Yeremiya 9:2 - Emakhuwa Bible

² Ii! Waariwo woophiyerawaka munikareni, weera kihiye mulokwaaka kisusaka mwa yoowo; ootheene awo anamararuwa ni nakupa a anamavariha.

Yeremiya 9:2 Iomraidhean Croise

Yesaya 59:3

Vano matataanyu aasareya ephome ni ikathasanyu soosareya mathowa. Iyanosanyu sinuuluma soowootha ni malumaanyu anlokolola itthu soonanara.

Yeremiya 12:1

Ii! Yave, khula emaara kinooruuhelaakani mulattu, Nyuwo munlakela ni ekhaikhai. Wa soothesene, kintthuna wuuluma ni Nyuwo mwaha wa ekhaikhayaanyu. Atakhali singweettelela heeni nnene? Anamavariha ootheene ahinkhalanela heeni milattu?

Yeremiya 12:6

Mpaka axunninyuweene ni amusaanyu xaxaxa ahoovarihani; awosa anoottharelelani ekhuwelaka. Muhaaroromele, naari yooleelakani itthu sooreera.

Yeremiya 13:22

Vano nyuwo mwiikoha: “Eyo enkikhumelelelani?” Vano musuwele weera ti niwoko na sootthekasanyu sincipale ikuwosanyu sivenuleliwaaya ni nyuwo moopuheriwa.

Yeremiya 23:10

Elapo yoosareya anamararuwa; niwoko na nlapho elapo eri yoowuumelela ni moocihamo mwa munikareni woonyaala. Maprofeeti antthara ephiro yoonanara evarelaka muteko ikurusaya moota woohiroromeleya.

Yeremiya 4:22

“Mulokwaaka ti mulolo; awosa khaakisuwenle Miyo, ehiiwexexaka etthu. Ankhovelela opaka soonanara, mene khaangwera opaka yooreera.”

Yeremiya 5:1

“Muviravire mmiseweni sa oYerusaleemu, ngwehawehe ni moone; mwaasaase mmapuwanimwaya. Mwamphanya hata mutthu mmoha ni mweettelowaawe woororomeleya, aasaasaka ekhaikhai, kinoolevelela esidade ela.

Yeremiya 5:11

Vano ipuumba sa oYixrayeli ni sa oYuda khasiroromeleiye moota woomalela,” onghima Yave.

Yeremiya 5:2

Naari yeeraka: ‘Kinlipela mwa Nsina na Yave,’ vekhaikhai anlipela moota woowootha.”

Hoxeya 4:2

Anooneya paahi malapho, wootha ni wiivaniwa, wiiyeraniwa, oraruwelaniwa; iyo soopwaha nyiinano sootheene! Oyeehiwa wa ephome wootepaxa.

Hoxeya 5:7

Khayaaroromeleiye waYave; ahaayarasa anamwane mooraruwani. Vano ifestasaya sa mweeri munyowani sinimwaanyaanya, okhuma awosa mpaka imattasaya.

Hoxeya 6:7

Ntoko Adamu, awosa aananariha wiiraana, enakikhalela oohiroromeleya.

Hoxeya 7:4

Ootheene awo ti anamararuwa ehisaka ntoko ttukuttha, moorweene yoowo namooxa ipaawu ohintthuneyaaya otetheera okhuma oneetheiwaaya mpaka onnyaruwaaya.

Mikeyasi 6:12

Anamapuhaaya ti anamapuhera; mulokwaaya ti woowootha ni malumaaya anuuluma moolokotthani.

Zefaniya 3:4

Maprofeetaaya ti oohikhalano miruku, ti asilopwana oovariha. Asaserdotaaya anghiiriha Nipuro Nootteela*, epuheraka Nlamulo.

Malekiya 2:11

Yuda kharoromeleiye. oYixrayeli ni oYerusaleemu yoopakiwa etthu yoohiira: aYuda yaaveiha Nipuro Nootteela* onsivelaawe Yave, yaathelaka asithiyana anlapa miluku sa anamarwa.

Malekiya 2:14

Nyuwosa nlelo munkoha: “Heeni?” Niwoko ti Yave onkhalela onamoona eriyari ya nyuwo ni muthiyana a emiravowaanyu, niwoko nyuwo khamuroromeleiye ni yoowo, owo orookhalaru mwaarinyu, muthiyana mwiiraanannaanyu moothelanani.

Yakobe 4:4

Anamararuwa! Khamusuwenle weera onthamwene ni elapo ela ti omwiittana ni Muluku? Yoowo ontthuna okhala nthamwene a elapo ya vathi oniikhaliha mwiittana a Muluku.

Ahooleli 2:10

Vano emalamanleene makholo a ekhapira yootheene yeele, yaakhumelela ekhapira enyowani yahaamusuwenle Yave, hata yeeyo aapakenlaawe aYixrayeli.