Yesaya 1:21 - Emakhuwa Bible

²¹ Moone esidade yoororomeleya ethatungwaaya puuta. Khalayi yaasareya ekhaikhai emakiwaka ni wookoleleya, mene vano yoosareya anamwiiva!

Yesaya 1:21 Iomraidhean Croise

2 Samuweli 8:15

Davide aalamula muloko wootheene wa aYixrayeli apakaka yeeyo eri ya ekhaikhai ni yoororomeleya wa mulokwaawe wootheene.

2 Nyaha 19:9

Vano aahaavaha malamulo ala: “Nyuwo murumeeleke moororomeleyani ni murima wookwaneleene, moomoovani Yave.

Nehemiya 11:1

Vano asitokweene a muloko yaakhala oYerusaleemu ni atthu akinaawo yaampaka mwaathanle emuthanlaka hiiho mutthu mmoha a khula muloko weera amakeke oYerusaleemu, esidade yootteela. Akina athannaaxexaawo waatthuneya okhala mmittetthenimwaya.

Icipo 46:4

Wookhala mooloko mirorasaya singhakalalela esidade ya Muluku, Nipuro Nootteela* onkhalaawewo a Musulusulu.

Icipo 48:1

Mutokweene ti Yave omphwanela ottottopeliwa wootheene musidadeni mwa Mulukwaahu, vamwaakoniwawe wootteela.

Icipo 48:8

Ntoko niiwalaahu, vano nohoona musidadeni mwa Yave a ikuru sootheene, musidadeni mwa Mulukwaahu: Muluku munlipiha mahuku ootheene.

Yesaya 1:22

Eparathaanyu* yoothatuwa ikokhola ni eviinyuwaanyu yooreera yoothatuwa arekha.

Yesaya 26:10

Naari mutakhali amoreliwaka ikharari, owo khanxuttera ekhaikhai. Mulaponi mwa oowookoleleya owo oneetta mooriheyani ni khanoona ovuwa wa Yave.

Yesaya 48:2

Mwiiwe nyuwosa muneera weera muri amaki a esidade yootteela ni weera munimuroromela Muluku a oYixrayeli – Yave a ikuru sootheene ti Nsinanawe:

Yesaya 5:7

Ematta ya iwuuva* ya Yave a ikuru sootheene ti ekhapira ya Yixrayeli ni asilopwana a oYuda ti nttimbe Owo aasivelaawe. Owo aaweherera ekhaikhai, mene oona oyeehiwa wa ephome; aasaasa wookoleleya, mene iiwale sookhuwela sa ohasula.

Yesaya 59:14

Hiiho ekhaikhai enghokoleela ottuli ni ororomeleya onkhala ottaiwene; ekhaikhai enkwakwathuwa mmiseweni ni murima wa ekhaikhai khoongwereya ovolowa.

Yesaya 59:15

Khoowowo emphwanyaneyaayaru ekhaikhai ni yoowo onsemba yoonanara onthatuwa oolupatthiwa. Yave ohoona, ahinahakalalela ohikhala ekhaikhai.

Yesaya 59:3

Vano matataanyu aasareya ephome ni ikathasanyu soosareya mathowa. Iyanosanyu sinuuluma soowootha ni malumaanyu anlokolola itthu soonanara.

Yeremiya 3:1

“Mulopwana aahiya amwaariye, ni emwalanneene enatheliwa ni mulopwana mukina, mulopwana oopacera onoomuhokoleela? Elapo kheevaliheya woomalela? Vaheera nyuwo mooraruwano ancipale ni vano, muntthuna ohokoleela wa Miyo?” onkoha ti Yave.

Hoxeya 11:12

wEfrayimi wookirica ni soowootha, empa ya oYixrayeli ni soolokottha ni Yuda onimvaanya Muluku, aani Ootteela oororomeleya.

Hoxeya 2:5

Amayaya khayaaroromeleiye, yaarupalaka yaawosa ngwuulihiheyani muru. Vano awo yeenre: ‘Kinimwaatthara yaawo kinaakonanaaka ankivaha yooca, maahi, soowara sa mapururu a ikhondoolo, eliinyu*, makhura ni yoowura.’

Habakuki 1:4

Tivawo Nlamulo nihimvaraaya muteko ni ekhaikhai kheenkwaniheriwa. Atakhali anaattharatthara oororomeleya moota wooweera ekhaikhai enoovaanyiwa.

Zakariya 8:3

Yave oneera ha: ‘Kinghokoleela oSiyoni, kakhaleke oYerusaleemu. Vano oYerusaleemu onimwiitthaniwa esidade ya ekhaikhai ni mwaako wa Yave a ikuru sootheene onimwiitthaniwa mwaako wootteela.’

Luuka 13:34

Yerusaleemu, Yerusaleemu, weyo ongwiiva maprofeeti ni onaavonya maluku yaawo orumiheliwaawo: Imaara ihayi Miyo kaatthunaaka waathukumanya anamwaniinyu ntoko nttehi ninaathukumanyaaya axaanaaya mmapuphani, mene khoontthuna!

Miteko 7:52

Mprofeeti heeni makholowaanyu ahimusoondalaaya? Yaawiiva yaale yaahima sa orwa wa Oororomeleya, mwa Yoowo nyuwo vano mootatuxiwa anamavarihaawe ni anamwiivaawe.

aHeberi 12:22

Nyuwotho moophiya vamwaakoni oSiyoni, wa oYerusaleemu wa wiirimu, wa esidade ya Muluku mukumi. Moophiya wa andyelo oohaalikeleya ethukumanneene ni ohakalala,

Ethupululo 11:2

Mwahiyeke nipuwa na vaate wa Empa ya Muluku, muhiphime, niwoko nno avahiwe amalapo. Awo eniinyikale esidade yootteela wa nyeeri miloko mixexe ni miili.

Ethupululo 11:8

Mittembosaya nsiriheliwe mmuseweni mutokweene wa esidade etokotoko, mwa yeeyo eniitthaniwa moota wa mmunepani Sodoma ni Exipitu, weiwo athomeiwaayatho Apwiyaaya.

Ethupululo 17:1

Mmoha a andyelo yaarino ikoomixi ithannapiili aakaattamela, anakeerela: “Ngweeke, kinoowooniherani othorihiwa wa puuta mutokotoko okilaathiye mmaahini mancipale,