Yeremiya 9:15 - Emakhuwa Bible

¹⁵ Tivawo Yave a ikuru sootheene, Muluku a aYixrayeli oneeraawe ha: “Moone, kinoonyesereriha muloko ola oca sooca soowaawa ni owura maahi ooheliwa yoohapala.

Yeremiya 9:15 Iomraidhean Croise

Icipo 60:3

Mooviriha mulokwaanyu mweehuhuni soohooxa; moonivaha eviinyu yoorukureeriha muru.

Icipo 69:21

Aahela yoowaawa muyoocanimwaka ni kaavoliwaaka ntthona, yaakivaha eviinyu yoonyuunya.

Icipo 75:8

Mmatatani mwa Yave yookhalamo ekoomixi yoosareya eviinyu yooxaxa ni yoothiteliwa; Owo ommiinela vathi ni atakhali ootheene a elapo ya vathi angwura mpaka nttonyo noosinsa.

Icipo 80:5

Moociha mulokwaanyu ni sooca sa maithori; moowuriha ekoomixi ya maithori.

Yesaya 2:17

Wiikuxa wa omutthu onooveiheya ni wiixoonawaya onooyevihiwa. Yave paahi ti anaavuwihiwe nihuku nenenenno

Yesaya 2:22

Muhimuroromele mutthu mwa yoowo okumaawe onlikana ni iphumu mphulanimwaya! Otthuneiye mootani?

Yeremiya 23:15

Tivawo yeeyo Yave a ikuru sootheene onghimaawe mwaha wa maprofeeti ti ela: “Miyo kinoopakiha weera ece yooca yoowaawa ni ewure maahi ooheliwa yoohapala, niwoko okhuma maprofeeti a oYerusaleemu otakhala woomwareela mweelaponi yootheene ela.”

Yeremiya 24:10

Kinimwaarumihelasa ekhotto, etala ni nihooxo mpaka eneeraaya emalamalihiwe mulaponi kaavanghaaka awo ni makholowaaya.’ ”

Yeremiya 25:15

Yave, Muluku a oYixrayeli aakeerela ha: “Mwaakhele mmatatanimwaka ekoomixi ela esareiye eviinyu ya isarasaka ni mwawurihe miloko sootheene kinoorumihelaakani.

Yeremiya 44:27

Kinimwaawehaweha weera kaaruuhele erisa ohikhanle mpuha; aYuda a wExipitu anooriheya mwa ekatana ni mwa etala mpaka eneeraaya ephwateye ootheene.

Yeremiya 49:37

Kinoopakiha weera wElami othukumele ohoolo wa amwiittanaaya, ohoolo wa yaale anghaawela owiiva amakaaya. Kinimwaaruuhela erisa, isarasaka soopatta,” onghima Yave. “Kinoopakiha weera ekatana yaattharelele mpaka Miyo kineeraaka kaamalamalihe.

Yeremiya 8:14

Nikilaathenleni va? Muthukumane! Nitthaweleke isidade soolipihiwa weera nakhwelewo. Yave Mulukwaahu oonithorihela weera niphwatiwe ni oonivaha maahi ooheliwa yoohapala weera niwure niwoko noomutthekela.

Icipo Soolalamika 3:15

Ookivoniha ni makukhu oonyuunya, anakiwuriha wamwa.

Icipo Soolalamika 3:19

Kinuupuwelela ohaawawaka ni othananawaka, onlikana ni wamwa ni yoohapala.

Ezekiyeli 5:12

Mpatta wanaararu wa mulokwaanyu oniwiiviwe ni nihooxo hoye hoye onuuriheye mutalani mpuwa mwa ixirisanyu; mpatta wanaararu mukina oniwiiveliwe ekatana mukerekhere wa esidade; ni mpatta mukinoowo kinoomwaraxela mipatta sootheene sa mpheyoni kitthareleleke kivarenleene ekatana.

Ezekiyeli 5:2

Emanleene mahuku a oriciwa wa esidade, muhisere mmooroni mpatta wanaararu wa mayihi musidadeni mmo. Mukuxe mpatta wanaararu ni muthikile ni ekatana muxerexere wa esidade yootheene. Mpatta wanaararu mukinoowo, mmwaraxele mpheyoni. Vano Miyo kinimwaattharelela ni ekatana yoohululiwa munluwoni.

Deuteronomiyo 28:36

Yave onimooronghani nyuwo ni mwene munthanlalaanyu woolamulani mmulokoni muhisuwenlaanyu nyuwo ni makholowaanyu. Weiwo mmwalape miluku sikina sipakiwe sa nyiri ni maluku.

Deuteronomiyo 29:18

Nnene weera ahikhale anaaphwanyaneye mwa nyuwo mulopwana hoye hoye muthiyana, nihimo naari epuumba anuupuwelele omuhiya Yave Mulukwaahu, alapaka miluku sa miloko iye. Ahiphwanyaneyeru eriyaraanyu mmoha onkhala ntoko mkwankhwaari mmoha omphuwa soowaawa ni soohapala.

Ethupululo 8:11

Nsina na ethenyeeri ti Absinto. Vano mpatta wanaararu wa maahi waathatuwa woowaawa, ni ancipale yaahookhwa niwoko na maahi yaathatungwe oowaawa.