Yeremiya 9:1 - Emakhuwa Bible

¹ Ii! Muruwaaka waari naatuuttu a maahi ni maitwaaka ehime ya maithori! Vano kaamwiinla ohiyu ni othana niwoko na okhwa wa mulokwaaka.

Yeremiya 9:1 Iomraidhean Croise

Icipo 119:136

Nkimmaala wiinla, niwoko Nlamulonanyu khanneetteliwa.

Icipo 42:3

Yoocaaka ti maithori othana ni ohiyu, atthu ekikohaka nihuku nootheene: “Mulukwaanyu ori woowi?”

Icipo 55:7

aani kaamtthawela ottaiwenexa, kikhalaka munikareni. Sela*

Yesaya 16:9

Vano kiniinla ntoko oniinlaaya oYazari niwoko na imatta sa iwuuva* sa oSibema. Ii! Hexeboni, Ii! wEleyali, kinoonaanihani ni maithoraaka! Okhuwela wa ohakalala niwoko na soowiimasanyu ni ohephawanyu woomala.

Yesaya 22:4

Tivawo keenraaka: “Mususe wa miyo, mukihiye kiixiinlele. Muheerere okipepesa niwoko na ophwatiwa wa mulokwaaka.”

Yeremiya 13:17

Mene nyuwo mwaahiiwa, kinimwiinla muxiirini niwoko na wiixoonawanyu. Kinimwiinlaxa ni maithwaaka anoosareya maithori, niwoko muhuwo wa Yave onooronghiwa wootthukiwani.

Yeremiya 14:17

“Mwaaleele ha: ‘Maithwaaka esareyeke maithori ohiyu ni othana woohihiyerera, niwoko mwanaka oowiikosoopa, mulokwaaka, oovulalaxa, oomaniwa moota woowoopiha.

Yeremiya 3:10

Orookhalaru hiiho, axunnaya aYuda anamavariha, khaahokoleenle wa Miyo ni murima wootheene, mene ni woothereriha,” onghima Yave.

Yeremiya 4:19

Ii! Othananawaka, othananawaka! Kinnathukumela ni ovoreya! Ii! Exiri ya murimaaka! Murimaaka onnakitthimaka ni nkingwera omaala. Niwoko kohiiwa oruma wa nipalapatta; kohiiwa okhuweliwa wa ekhotto.

Yeremiya 5:7

“Kaahooleveleleleni heeni? Anamwaniinyu aakihiya ni anlipela mwa miluku sihikhanle miluku. Kohaavaha sootheene yaatthunaaya, hata hiiho aararuwa ni annarowa wa impa sa mapuuta.

Yeremiya 6:26

Ii! Mulokwaaka, muwarele isaakho ni mwiihele ettuura. Mwiinle moota woolalamikaxa ntoko mutthu ommwiinlela mwaniye mmoharu, niwoko wootutuxereya namaphwata onooniphwanya.

Yeremiya 8:18

Othanana wookivara; murimaaka woovalavelaxa.

Yeremiya 9:18

Awosa erwaase woowaakuveya weera enilalamikele mpaka maithwaahu osareya maithori ni maahi okhwalalela mmakwikhwinimwahu.

Icipo Soolalamika 2:11

Maithwaaka aakhulumuwa wiinla, munepaaka woohasuwa, murimaaka wookiriipaxa, niwoko mulokwaaka woophwatiwa ni amiravo ni anamwane ankomokela mmiseweni sa musidade.

Ezekiyeli 22:12

Mpuwamwanyu, aakhala atthu anaakhulela makhwankwa weera eyeehe ephome; nyuwo munkoongoriha mweerelaka oliviwa iphura, ophwanya ewinelo, ni mungwina moota woohiroromeleya munnyesererihaka ni mmwiiyeraka mukhwiinyu. Nyuwo mookittiwala, onghima Yave onlamula sootheene.

Hoxeya 7:4

Ootheene awo ti anamararuwa ehisaka ntoko ttukuttha, moorweene yoowo namooxa ipaawu ohintthuneyaaya otetheera okhuma oneetheiwaaya mpaka onnyaruwaaya.