Yeremiya 7:8 - Emakhuwa Bible

⁸ Mene moone, nyuwosa munroromela masu oolokhottha ni oohimuteko.

Yeremiya 7:8 Iomraidhean Croise

Yesaya 28:15

Nyuwosa muniikuxerera mweeraka: “Hiyo noopaka wiiraana ni okhwa, nohiiwanana ni nihiye. Naarwaaka nthorihelo noowoopihaxa, khaniniphwanya niwoko ntthawelonahu nipanke wootha ni woowiipithawahu ti olokottha.”

Yesaya 30:10

Awosa aniweerela anamoonihera*: “Muhikhalenotho moonelo!” ni wa maprofeeti: “Muhinooniheretho yeeyo eri ya ekhaikhai! Munithalihere masu oosiveliha, muhime iyoonihero soolokottha.

Yesaya 59:4

Khawoworu oniitthana onuuluma mulattwaawe ni ekhaikhai; khawoworu onaakiha nthowanawe ni murima wa ekhaikhai. Awosa anroromela soowuuluma sa siiyo ni masu oowootha; awosa anrupala sookacamiha ni angyara soonanara.

Yeremiya 13:25

Ola ti mpattaanyu ni yeeyo koolakelenlaakani,” onghima Yave, “niwoko mookittiwala ni moororomela miluku soolokottha.

Yeremiya 23:26

Mpaka yaakhani maprofeeti epwahereraka othalihera soowootha ni ohima sa mmurumwaya?

Yeremiya 23:32

Vekhaikhai nkiniiwananano yaawo anthalihera sooloha soowootha,” oneera Yave. “Awo anghima ni anghapuxa mulokwaaka ni soowoothasaya soohimuteko. Miyo nkaaruminghe naari nkaalamulenle. Awosa khaanruuhelaru mureerelo muloko ola,” oneera Yave.

Yeremiya 28:15

Vano mprofeeti Yeremiya aamweerela Hananiya: “Mwiiwe Hananiya! Yave khoorumingheni, mene moohapuxa muloko ola, onaroromela wootha.

Yeremiya 4:10

Vano keenre: “Ii! Yave onlamula sootheene, moolokottha muloko owo ni oYerusaleemu moota woomalela, mweeraka: ‘Munookhalano murettele, ekatana ereene vaxikowahu.’”

Yeremiya 5:31

Maprofeeti anuuluma soowootha, asaserdoti* anlamula sa mmurumwaya ni mulokwaaka onsiveliwa ni seiyo. Mene mmwipakeni ommaleloni?

Yeremiya 7:4

Muhiroromele masu oolokhottha mweeraka: “Ela ti Empa ya Yave, Empa ya Yave, Empa ya Yave!”

Yeremiya 8:10

Tivawo kineeraaka kaavaherere axaaraya asilopwana akina ni imattasaya wa atthu akina. Ootheene oosareya ohaawela mihakhu – okhuma asikhaani mpaka asitokweene; maprofeeti nitho asaserdoti* ootheene aneetta moolokotthani.