Yeremiya 7:9 - Emakhuwa Bible

⁹ Munuupuwela weera onoowereya wiiya, wiiva, oraruwa, wootha, omuhisera erubani* Bahali* ni otthara miluku sikina muhisuwenlaanyu,

Yeremiya 7:9 Iomraidhean Croise

1 Mamwene 18:21

Eliya aaheemela ohoolo wa muloko eeraka: “Heeni munghovelaanyu othanla? Yave aari Muluku, muntthareke; vaheera Bahali* ari Muluku, vano muntthareke!” Wa soothesene, muloko waari emaalelo.

Okhuma 20:3

Muhikhalane miluku sikina okihiya Miyo.

Yesaya 1:13

Muhiyerere okiruuhela sooveleela soohimuteko. Erubanaanyu ti ya mwiikho wa Miyo. Nyeeri sinyowani, iSaabadu ni mithukumano – nkingwera ovilela iyo soosareya soonanara!

Yesaya 58:2

Vano khula nihuku awosa annikaasa; awosa antthunaxa osuwela iphirosaka ntoko waari muloko ompaka yeeyo eri yooreera ni ohihingye malamulo a Mulukwaaya. Awosa ankivekela soolakela sa ekhaikhai ni ankhala ntoko anamahaawela weera Muluku aakhuveele.

Yeremiya 1:16

Kinoothoriha mulokwaaka niwoko na sootakhalasaya sootheene wookihiya Miyo, ohiseraka erubani* miluku sikina ni olapaka seiyo apankaaya matataaya.

Yeremiya 11:13

Ii! oYuda, nyuwo mookhalano miluku sincipale ntoko waatta wa mittetthesanyu ni waatta wa altaaraanyu* mwiitekenlaanyu weera munghisere erubani* mulukweene yoowo wa mwiikho Bahali*, ori ntoko waatta wa misewe sa oYerusaleemu.’

Yeremiya 11:17

Yave a ikuru sootheene, ophatteiye, ohoorumihelani erisa, niwoko ipuumba sa oYuda ni oYixrayeli soopaka soonanara sitannyaka isarasaka woomuhisera erubani* Bahali*.

Yeremiya 13:10

Muloko ola wootakhala onkhootta wiiwa maswaaka, ottharaka ettiyamaaru ya mirimasaya, orumeelaka miluku sikina weera olape, okhaleke ntoko laamba ola – oohimutekoru.

Yeremiya 18:15

Wa soothesene mulokwaaka wookittiwala; awosa anghisera erubani* miluku soohimuteko, mwa seiyo sinaakwattuliha mphironimwaya ni mphironi sa khalayi. Iyo sohaatannyera weetta moothweelelani mmiseweni soothipakaseya.

Yeremiya 19:4

Vano awosa aakihiya ni aatatuxa nipuro nna nipuro na miluku sa anamarwa; awosa aahisera erubani* miluku mwa seiyo awosa, naari makholowaaya, hata mamwene a oYuda yahaasuwenlaayaru ni aasariha nipuro nna ephome ya oohinthowa.

Yeremiya 32:29

aBabiloniya angwanano esidade ela, anoovolowamo, ehiseke. Awosa anoohisa vamoha ni impasene mwa seiyo muloko otannyenraaya isarasaka emuhiseraka erubani* Bahali* mmapathonimwaya, eyeehaka sooveleela soowura ettittimiherelaka miluku sikina.

Yeremiya 44:3

niwoko na yoonanara apankaaya. Amakaaya aatannya isarasaka, ehisaka erubani* ni elapaka miluku sikina, mwa seiyo hata awosa, naari nyuwo hata makholowaanyu ahisuwenlaaya.

Yeremiya 44:8

Mutannyerenleni isarasaka ni yeeyo mumpakaanyu, muhiseraka erubani* miluku sikina sa wExipitu, wenno murwiiyaanyu okhala? Nyuwosa munimwiiphwata ni munimwiitatuxa etthu yoonyoosiwa ni yootthebwiwa variyari wa miloko sootheene sa mulaponi.

Yeremiya 44:9

Weeraka nyuwosa moottiwala sootakhala yaapankaaya makholowaayu ni mamwene a oYuda ni axaaraya, ni sootakhalasanyu mumpakaanyu vamoha ni axaarinyu mulaponi mwa oYuda ni mmiseweni sa oYerusaleemu?

Yeremiya 48:35

oMowabe kinimwaamalamaliha yaale ampakela sooveleela mwaaltaarini a miluku sikina ni anghisera erubani* milukusaya,” onghima Yave.

Yeremiya 5:2

Naari yeeraka: ‘Kinlipela mwa Nsina na Yave,’ vekhaikhai anlipela moota woowootha.”

Yeremiya 5:7

“Kaahooleveleleleni heeni? Anamwaniinyu aakihiya ni anlipela mwa miluku sihikhanle miluku. Kohaavaha sootheene yaatthunaaya, hata hiiho aararuwa ni annarowa wa impa sa mapuuta.

Yeremiya 7:6

nyuwosa mwaahaahasula anamarwa, akwaasuni hoye hoye asinaamukhweli ni mwaahiyeehera ephome yoohinthowa nipuro nna, ni mwaahitthara miluku sikina mwiihelaka nthala,

Ezekiyeli 18:18

Vaheera atithawe eniikhwele niwoko na yootakhalaaya xaxaxa, yeenre awo yakuxa musurukhu ngwoopopihani, emwiiyeraka mukhwaaya, enapaka yeeyo eri yoonanara eriyari ya mulokwaaya.

Ezekiyeli 20:30

“Vanonto, mweerele muloko wa oYixrayeli weera Yave onlamula sootheene oneera ha: Weeraka nyuwosa munimwiivaliha mooteene yoole yiivalinghaaya makholowaanyu? Munoohaawelaxa icaambulosanyu soohiira?

Ezekiyeli 23:39

Nihuku nenenenne yaaveleelasaaya anamwanaaya asilopwana wa milukusaya, awosa yaamvolowa vaNipuroniwaka Nootteela*, enahiiriha. Ti yeeyo apankaaya Mpaanimwaka.

Ezekiyeli 5:11

Vanonto, kinlipela mwa okumaaka, onghima Yave onlamula sootheene, mweenre mvaliha Nipuronaka Nootteela* ni icaambulosanyu soothanyeya ni soopakasanyu soohiira, Miyo kinoovenxa mareelihowaaka. Nkoomorelani ikharari hata nkiwuurelani.

Hoxeya 2:13

Miyo kinimwaattaruxela mahuku yaahisenraaya aBahali* erubani*; awo yaahiiphwanelihano annela ni axiveeve, enaatthara yaawo anaakonanaaya, vaheera yaakittiwala Miyo,” onghima Yave.

Hoxeya 6:9

Mooteene yoowo atakhali aniipithaaya emuthurumelaka mutthu oomvara, hiihotho mikuttula sa asaserdoti*; awosa aniivela mmiseweni sa oXekhemi, enapaka sootakhala sikina soowuulihaxa muru.

Amosi 4:5

Muhise epaawu yookhalano eferementu ntoko yooveleela yootthapela ni mwiikuxerereno soovahasanyu sootheene sa otthunawanyu, nyuwosa aYixrayeli, niwoko ti yeeyo munsivelaanyu opaka,” onghima Yave onlamula sootheene.

Zefaniya 1:5

yaawo anlapa ithenyeeri sa wiirimu vasulu vanipathoniwaya, ni yaawo ankokhora elipelaka mwa Yave nitho mpaka Moleki;

Malekiya 3:5

“Miyo kinimoorwa wa nyuwosa ntoko Mphuki. Woohipisa, kinookhalela onamoona mwaha wa akhwiri, anamararuwa, anlipela vasiiyoniwene ni wa yaale angwiiyera anamiteko ngwaalivani, anaahasula akwaasuni ni asinaamukhweli, ehooniheraka soophwanela wa anamarwa, ni ahinkittittimiha Miyo,” oneera Yave a ikuru sootheene.

aRooma 2:2

Noosuwela weera nthorihelo na Muluku wa yaawo ampaka itthusene seiyo nri na ekhaikhai.

Deuteronomiyo 32:17

Aapakela sooveleela minepa soonanara sihikhanle Muluku; miluku ahisuwenlaaya sikhumelenle othanathanaru, mwa seiyo yahaalapaaya makholowaanyu.

Ethupululo 21:8

Anamahovela, oohiroromela, ootakhala, anamwiiva, anamararuwa, akhwiri, atthu oolapa miluku sikina ni anamootha ootheene – nipuronaya nnikhale vantthiyani na mooro omvarela ni enxofre*. Iwo ti okhwa wanaaveeli.”

Ethupululo 22:15

Omokoni wa esidade ankhala alapwa, akhwiri, anamararuwa, anamwiiva, anamalapa a miluku sikina ni ootheene yaawo ansivela ni ampaka soowootha.

Ahooleli 5:8

aYixrayeli ethanlaleene miluku sinyowani, ekhotto yaaphiya vamulako wa esidade ni hata khayooneyaru exikudu* naari nivaka variyari wa aYixrayeli 40 000.