Yeremiya 9:3 - Emakhuwa Bible

³ “Awosa anreherera nluminaya ntoko muupa weera elathele soowootha. Ti soowootha, ehikhanle ekhaikhai sinlamula mweelaponi. Awosa anghelelela opaka sootakhala; awosa khaankisuwela Miyo,” onghima Yave.

Yeremiya 9:3 Iomraidhean Croise

Epacerero 39:16

Muthiyana ole aathokorora malaya ale, mpaka orwa wa apwiyaawe Yoseefe.

Masu a Miruku 12:5

Soovaanela sa oororomeleya ti soowookoleleya, vaheera ikano sa atakhali ti soolokottha.

Yesaya 1:3

Emombe elopwana yoomusuwela pwiiyaaya ni buuru oosuwela nikhoola na pwiiyaawe, vaheera aYixrayeli khaasuwenle etthu; mulokwaaka khooniiwexexa.”

Yesaya 3:5

Muloko onoohooxana – asilopwana asilopwanaru, khula mutthu ni mwaattamanaawe. Amiravo animwaahasula anamuuluvala, ooveihereya ni maneethi.

Yesaya 6:5

Kaakhuwela: “Maayi miyo! Miyo kooriheya! Niwoko kiri mutthu a eyano yoohitteela ni kinkhala variyari wa muloko wa iyano soohitteela, ni vano maithwaaka aamoona Mwene, Yave a ikuru sootheene!”

Yesaya 9:18

Vekhaikhai sootakhala singhisa ntoko mooro; seiyo sinimuhisa rupulula ni nyiiwa. Simpattiha maphuwa a moothakoni sitthuwiheraka mwiixi wiirimu.

Yeremiya 12:6

Mpaka axunninyuweene ni amusaanyu xaxaxa ahoovarihani; awosa anoottharelelani ekhuwelaka. Muhaaroromele, naari yooleelakani itthu sooreera.

Yeremiya 22:16

Awo yaahaakiha nthowa na oohaawa ni ootthoiwa, tivawo sootheene saaweettelaaya nnene. Eyo ti eneero ya okisuwela Miyo,” onghima Yave.

Yeremiya 31:34

Khakhalaru mukina anaamuxuttihe mwaattamanaawe hata munneiye, eeraka: ‘Munsuwele Yave,’ niwoko ootheenaawo anookisuwela, okhuma mukhaani mpaka mutokweene,” onghima Yave. “Niwoko Miyo kinimwaalevelela soonanara ni nkuupuwelelatho sootthekasaya.”

Yeremiya 4:22

“Mulokwaaka ti mulolo; awosa khaakisuwenle Miyo, ehiiwexexaka etthu. Ankhovelela opaka soonanara, mene khaangwera opaka yooreera.”

Yeremiya 5:4

Kaahuupuwela: “Awo ti oohaawa paahi; ti alolo, niwoko khaansuwela ephiro ya Yave hata soonyesereriha sa Mulukwaaya.

Yeremiya 5:5

Tivawo kineeraaka kirowe wa ahooleelaaya weera kuulumeno – woohihovela awosa aasuwela ephiro ya Yave, soonyesereriha sa Mulukwaaya!” Vaheera ootheene awo aaphwata yoolemela eyo enapasa onyooro.

Yeremiya 6:28

Ootheene awosa ti anamavaanya a murima woowuuma, epwahereraka owuuluma akina. Awosa ti ebronze* ni eyuuma; ootheene aneetta moota wookhoromana.

Yeremiya 7:26

Vaheera awosa khayaakiiwale hata khayaakipwantthe. Yaari oottiyamaaru ni yaapaka soonanara waapwaha makholowaaya.’

Yeremiya 9:5

Nthamwene onimulokottha mukhwaawe ni khawowo onuuluma ekhaikhai. Awosa anxutteriha malumaaya wootha; aniikhulumula mwa soottheka.

Yeremiya 9:8

Nluminaya ti muupa woowiiva; anuuluma moota woolokottha. Ni eyano khula mutthu oniixoonihera oosaambwaneya ni mukhwaawe, mene mmurimanimwawe amurehererelaka ntapha.

Ezekiyeli 8:13

Yave aaheeratho: “Nyuwo munoowoona epakaka itthu sootepaxa ohiira.”

Daniyeli 11:27

Mamwene meeli awo, mirimasaya soosareya soonanara, anookilaathi vameesa mamoharu, elokotthanaka, mene kheephura etthu niwoko ommaleloni nlelo oneera orwe mweehuhuni yoothanliwa.

Levitiku 19:11

Muhiiye, muhoothe; muhilokotthane.

Marku 8:38

Akhala mukina variyari wa ekhapira yooraruwa ni yoottheka ela onuuliwa muru niwoko na Miyo, naari na maswaaka, Mwaana a mutthu anuuliwetho muru wa yoowo aawaaka vamoha ni andyelowaawe ootteela moovuwani mwa Atithawe.”

Yohaane 17:3

Okumi woohimala ti ola: weera awo yoosuweleni Nyuwo, Muluku mmoharu a ekhaikhai, ni emusuwele Yeesu Kristu mwaamurumihalaanyu.

Miteko 24:9

aYuda yaahaakhulela yoowoothera, eroromelihaka weera seiya saathalihiwe saari sa ekhaikhai.

aRooma 1:16

Nkinuulihiwa muru niwoko na masu ooreeraxa, niwoko ti ikuru sa Muluku singwera waavuluxa ootheene anroromela, woopacera aYuda ni wanaaveeli aGrego.

aRooma 1:28

Woonaka weera awo yaaramusa osuwela wa Muluku, Owo muneenaawe ohaahiya ni soowuupuwelasaya soonanara, weera epake yeeyo yahaatthuneya opaka.

aRooma 3:13

Mimilosaya siri mahiye oohuleya; ni malumaaya annalokottha. Yoohapala ya inowa eri mmwaanomwaya.

1 aKorinto 15:34

Muupuwelele nnenesene, muhiyerere ottheka, niwoko aakhala akina ahimusuwenle Muluku. Kinghima yeeyo weera kiwuulihiheni muru.

aFilipi 1:28

muhiwoovaka hata vakhaani yaawo ari amwiittanaanyu. Wa yaawo eyo eniikhale eneneero ya oriheya, mene wa nyuwo eneneero yoovuluwa, ni eyo enrweela wa Muluku.

2 Timootheyo 3:13

Wa soothesene, oonanara ni oolokottha eniitepaxe onanara elokotthaka ni ereene oolokottheya.

Yuda 1:3

Oosiveleya, naamwi kaatthuna vancipale woolepelani mwaha wa ovuluxiwawahu, kohoona weera waatthuneya woolepelani ni woonyesererihani weera muwane niwoko na nroromelo nivahiwe emaara emoharu wa ootteela.

Ethupululo 12:11

Awo yaamuwina ni ephome ya Eputtiputthi, ni ni masu a onamoona akhalenlaaya. Awo khayaakhoontte oleva okumaaya asineenaaya.

Ahooleli 14:17

Mwaariye Samesoni anniinla mahuku maxexe makinaawo a efesta. Vanonto, vanihukuni nanaathannameeli Samesoni aamuthalihera ethalaawe eenre apwahereraka omuxupa. Owo aarowa waathalihera atthwaawe.

Ahooleli 2:10

Vano emalamanleene makholo a ekhapira yootheene yeele, yaakhumelela ekhapira enyowani yahaamusuwenle Yave, hata yeeyo aapakenlaawe aYixrayeli.

1 Samuweli 2:12

Vano anamwane asilopwana a Eli yaari oohuureya; awosa khayaampwatthela Yave.