Yeremiya 8:13 - Emakhuwa Bible

¹³ Yave onghima: Kinoovurula soohephasaya. Khasihalaru soowiima mmatta mwa iwuuwa. Khasihalarutho soowiima sa nyiri sa efiigu* ni makukhwaaya animuuma. Yeeyo kaavanghaaka animwaakhiwa.’ ”

Yeremiya 8:13 Iomraidhean Croise

Yesaya 5:10

Ematta ya mikwara muloko enooruwera iliitru* miloko miili ni piili sa eviinyu paahi ni ikiilu* macira meeli ni miloko miili sa mmiso sinooruwera ikiilu* miloko miili ni piili sa etrigu paahi.”

Yeremiya 14:12

Naari etthukaka, Miyo nkirwa kiwiiwa okhuwelawaya; naari epakaka sooveleela soohisa ni sa etrigu, nkirwa kiwaakhulela. Ohiyanawaya, kinimwaaphwata ni ekatana, etala ni nihooxo.”

Yeremiya 14:15

Tivawo Yave oneeraawe ha mwaha wa maprofeeti anthalihera masu a maprofeeti mwa Nsinanaka: Miyo nkaaruminghe, hata hiiho awosa aneera: ‘Kheewowo ekatana naari etala eneera etave elapo ela.’ Vano maprofeeti yaaweene animwiiviwa ni ekatana ni etala.

Yeremiya 17:8

Owo onookhala ntoko mwiri ophwatteiwale mukerekhere mooloko ni mikwankhwaarisaya sinkhuruwela mmaahini. Mwiri owo khoonoova waarwaaka ovihaxa; makukhwaaya ankhala oorimbeleleene. Khoonghaawela maahi yaahitthula hata khoonghiya wiima.”

Yeremiya 5:17

Awosa anoomira soohephasanyu ni soocasanyu; animwaamira anamwaniinyu asilopwana ni asithiyana; anoomira imombesanyu ni ikhondoolosanyu, imattasanyu sa iwuuva* ni nyiri sa efiigu*. Awosa anoophwata ni ekatana isidade soolipihiwa mwa seiyo munroromelaanyu.

Yeremiya 7:20

‘Tivawo Yave onlamula sootheene oneeraawe ha: Onyoonyiwawaka ni isarasaka sinooyeeheriwa nipuro nna, mwaatthuni, mwaaxinamani, mmirini sa mmatta nitho mwa soowiima sa vathi; iyo sinoohisa ni khasicipihiwa.

Ezekiyeli 22:31

Tivawo kineeraaka kaayeeherase isarasaka ni kaalalihe ni onyoonyaxiwawaka woovarela; koottaruxelakani yoonanara opankaaya,’ onghima Yave onlamula sootheene.”

Hoxeya 2:12

Kinoohela nthala imattasaya sa iwuuva* ni ifiigu, mwa seiyo yaaliviwaayano ni yaawo anaakonanaaya; kinootatuxa maphuwa, ni axinama a ntuphini anoonyaanyasa.

Yoweli 1:7

Muloko ole woophwata imattasaka sa iwuuva* ni nyirisaka sa efiigu*. Wohaattula makulaaya ohiyaka iphandisaya soowaattuliwasene ttwee.

Levitiku 26:20

Ikurusanyu khasivareleya muteko niwoko khamuruwera etthu mulaponi, hata nyiri khasiwiimelani.

Habakuki 3:17

Naari ohittuvaka mwiri wa efiigu* hata sihooneyaka iwuuva* muvideirani*; naari wooceeleyaka ohepha wa sooliveira* ni imatta sihiruwereyaka; naari sihikhalaka ikhondoolo hoye hoye imombe munikhoolani –

Axewu 1:11

Mutuphini ni mmwaako kootannyera wuumelela ophwannye etrigu, eviinyu, makhura ni sootheene enruweraaya etthaya, mpakatho atthu, mihuwo ni miteko sootheene sa matataanyu.”

Axewu 2:17

Miyo koophwata muteko wootheene wa matataanyu ni nihooxo, murawa ni maralala, vaheera nyuwosa khamwaahokoleenle wa Miyo,” onghima Yave.

Malekiya 3:11

Kinimooceeliha mahooxo ohonona soohepha, ni iwuuva* sinimwiima soowiimasaya mweehuhunimwaya,” oneera Yave a ikuru sootheene.

Matheyo 21:19

Oonaka mwiri wa efiigu mukerekhere ephiro, aahaattamela, mene khaaphwannye etthu, ehikhanle makukhu. Vano aaheerela: “Ohiime mahuku ootheene!” Woowaakuveya mwiri ole waahuuma.

Yakobe 1:11

Vano nsuwa ningwela ni ovihawaya woovarela ni ninnyaaliha mwiri, ni ethutwaaya eniimore, ni oreera wa ekhalelowaaya enoophwatiwa. Mooteene yoowo, namapuha anaanyaale, areene oopwattha mitekosawe.