Yesaya 1:15 - Emakhuwa Bible

¹⁵ Mwaatheteyaka matata mmavekeloni, kinimoohuluwani. Naari mwaandyeeraka mavekelowaanyu, nkiniiwa. Matataanyu aasareya ephome.

Yesaya 1:15 Iomraidhean Croise

1 Mamwene 8:22

Vano Salomoni aaheemela ohoolo wa altaari* a Yave vamaithoni wa muthukumano wootheene, anatheteela matataawe wiirimu,

1 Mamwene 8:54

Salomoni amalihakaru soovekela ni soodyoonttelela sootheene iye wa Yave, aaheemela ohoolo wa altaari* a Yave, mwa weiwo aakokhonraawe atheteelaka matataawe wiirimu.

Ezera 9:5

Vanonto, mweehuhuni ya opaka sooveleela sa ohiyu, kaavenya moothanananimwaka, evestiduwaaka ni mukaandyowaaka woowaahuweene, kinakokhora, kinatheteela matata wa Yave Mulukwaaka,

Yobi 27:20

Onimurweela otteenguwa ntoko mirupi; ohiyu ettheku enimukuxakuxa.

Yobi 35:13

Muluku khampwattha wiidyoonttelela woohimuteko ampakaaya; Muluku a ikuru sootheene khanaawiriyana.

Icipo 134:2

Mutheteele matata mpatta wa Nipuro Nootteela* ni munttottopele Yave.

Icipo 55:1

Ii! Muluku, mwiiwe nivekelonaka; muhiramuse wiidyoonttelelawaka.

Icipo 66:18

Kaathokoronre soottheka mmurimanimwaka, Yave khaakiiwa.

Okhuma 9:29

Moisesi aamweerela: “Vaava kimvenyaaka, musidade, kinimweemexa matata kimvekaka Yave. Itari nsimaale ni kheemoratho maralala. Hiiho mmusuwele weera elapo ya vathi ti ya Yave.

Masu a Miruku 1:28

Vano awosa anookiitthana, mene nkaakhula; anookaasa, mene kheekiphwanya.

Masu a Miruku 6:17

Maitho oowiixoona, nlumi noowootha, matata angyeeha ephome yoohinthowa,

Yesaya 4:4

Yave onoorapiha ohitteela wa asithiyana a oSiyoni; onootteeliha ephome eyeehiwe oYerusaleemu ni munepa wa othoriha ni wa mooro.

Yesaya 45:15

Ii! Muluku ni Mvuluxa a oYixrayeli, vekhaikhai Nyuwo ti Muluku onniipitha.

Yesaya 58:4

Emalihero ya otthukawanyu ti onyakulihana ni opuhera mmananaka ni icipakhira. Khamungwera otthuka ntoko mumpakaanyu olelo munaroromela weera nsunanyu nnimwiiwiwa wiirimu.

Yesaya 58:7

Otthuka wa ekhaikhai ti omukawela soocasanyu oovoliwa etala ni omvaha oohaawa nipuro noowiitthuuwa, aani waawariha oothaaleliwa mwaaphwannyaanyu ni ohimurera ettuli munninyu.

Yesaya 64:7

Khawoworu oniitthana Nsinananyu hata onghaawela woovarexexani Nyuwo. Vano moonihuluwa munihiyaka mooriheyani niwoko na sootthekasahu.

Yesaya 8:17

Kinooweherera mwa Yave, mwa Yoowo oniipithihera ekhovaawe ekhapira ya Yakobe. Mwa Yoowo kinoomuroromela.

Yeremiya 11:11

Yave oneera ha: ‘Kinimwaaruuhela erisa mwa yeeyo eneeraaya ehiwere woopowa. Naari ekikhuwelelaka, Miyo nkiwiiwa.

Yeremiya 14:12

Naari etthukaka, Miyo nkirwa kiwiiwa okhuwelawaya; naari epakaka sooveleela soohisa ni sa etrigu, nkirwa kiwaakhulela. Ohiyanawaya, kinimwaaphwata ni ekatana, etala ni nihooxo.”

Yeremiya 4:31

Kiniiwa okhuweliwa ntoko wa muthiyana ahaleelaka oyara, ntoko muthiyana ahaleelaka oyara muxutto – okhuwela wa mwaana muthiyana a oSiyoni iilipiheraka omumula ni atheteyaka matata, eeraka: “Ii! Wa miyo, kihanle vakhaani okomoka; okumaaka ori mmatatani mwa anamwiiva!”

Ezekiyeli 11:6

Nyuwosa khamureere owiiva atthu ancipale a esidadeene yeela ni mmisewenimwaya moosariha mittembo.

Ezekiyeli 14:3

“Mwaana a mutthu, atthu ala aheemexa miluku mmirimanimwaya, yiikaatheraka sookwattula sootakhala vamaithoniwaya xaxaxa. Heeni kintthuneyaaka waatthunihera okaasa?

Ezekiyeli 39:23

Hiiho, miloko sinoosuwela weera aYixrayeli arongheliwe wootthukiwani elapo ekina niwoko na sootakhalasaya, yeenre ehiroromeleya wa Miyo. Tivawo kaahulungwaaka kinawinnyerera mmatatani mwa amwiittanaaya, ni awosa ootheene ahiiviwa ni ekatana.

Hoxeya 5:6

Awosa yaarowasaka omwaasa Yave vamoha ni ikhondoolo ni mihuwosaya sootheene, kheemphwanya; Owo ohaarakamelasa yaawo.

Mikeyasi 3:4

Muhoolommo anoomwiitthana Yave, mene Owo khawaakhula. Ehuhu eyo Owo onimwaahuluwa niwoko na yootakhala apankaaya.

Zakariya 7:13

‘Miyo kaawiitthanaaka, awosa khayaatthunne wiiwa; tivawo awosa yaakiitthanaka, Miyo kihingwiiwaakatho,’ onghima Yave a ikuru sootheene.

Matheyo 23:13

Ii! Munoohaawa nyuwo, anamawera a nlamulo*, aFarisi*, anamwiixeera! Nyuwo mungwala nsele na omwene wa wiirimu ohoolo wa atthu. Nyuwo muneenaanyu khamumvolowa, hata khamunaahiya evolowaka yaawo antthuna.

Matheyo 6:7

Mwaavekelaka, muhitipure ntoko ampakaaya amalapo. Awo anuupuwela weera eniyiiwiwe niwoko na masu mancipale.

Yohaane 9:31

Noosuwela weera Muluku khammwiiwelela namattheka, mene ommwiiwelela yoowo onimuttittimiha Muluku ni ompaka otthunawawe.

1 Timootheyo 2:8

Kintthuna weera alopwana evekele mapuro ootheene, yeemexaka matata ootteela, ehikhalaka ni isara, naari ehinyakhulihanaka.