Yeremiya 9:6 - Emakhuwa Bible

⁶ Awosa ankuukelelaxa ohooxa ni olokottha, ehitthunaka okisuwela Miyo,” onghima Yave.

Yeremiya 9:6 Iomraidhean Croise

Masu a Miruku 1:24

Wa soothesene, nyuwosa mookhootta wiitthanawaka; khaawo aapwatthenle kookonlaaka moonowaaka!

Masu a Miruku 1:29

Yeenre ethanya esuwelo ni ekhootta wooveya wa Yave,

Yesaya 1:25

Kinimootheteelani ntata; kinoovenxa soohitteelasanyu, kisusihaka sootheene siri soonanara mwa nyuwo.

Yesaya 1:3

Emombe elopwana yoomusuwela pwiiyaaya ni buuru oosuwela nikhoola na pwiiyaawe, vaheera aYixrayeli khaasuwenle etthu; mulokwaaka khooniiwexexa.”

Yesaya 4:4

Yave onoorapiha ohitteela wa asithiyana a oSiyoni; onootteeliha ephome eyeehiwe oYerusaleemu ni munepa wa othoriha ni wa mooro.

Yeremiya 11:10

Awosa aahokoleela soottheka sa makholowaaya mwa yaawo yaakhoontte wiiwelela maswaaka, ettharaka miluku sikina weera erumeele. Ipuumba sootheene sa oYixrayeli ni sa oYuda khasiiwelenle wiiraanawaka kaapakenlaaka makholowaaya.

Yeremiya 11:19

Kaari ntoko eputtiputthi yoomaala eronghiwaka owiiviwani; nkaasuwela weera aakivaanelela. Awosa yeenre: “Niphwate mwiri ni soowiimasaya; nuuhe mweelaponi mwa akumi weera nsinanawe nihuupuweleliwetho.”

Yeremiya 13:10

Muloko ola wootakhala onkhootta wiiwa maswaaka, ottharaka ettiyamaaru ya mirimasaya, orumeelaka miluku sikina weera olape, okhaleke ntoko laamba ola – oohimutekoru.

Yeremiya 18:18

Awosa yaaheera: “Nrowe, nimvaanelele Yeremiya; niwoko khanimala nihusiho na Nlamulo na musaserdoti*, hata olaka wa namiruku, naari masu a maprofeeti. Vano, nrowe namoothere weera nihiiwe onghimaawe.”

Yeremiya 20:10

Kiniiwa soowaapa sincipale: “Woova wa mipatta sootheene! Munthoonye! Nrowe Nimuthoonye!” Asinthamwenaaka ootheene angweherera weera kitapanye, yeeraka: “Apaale onoolokhotteya, ni vano ninoongwina ni nimwiinleleke ikukuttula.”

Yeremiya 5:27

Impasaya soosareya olokottha ntoko ikeelo soosareya ipalame; awosa aathatuwa anamapuha ni ooweraxa;

Yeremiya 8:5

Vanonto heeni muloko ola ohapungwaaya? Heeni oYerusaleemu ompwahereraaya opahuwa? Amakaaya aavarexexa olokottha, ekhoottaka ohokolowa.

Hoxeya 11:8

Moota heeni kineeraaka koohiyeeni Efrayimi? Yixrayeli, moota heeni kineeraaka kiwinnyerereni mmatatani mwa akina? Moota heeni kineeraaka koopakeeni ntoko kaampankaaka Adema? Moota heeni kineeraaka koopakeleni yeele kaampakenlaaka Zeboyimi? Murimaaka khoonoona mathanlelo; ikhararisaka sootannyereya.

Hoxeya 4:6

Mulokwaaka woophwatiwa niwoko na ohikisuwela Miyo. Mweenre mukhoottaka esuwelo, Miyotho kinimookhoottani okhala asaserdotaaka; mweenre mukhoottaka Nlamulo na Mulukwaanyu, Miyotho nkaapwattha anamwaniinyu.

Zakariya 13:9

Mpatta wanaararu owo kinohela vayikho; kinootteelihamo ntoko eparatha*, aani ntoko eyuuma yoorikaxa. Awosa animwiitthana Nsinanaka ni Miyo kinoowaakhula, keeraka: ‘Awosa ti mulokwaaka’ ni awosa animweera: ‘Yave ti Mulukwaahu.’”

aRooma 1:28

Woonaka weera awo yaaramusa osuwela wa Muluku, Owo muneenaawe ohaahiya ni soowuupuwelasaya soonanara, weera epake yeeyo yahaatthuneya opaka.

1 aKorinto 15:34

Muupuwelele nnenesene, muhiyerere ottheka, niwoko aakhala akina ahimusuwenle Muluku. Kinghima yeeyo weera kiwuulihiheni muru.

1 Samuweli 2:12

Vano anamwane asilopwana a Eli yaari oohuureya; awosa khayaampwatthela Yave.