Yeremiya 8:7 - Emakhuwa Bible

⁷ Mpaka ntiki onsuwela ihuhu ovaheriwaawe; hiihotho ekhunda, meenkesa ni malooya annoona ihuhu sa othaamawaya, mene mulokwaaka khoosuwenle soonyesereriha sa Yave.

Yeremiya 8:7 Iomraidhean Croise

Ecipo Yooreeraxa 2:12

Ithutu sinttuva mulaponi, ni yoophiyera ehuhu yoowiipa; mulaponimwahu oniiwanyeya wiipa wa ikhunda.

Yesaya 1:3

Emombe elopwana yoomusuwela pwiiyaaya ni buuru oosuwela nikhoola na pwiiyaawe, vaheera aYixrayeli khaasuwenle etthu; mulokwaaka khooniiwexexa.”

Yesaya 27:11

Iphandisaya suumaka ni saavasuwaka, asithiyana anootetheera. Vano muloko owo ti woohiiwexexa; tivawo Yoole aapanke ohinaamorelaawe ikharari; Mpattuxaaya khanoonihera murima wooreera.

Yesaya 5:12

Ofestaniwaya ankhalano amakita, atthakare, akarakaxa, ampetta ni eviinyu. Vaheera khaampwattha miteko sa Yave, ehittittimihaka soopaka sa matataawe.

Yeremiya 4:22

“Mulokwaaka ti mulolo; awosa khaakisuwenle Miyo, ehiiwexexaka etthu. Ankhovelela opaka soonanara, mene khaangwera opaka yooreera.”

Yeremiya 5:6

Tivawo mwatto a moothakoni aneeraawe aakarawele, mwiici wa munikareni onimwaaluma, havara onoowiipithela mukhwipi mwa mittetthesaya weera amunyaanye akhalaru mutthu aneera akhumemo, niwoko ovaanyawaya ti otokotoko ni soohapuwasaya ti sincipale.

Habakuki 1:4

Tivawo Nlamulo nihimvaraaya muteko ni ekhaikhai kheenkwaniheriwa. Atakhali anaattharatthara oororomeleya moota wooweera ekhaikhai enoovaanyiwa.

Zakariya 5:9

Vano kaaweha, kinawoona asithiyana eeli ohoolowaka yaarino mapupha ntoko a ntiki; epheyo yaavenula mapuphaaya. Vano awosa yaattukhulela mpapara eriyari ya erimu ni vathi.