Yeremiya 8:8 - Emakhuwa Bible

⁸ Mungwera hayi weera: “Hiyo asuweli niwoko nookhalano Nlamulo na Yave,” mene vekhaikhai sireene paahi soowootha sa anamalepa atatunxaaya?

Yeremiya 8:8 Iomraidhean Croise

Yobi 11:12

Vaheera hiiho ntoko ohingwereyaaya buuru a mutuphini omuyara mwaaxaana mulopwana, hiihotho khoongwereya weera mulolo athatuwe musuweli.

Yobi 12:20

Ommaaliha iyano sa anamalaka oororomeleya, omvenxa iseru sa ahooleli a muloko.

Icipo 147:19

Ommoonihera Nsunawe Yakobe; malamulowaawe ni ikanosawe wa Yixrayeli.

Masu a Miruku 17:6

Osuulu ti ecireemba ya anamuuluvala, ni asitiithi ti wiittikha wa anamwanaaya.

Yesaya 43:27

Tiithiinyu oopacera oottheka; mamwaakhulaanyu aakivaanya.

Yeremiya 18:18

Awosa yaaheera: “Nrowe, nimvaanelele Yeremiya; niwoko khanimala nihusiho na Nlamulo na musaserdoti*, hata olaka wa namiruku, naari masu a maprofeeti. Vano, nrowe namoothere weera nihiiwe onghimaawe.”

Yeremiya 19:7

Vanipuroni nna kinoonanariha soovaanela sa oYuda ni oYerusaleemu. Kinoopakiha weera yiiviwe ni amwiittanaaya mukatanani; mmatatani mwa yaawo anaattharatthara ni kinoovaha mittembosaya ntoko yooca wa ipalame sa wiirimu ni axinama a ntuphini.

Yeremiya 2:8

Asaserdoti* khayaamukoherera Yave; anamataphulela a nlamulo khayaakisuwela, ni ahooleli a muloko yaakivaanya. Maprofeti yaathalihera otthuna wa Muluku mwa nsina na Bahali*, ettharaka miluku soohimuteko.

Yeremiya 4:22

“Mulokwaaka ti mulolo; awosa khaakisuwenle Miyo, ehiiwexexaka etthu. Ankhovelela opaka soonanara, mene khaangwera opaka yooreera.”

Yeremiya 48:14

Ongwereya hai nyuwo weera: ‘Hiyo anakhotto ooweraxa, nri anamawana’?

Hoxeya 8:12

Miyo kohaalepelasa mahusiho ootheene a Nlamulonaka, vaheera awosa anoona ntoko etthu yoohisuweleyaaya.

Matheyo 15:6

Apaka yeeyo, nyuwo munnaakhulela weera owo khanyesererihiwa waattittimiha atithawe mooteene yoola. Hiiho nyuwo munkhootta masu a Muluku niwoko na ekhovelelowaanyu.

Yohaane 9:41

Yeesu aaweerela: “Nyuwo mwaari oohoona, khamwaakhala ni nthowa na yoottheka. Vanonto mweenre mweeraka: ‘Ninnoona,’ nthowananyu ninoopwaherera.

aRooma 1:22

Yaari mwiixeerelaru asuweli, yaathatuwa alolo.