera Miyo ti Yave.

Ezekiyeli 22:19

Tivawo Yave onlamula sootheene oneeraawe ha: ‘Mweenre ootheene nyuwo muthatuwa manyowa, Miyo kinimoothukumanyihani oYerusaleemu.

Ezekiyeli 22:20

Musaranimwaka ni moonyoonyiwanimwaka, kinimoothukumanyihasani musidadeni, koototoxekeni mooteene yoole atthu anthukumanyihaaya eparatha*, ekobre, eyuuma ya eseeta, eyuuma yoolipa ni eyuuma yoolemela vattukutthani weera etothowe evekhulaxaka vayikho.

Ezekiyeli 22:22

Nyuwosa mmwitothowase musidadeni mooteene yoole eparatha* entothowaaya vattukutthani, ni munoosuwela weera Miyo, Yave, kohooyeeherasani isarasaka.’ ”

Zefaniya 3:11

Nihuku nno nyuwosa khamuulihiheya muru mwa soopakasanyu sa okivaanyawanyu, niwoko kinimwaavenxa musidadenimu yaawo anghakalalela wiixoonawaya. Nyuwosa khamukhalatho oowiixoona vamwaakoniwaka wootteela.

Malekiya 3:3

Owo onookilaathi ntoko namatotoxa ni namatteeliha a eparatha*; onimwaatteeliha aLeevi aareherereke ntoko eyuuma yoorikaxa ni eparatha*. Hiiho, anookhala atthu eniimuruuhele Yave sooveleela moororomeleyani.

Matheyo 3:12

Yoowo ookhalano ethelo mmatatanimwawe weera amveere namwaali a etrigu. Anaathokorore etrigu vatathani, ni anaamuhise namwaali mmooroni woohimala.”

Deuteronomiyo 32:43

Ii! Miloko ni mulokwaaya, mmwiipele ni ohakalala, niwoko Owo onimwiinlela ikukuttula ephome ya arumeiyaawe. Onimwaatthuvela ni ikukuttula amwiittanaawe apakaka wiiraana wa elapwaawe ni mulokwaawe.”

Ethupululo 3:19

Kingwooperera ni kinaalaka yaale kinaasivelaaka. Tivawo, mweetteke ni nthiti ni murukunxe murimaanyu.