Yeremiya 9:10 - Emakhuwa Bible

¹⁰ Kinimwiinla, kinimwiikhupanyera ni kinoolalamikela nyaako niwoko na moocihamo weenre othaamiwamo ni khaawowo amviramo. Khooniiwanyeya onyakula wa mihuwo; ipalame sa wiirimu sootthawa ni axinama aalakaseya.

Yeremiya 9:10 Iomraidhean Croise

Yesaya 41:15

“Moone, kinimootatuxani maakina ookhurulela etthaya – manyowani ni arino maino a eyuuma. Nyuwo munookhurula nyaako ni munoottikittha mattumuxa mutatuxaka ntthupi.

Yesaya 49:19

Naari muheleiyeene nthala ni muthaamiweene, naari elapwaanyu ereene ittuxoru, vano elapwaanyu enooyevaxa wa mulokwaanyu wootheene ni yaale yookhuuraleni anookhala ottaiwene.

Yeremiya 12:10

Akukhuli ancipale aananariha emattaaka ya iwuuva* enyikhalelaka yeeyo; awosa aatatuxa emattaaka yooreeraxa nikare noophwatiwa.

Yeremiya 12:11

Eyo aapaka elapo yoophwatiwa, yoowuumelela ni yoothaamiwa vamaithoniwaka; elapo yootheene yoophwatiwa, mene khawowo ompwatthela.

Yeremiya 12:4

Mpaka yaakhani elapo yiinanelaka ni malaxi a ntuphini enyaalaka? Axinama ni ipalame aaphwatiwa niwoko amaki a elapo aasareya otakhala. Ohiya toko yeeyo – atthu aneera: “Owo khoona ommaleloniwahu.”

Yeremiya 14:6

Abuuru a ntuphini ampwaherera weemela mmattumuxani oowuumelela emumulaka ntoko akhwatte; maithwaaya anaasaasaxa malaxi, mene khaawowo.”

Yeremiya 2:15

Amwatto anootturumela ekongelaka ohoolowaya; elapwaaya yaahiiwa ttewu; isidadesaya sooheleya nthala, soothaamiwa woomalela.

Yeremiya 2:6

Awosa khayaakonghe: Ori woowi Yave, onikhumihale wExipitu ananeettiha munikareni, mulaponi moowuumelela ni moothipeyasa, elapo yoothowa maahi ni ya epiphi, mwa yeeyo ehimviriwaru ni ehinkhaliwaru?

Yeremiya 23:10

Elapo yoosareya anamararuwa; niwoko na nlapho elapo eri yoowuumelela ni moocihamo mwa munikareni woonyaala. Maprofeeti antthara ephiro yoonanara evarelaka muteko ikurusaya moota woohiroromeleya.

Yeremiya 50:3

Muloko onuurweele mpatta wa ottuttuwani onoowanano, onoophwata elapwaaya woohimuhiyarumo mmaki; okhuma atthu mpaka axinama anootthawa.

Yeremiya 7:29

Mmetthe mayihaanyu ni murihe; mulalamike mmattumuxani oothaamiwa, niwoko Yave oohiya ni ookhootta ekhapira ela entannya isarasawe.

Yeremiya 8:18

Othanana wookivara; murimaaka woovalavelaxa.

Icipo Soolalamika 1:16

Tivawo miyo kiniinlaaka; mmaithonimwaka esareiyeene maithori. Khawoworu onkaattamela weera akipembese, khawoworu onreherera okumaaka. Anamwanaaka khaanonoru oowaakosoopa, niwoko mwiittana oopwaherera owina.”

Icipo Soolalamika 2:11

Maithwaaka aakhulumuwa wiinla, munepaaka woohasuwa, murimaaka wookiriipaxa, niwoko mulokwaaka woophwatiwa ni amiravo ni anamwane ankomokela mmiseweni sa musidade.

Icipo Soolalamika 5:18

Yeereenle hiiho niwoko mwaako Siyoni wooheleya nthala ni akhwatte aneetteetta mwemmo.

Ezekiyeli 14:15

Hoye hoye Miyo kaarumihela axinama a ntuphini mulaponi mmo ni awosa yahiyasa ehiyanre, ni eyo yathatuwa yoothaamiwa moota wooweera khaawo anaaviremo, awoovaka axinama,

Ezekiyeli 27:2

“Mwaana a mutthu, mulalamikele oTiro.

Ezekiyeli 29:11

Khakhalaru mutthu naari mwaamunama anaavirewo. Kheewoworu eniikhale ni okumi wa iyaakha miloko mixexe.

Ezekiyeli 33:28

Kinootatuxa elapo nikare noothaamiwa. Kinoomaliha ikurusaya soowiixunnuwiha, ni nyaako sa oYixrayeli sinoothaamiwa moota wooweera mpaka ohikhalaru mutthu anaahaawele ovirawo.

Ezekiyeli 6:6

Muneeraanyu mukhaleru, isidade iyo sinookurumuliwa ni miluku soowootha sa mmattumuxani sinoopuruliwa, siphwatiweke; milukusanyu sinoonyaanyiwe sitatuxiweke mathala. Altaaraanyu a erubani* anoopwexiwa ni sootheene mpankaanyu sinoomalamalihiwa.

Hoxeya 4:3

Tivawo elapo enlalamikaaya, ni amakaaya ootheene anoondaaya; axinama a ntuphini, ipalame sa wiirimu ni ihopa sa mphareiya sinnikhwa.

Yoweli 1:13

Ngware isaakho, nyuwosa asaserdoti* ni mulalamike nyuwosa munrumeela ohoolo wa altaari*. Murwe, mvirihe ohiyu ngwanreene isaakho, nyuwosa munrumeela vamaithoni wa Mulukwaaka, niwoko sooveleela sa etrigu ni soowura soorakamelihiwa Mpaani mwa Mulukwaanyu.

Yoweli 1:19

Ii Yave! Kinoovekelani Nyuwo, niwoko mooro woohisa waacihiwamo axinama ni malumi a mooro aalaliha nyiri sootheene sa mmatta.

Amosi 5:1

Ii! Muloko wa oYixrayeli, mwiiwe masu ala a olalamikeliwawanyu:

Amosi 5:16

Vanonto Yave, Muluku a ikuru sootheene, oneera ha: “Onookhala olalamika mmapuwani moothemwene, ni okhuweliwa wa othanana mmiseweni moothemwene. Anamalima anoolattuliwa weera yiinle, ni anamwiikhupanyera weera elalamike.

Mikeyasi 2:4

Nihuku nno, nyuwosa munootthebwiwa; animootheyani ni ecipo yoothananiha ela: ‘Nooheleyaxa nthala; ettima ya mulokwaaka yookawanyeya. Owo ookaakha! Ittimasahu ohaavaha anamavariha.’ ”

Mikeyasi 3:12

Tivawo niwoko na nyuwosa, oSiyoni oneeraaya ottipuriwe ntoko ematta, oYerusaleemu onoothatuwa ettuxo, ni nttumuxa na Empa ya Muluku nnoosareya maphuwa.